டெல்லி கலவரம் பலி எண்ணிக்கை 17, பள்ளிகள் மூடல்- தேர்வு ரத்து

வடகிழக்கு டெல்லி பகுதிகளில் வன்முறை தொடர்ந்து நடைபெற்றுவரும் நிலையில், வன்முறையாளர்களைப் பார்த்ததும் சுட உத்தரவு வழங்கப்பட்டுள்ளது. தற்போதைய நிலவரப்படி, வன்முறையில் இறப்பு எண்ணிக்கை 11 ஆக உயர்ந்துள்ளது.

#JUSTIN: Shoot at sight order issued in some areas of North-East Delhi. @IndianExpress, @ieDelhi pic.twitter.com/2pgqF0Y1A2

— Mahender Singh (@mahendermanral) February 25, 2020

வடகிழக்கு டெல்லி ஜஃப்ராபாத் பகுதியில் நடைபெற்று வந்த சிஏஏ எதிர்ப்பு போராட்டம் போலீசாரால் அகற்றப்பட்டது.

டெல்லியில் சந்த் பாக் நகரில் கல் வீச்சு சம்பவம் நடந்ததைத் தொடர்ந்து, வடகிழக்கு டெல்லி வன்முறையில் இறந்தவர்களின் எண்ணிக்கை 11 ஆக உயர்ந்துள்ளது.

வடகிழக்கு டெல்லியில் நடைபெற்றுவரும் வன்முறை காரணமாக நாளை பள்ளிகள் மூடப்பட உள்ளன. வடகிழக்கு டெல்லியில் உள்ள பள்ளிகள் நாளை மூடப்படும் என மனிஷ் சிசோடியா தெரிவித்துள்ளார்.

தேசிய தலைநகர் டெல்லியில் சிஏஏ எதிர்ப்பு தொடர்பாக ஏற்பட்ட வன்முறையைத் தொடர்ந்து, வடகிழக்கு டெல்லியில் உள்ள ஒரு மையத்தில் புதன்கிழமை வாரியத் தேர்வை மறுசீரமைப்பது குறித்து விரைவில் முடிவு செய்யுமாறு தில்லி உயர் நீதிமன்றம் சிபிஎஸ்இ வாரியத்திடம் கூறியுள்ளது. இந்த விவகாரம் நீதிமன்றம் புதன்கிழமை காலை மீண்டும் விசாரிக்கும் என்று கூறியுள்ளது. கிழக்கு டெல்லியில் உள்ள சூர்யா நிகேதனில் தேர்வு எழுத உள்ள தனியார் பள்ளி, பாய் பர்மானந்த் வித்யா மந்திரில், பத்தாம் வகுப்பு மற்றும் பன்னிரெண்டாம் வகுப்பு மாணவர்களின் மனுவை நீதிமன்றம் விசாரித்தது. தேர்வு மையம் உள்ள பகுதியான கராவல் நகர் சாலை, வன்முறை பாதிப்புக்குள்ளான பகுதிகளில் ஒன்றாகும்.

வடகிழக்கு டெல்லியின் சந்த்பாக் பகுதியில் வன்முறை சம்பவங்கள் பதிவாகியுள்ளன. 144 தடை உத்தரவு இருந்தபோதிலும், கலவரக்காரர்கள் இன்று மாலை கடைகளுக்கு தீ வைத்து கற்களை எடுத்து வீசினர். அப்பகுதியில் இருந்த கூட்டத்தை கலைக்க காவல்துறையினர் கண்ணீர்ப்புகை குண்டுகளை பயன்படுத்தினர். ஆனால், பயனில்லை. அங்கே நிலைமையைக் கட்டுக்குள் கொண்டுவர துணை ராணுவப் படையினரும் நிறுத்தப்பட்டுள்ளனர். 

கர்நாடகாவின் முன்னாள் முதலமைச்சர் சித்தராமையா செவ்வாய்க்கிழமை புதுதில்லியில் சட்டம் ஒழுங்கு நிலைமை குறித்து கவலை தெரிவித்ததோடு, மத்திய உள்துறை அமைச்சர் அமித் ஷாவிடம் “தேசத்தின் நலனுக்காக செயல்பட வேண்டும். ஒரு சிலரின் நலனுக்காக அல்ல” என்று கேட்டுக் கொண்டார்.

காங்கிரஸ் தலைவர் சித்தராமையா தனது டுவிட்டரில் டெல்லி காவல்துறையின் செயலற்ற தன்மையை விமர்சித்ததோடு அமைதியாக இருக்குமாறு மக்களிடம் வேண்டுகோள் விடுத்தார். கண்ணுக்கு கண் என்பது உலகம் முழுவதையும் பார்வையற்றவர்களாக்கிவிடும் என்ற மகாத்மா காந்தியின் புகழ்பெற்ற வாசகத்தை அவர் நினைவுபடுத்தினார். அமைதியும் நல்லிணக்கமும் குறிக்கோளாக இருக்க வேண்டும் என வலியுறுத்தியுள்ளார்.

வடகிழக்கு டெல்லியில் குடியுரிமை திருத்தச் சட்டம் தொடர்பாக ஏற்பட்ட மோதல்களின் போது இறந்த டெல்லி காவல்துறைத் தலைமைக் காவலர் ரத்தன் லாலின் மனைவிக்கு, உள்துறை அமைச்சர் அமித் ஷா இரங்கல் தெரிவித்து செவ்வாய்க்கிழமை எழுதிய கடிதத்தில், “உங்கள் கணவரின் அகால மரணம் குறித்து நான் வருத்தத்தையும் ஆழ்ந்த இரங்கலையும் தெரிவிக்கிறேன்” என்று தெரிவித்துள்ளார்.

வடகிழக்கு டெல்லியில் தீ வைப்பு சம்பம் தொடர்பாக மொத்தம் 11 எஃப்.ஐ.ஆர் பதிவு செய்யப்பட்டுள்ளது. டெல்லியில் 144 தடை உத்தரவு பிறப்பிக்கப்பட்டுள்ளதால் நிலைமை கட்டுக்குள் இருப்பதாக போலீசார் தெரிவித்தனர்.

டெல்லி போலீஸ் செய்தித் தொடர்பாளர் எம்.எஸ். ரந்தாவா கூறுகையில், “வன்முறை பாதிக்கப்பட்ட பகுதிகளில் 144 தடை விதிக்கப்பட்டுள்ளது. அமைதியை நிலைநாட்டவும், வதந்திகளை நம்ப வேண்டாம் என்றும் மக்களுக்கு வேண்டுகோள் விடுக்கப்பட்டுள்ளது. குறிப்பாக வடகிழக்கு டெல்லியில் உள்ள மக்கள் தங்கள் கைகளில் சட்டத்தை எடுக்க வேண்டாம் என்று நான் வேண்டுகோள் விடுக்கின்றோம். நாங்கள் ட்ரோன்களின் உதவியையும் எடுத்துள்ளோம். நிலைமை கட்டுப்பாட்டில் உள்ளது” என்றார்.

டெல்லியில் சிஏஏவுக்கு ஆதரவாகவும், எதிராகவும் நடந்த போராட்டத்தில் ஏற்பட்ட வன்முறையில் உயிரிழந்தோர் எண்ணிக்கை 10ஆக உயர்ந்துள்ளது.

டெல்லியில் செய்தியாளர்கள் தாக்கப்பட்டதைக் கண்டித்து, சென்னையில் பத்திரிகையாளர்கள் கருப்பு துணி கட்டி கண்டன ஆர்ப்பாட்டத்தில் ஈடுபட்டனர்.

குடியுரிமை பாதுகாப்பு மாநாட்டில் பங்கேற்பதற்காக இன்று இரவு சென்னை வரவிருந்த கேரள முதல்வர் பினராயி விஜயனின் பயணம் ரத்து செய்யப்பட்டுள்ளது.

மாணவிகளுக்கு பாலியல் தொல்லை அளித்த வழக்கில் நல்லாசிரியர் விருது பெற்ற ஆசிரியர் நாகராஜுக்கு 5 ஆண்டுகள் சிறை தண்டனையும் மற்றொரு ஆசிரியர் புகழேந்திக்கு 3 ஆண்டுகள் சிறைதண்டனையும் விதித்து உயர் நீதிமன்றம் தீர்ப்பளித்துள்ளது.

டெல்லி வன்முறை சம்பவம் தொடர்பாக உள்துறை அமைச்சர் அமித்ஷா தலைமையில் நடைபெற்ற அவசர ஆலோசனை கூட்டத்தில் டெல்லி முதலமைச்சர் அரவிந்த் கெஜ்ரிவால், டெல்லி காவல் ஆணையர் உள்ளிட்ட முக்கிய அதிகாரிகள் பங்கேற்றனர். கூட்டத்திற்கு பின்னர் செய்தியாளர்களிடம் பேசிய டெல்லி முதல்வர் அரவிந்த் கெஜ்ரிவால், டெல்லியில் அமைதி திரும்புவதை உறுதி செய்ய அனைத்து அரசியல் கட்சிகளும் முடிவெடுத்துள்ளது. வன்முறையை கட்டுக்குள் கொண்டு வர தேவைப்பட்டால் ராணுவம் அனுப்பி வைக்கப்படும் என்றார்.

சாமிதோப்பு அய்யா வைகுண்டர் திருவிழாவை முன்னிட்டு நெல்லை மாவட்டத்திற்கு வருகிற மார்ச் 3-ம் தேதி உள்ளூர் விடுமுறை என நெல்லை ஆட்சியர் ஷில்பா பிரபாகர் சதீஷ் அறிவித்துள்ளார்.

சிலைக்கடத்தல் தொடர்பான 41 வழக்குகளின் ஆவணங்கள் காணாமல் போயுள்ளதாக வழக்கறிஞர் யானை ராஜேந்திரன் உயர்நீதிமன்றத்தில் வழக்கு தொடர்ந்தார். இந்த வழக்கை விசாரித்த உயர் நீதிமன்றம், சிலைக்கடத்தல் வழக்கு ஆவணங்கள் மாயமானதா என்பது பற்றி மார்ச் 31க்குள் தமிழக அரசு, டிஜிபி பதிலளிக்க உயர்நீதிமன்றம் உத்தரவு பிறப்பித்துள்ளது.

காவிரி மேலாண்மை ஆணைய கூட்டத்தில் தமிழக அரசு, மேகதாதுவில் அணை கட்டும் பேச்சுக்கே இடமில்லை என்று திட்டவட்டமாக தெரிவித்துள்ளது.

பீகார் சட்டப்பேரவையில் என்.ஆர்.சி திட்டதை அமல்படுத்தமாட்டோம் என தீர்மானம் நிறைவேற்றப்பட்டுள்ளது. என்.பி.ஆர் திட்டத்தை 2010ம் ஆண்டு ஷரத்துப்படி அமல்படுத்த வேண்டும் எனவும் தீர்மானம் நிறைவேற்றப்பட்டுள்ளது.

வடகிழக்கு டெல்லியில் சிஏஏ ஆதரவாளர்கள் எதிர்ப்பாளர்கள் இடையேயான வன்முறை குறித்த செய்தி சேகரிக்கச் சென்ற செய்தியாளர்கள் மீது தாக்குதல் நடத்தப்பட்டுள்ளது. தாக்குதலில் காயம் அடைந்த 2 செய்தியாளர்கள் சிகிச்சைக்காக மருத்துவமனையில் அனுமதி.

தயாரிப்பாளர் சுரேஷ் காமாட்சி 'மாநாடு’ படப்பிடிப்பில் பணிபுரியும் தொழிலாளர்களுக்கு 30 கோடி ரூபாய் மதிப்பிற்கு இன்சூரன்ஸ் செய்திருக்கிறார்.

சென்னையில், விபத்தில் சிக்கிய ஒருவருக்கு திமுக தலைவர் ஸ்டாலின், உதவி செய்தார். கொளத்தூர் தொகுதியில் ஆய்வுக்கு சென்று கொண்டிருந்த போது இந்த சம்பவம் நிகழ்ந்தது. இருசக்கர வாகனம் மோதி ஒருவருக்கு விபத்து ஏற்பட்ட நிலையில், அதனை கண்ட திமுக தலைவர் ஸ்டாலின், உடனடியாக அவருக்கு முதலுதவி அளித்து காவல்துறை வாகனத்தில் மருத்துவமனைக்கு அனுப்பி வைத்தார்.

அமெரிக்க அதிபர் டிரம்ப் மீண்டும் இந்தியா வர பிரதமர் மோடி அழைப்பு விடுத்துள்ளார். ”தொழில்நுட்ப ஒத்துழைப்பு, சர்வதேச விவகாரங்கள் குறித்து பேசினோம். உள்நாட்டு பாதுகாப்பு மற்றும் தீவிரவாத ஒழிப்பு குறித்தும் பேசினோம்.  தீவிரவாதத்தை தடுப்பதற்கான வழிமுறைகள் குறித்து பேசினோம்" என பிரதமர் மோடி தெரிவித்துள்ளார். 

தமிழில் சிறந்த மொழிபெயர்ப்பு நூலுக்கான சாகித்ய அகாடமி விருது கே.வி.ஜெயஸ்ரீக்கு அறிவிக்கப்பட்டுள்ளது.  நிலம் பூத்து மலர்ந்த நாள் என்ற மலையாள நூலை தமிழில் மொழி பெயர்த்ததற்காக சாகித்ய அகாடமி விருது அறிவிக்கப்பட்டுள்ளது.

டில்லி கலவரத்தை ஒடுக்க தேவைப்பட்டால் ராணுவம் அழைக்கப்படும் என முதல்வர் அரவிந்த் கெஜ்ரிவால் கூறியுள்ளார். உள்துறை பேட்டியளித்துள்ளார். 

தூத்துக்குடி விசாரணை ஆணையம் முன் ரஜினி ஆஜராக வேண்டும். அதற்கான தேதி பின்னர் அறிவிக்கப்படும். மீண்டும் விலக்கு கேட்டால் மறுப்பு தெரிவிக்கப்படும் என்று விசாரணை ஆணையர் அருணா ஜெகதீசன் தெரிவித்துள்ளார்.

சினிமா ஊழியர்களின் பாதுகாப்பை உறுதி செய்ய வேண்டும்.  படப்பிடிப்பில் விபத்து ஏற்பட்டால், அதற்கான பொறுப்பை, தயாரிப்பு நிறுவனம் தான் ஏற்க வேண்டும் உள்ளிட்டவைகளை வலியுறுத்தி நடிகர் கமல்ஹாசன், தயாரிப்பு நிறுவனமான லைகா புரொடக்ஷன்ஸ் நிறுவனத்திற்கு கடிதம் எழுதியுள்ளார்.

சென்னையில் மார்ச் 1-ந்தேதி பா.ம.க. சிறப்பு பொதுக்குழு கூட்டம் நடைபெறும் என்று தெரிவிக்கப்பட்டுள்ளது. 021-ம் ஆண்டு சட்டசபை தேர்தல் பா.ம.க.வுக்கு மிகவும் முக்கியமான தேர்தலாகும். இந்தத் தேர்தலில் பா.ம.க. வெற்றி பெறுவதற்கான உத்திகள் குறித்து இந்த சிறப்பு பொதுக்குழு கூட்டத்தில் விரிவாக விவாதிக்கப்படும் என்று எதிர்பார்க்கப்படுகிறது.

டில்லியில் யமுனா விஹார் பகுதியில் நடைபெற்ற வன்முறை தொடர்பாக, டில்லி முதல்வர் அரவிந்த் கெஜ்ரிவால், அரசு அதிகாரிகள் உள்ளிட்டோர்களுடன் அவசர ஆலோசனை நடத்தியுள்ளார்.

ஸ்டெர்லைட் போராட்டத்தின் போது போலீசார் நடத்திய துப்பாக்கிச்சூடு சம்பவத்தில் 11 பேர் கொல்லப்பட்டனர். இந்த விவகாரம் பெரும்பரபரப்பை ஏற்படுத்தியிருந்த நிலையில், இந்த போராட்டத்திற்கு சமூகவிரோதிகள் தான் காரணம் என நடிகர் ரஜினிகாந்த் கருத்து தெரிவித்திருந்தார்.இந்த விவகாரத்தை விசாரிக்கும் விசாரணை கமிஷன், ரஜினியையும் விசாரிக்க உள்ளதாக அறிவித்திருந்ததது. இந்நிலையில், விசாரணை ஆணையம் முன் ஆஜராக ரஜினிக்கு சம்மன் அனுப்பப்பட்டிருந்தது. இன்று கமிஷன் முன் ரஜினி ஆஜராக உத்தரவிடப்பட்டிருந்தது. ரஜினிக்கு பதிலாக அவரது வழக்கறிஞர்கள், விசாரணை கமிஷன் முன் ஆஜாராவார்கள் என்று ரஜினி தரப்பில் தெரிவிக்கப்பட்டுள்ளது.  விசாரணை கமிஷன் முன் ஆஜராக ரஜினிக்கு விலக்கு அளிக்கப்பட்டுள்ளது. 

ரஜினி பதிலளிக்க வேண்டிய கேள்விகள், வழக்கறிஞர் இளம்பாரதியிடம் வழங்கப்பட்டன.

பவானிசாகர் அணையின் நீர்வரத்து 323 கன அடியில் இருந்து 913கன அடியாக அதிகரித்துள்ளது. அணையின் நீர் இருப்பு 26.7 டிஎம்சி; நீர்மட்டம் 97.46 அடியாக உள்ளது. அணையில் இருந்து 1000 கன அடி தண்ணீர் வெளியேற்றப்படுகிறது.

மாநிலங்களவையில் தமிழக எம்பிக்கள் பேரது பதவிக்காலம் நிறைவடைய உள்ள நிலையில், இந்த எம்பிக்களை தேர்ந்தெடுப்பதற்கான தேர்தல், மார்ச் 26ம் தேதி நடைபெறும் என்று தேர்தல் ஆணையம் அறிவித்து்ளளது. மொத்தமுள்ள 6 எம்பிக்களில், 3 பேர் திமுகவில் இருந்தும் 3 பேர் அதிமுகவிலிருந்தும் தேர்ந்தெடுக்கப்பட உள்ளனர்.

திருச்சி சிவா, விஜிலா சத்யானந்த், செல்வராஜ், டி.கே.ரங்கராஜன், சசிகலா புஷ்பா முத்துகருப்பன் உள்ளிட்டோரின் பதவிக்காலம் வரும் ஏப்ரல் 2ம் தேதியுடன் முடிவடைவது குறிப்பிடத்தக்கது

சென்னையில் பெட்ரோல் நேற்றைய விலையிலிருந்து மாற்றமின்றி ஒரு லிட்டர் ரூ.74.81 ஆகவும், டீசல், நேற்றைய விலையில் இருந்து மாற்றமின்றி ஒரு லிட்டர் ரூ.68.32 ஆகவும் உள்ளது.

திமுக பொதுச் செயலாளா் க.அன்பழகன், உடல் நலக் குறைவு காரணமாக மருத்துவமனையில் அனுமதிக்கப்பட்டுள்ளாா். அன்பழகனுக்கு  இதையடுத்து, கிரீம்ஸ் சாலையில் உள்ள அப்பல்லோ மருத்துவமனையில் அவா் அனுமதிக்கப்பட்டாா்.அவரது உடல் நிலையைப் பரிசோதித்த மருத்துவா்கள், தேவையான மருத்துவ சிகிச்சைகளை அளித்தனா். தற்போது அவரது உடல் நிலை சீராக உள்ளதாக மருத்துவமனை வட்டாரங்கள் தெரிவித்துள்ளன.