உள்ளாட்சிப் பதவிகளை ஏலம் விட்டால் கடும் நடவடிக்கை: மாநில தேர்தல் ஆணையம்

Tamil Nadu News in Tamil, Latest News in Tamilnadu Updates: தமிழகத்தின் இன்றைய முக்கியச் செய்திகள், அரசியல் நிலவரங்கள், பொதுப் பிரச்னைகள், பொழுதுபோக்கு விஷயங்கள் என அனைத்தையும் இங்கே தெரிந்துக் கொள்ளுங்கள்.

By: Dec 11, 2019, 7:12:28 AM

Flash News in Tamilnadu Today Live Updates: குடியுரிமை திருத்த மசோதா லோக்சபாவில் நிறைவேறியது. இது குறித்து மத்திய ராணுவ அமைச்சர் ராஜ்நாத் சிங் கூறியது, பக்கத்துநாடுகளான பாகிஸ்தான், பங்களாதேஷ் மற்றும் ஆப்கானிஸ்தானில் மத ஒடுக்குமுறை ஏற்பட்டது, இதன் காரணமாக மக்கள் அந்நாட்டை விட்டு வெளியேறி இந்தியாவில் தஞ்சமடைந்தனர். இப்போது, இந்த மசோதா அவர்களுக்கு குடியுரிமை வழங்க முற்படுகிறது, இதன் மூலம் தேசிய நலனுக்காகவே புதிய குடியுரிமை திருத்த மசோதா கொண்டுவரப்பட்டது .இதனால் மற்ற மதத்தினர் கவலைப்பட தேவையில்லை எனறார்.

விக்ரம் லேண்டரின் பாகங்களை கண்டுபிடித்த தமிழக இஞ்ஜினியர்

இந்தியா, மக்களின் வறுமையை ஒழிப்பதில் சிறப்பாக முன்னேறியிருப்பதாக, ஐ.நா., ஆய்வறிக்கையில் தெரிவிக்கப்பட்டுள்ளது. இந்த ஆய்வறிக்கையை வெளியிட்டு, ஐக்கிய நாடுகள் மேம்பாட்டு திட்ட, இந்திய பிரதிநிதி, ஷோகோ நோடா பேசியதாவது :நடப்பாண்டில், 189 நாடுகளில், மக்களின் வாழ்க்கைத் தரம் குறித்து ஆய்வு மேற்கொள்ளப்பட்டது. அதன் அடிப்படையில், மனித வள மேம்பாட்டு குறியீடு வெளியிடப்பட்டுள்ளது. அதில், இந்தியா, 129வது இடத்திற்கு முன்னேறியுள்ளது. கடந்த ஆண்டு, இந்தியா, 130வது இடத்தில் இருந்தது. கடந்த, 30 ஆண்டுகளாக இந்தியா வளர்ச்சி கண்டு வருகிறது. மனித வளத்தை மேம்படுத்துவதில், வேறு, எந்த பிராந்தியத்திலும், இத்தகைய விரைவான வளர்ச்சி காணப்படவில்லை.கடந்த, 1990-2018 வரை, தெற்காசிய நாடுகள். 46 சதவீத வளர்ச்சியை கண்டுள்ளன. கிழக்கு ஆசியா மற்றும் பசிபிக் நாடுகளின் வளர்ச்சி, 43 சதவீதமாக உள்ளது.இவ்வாறு, அவர் கூறினார்.

Live Blog
Tamil Nadu and Chennai news today updates of weather, traffic, rainfall, Breaking : இன்று சென்னை மற்றும் தமிழகத்தின் பல்வேறு பகுதிகளில் நடைபெறும் அனைத்து முக்கிய நிகழ்வுகளையும் உடனுக்குடன் அறிந்து கொள்ள இந்த இணைப்பில் இணைந்திருங்கள்.
21:21 (IST)10 Dec 2019
5,001 பேர் வேட்புமனு

ஊரக உள்ளாட்சி தேர்தலில் போட்டியிட 2 நாட்களில் 5,001 பேர் வேட்புமனு தாக்கல் செய்துள்ளனர் - மாநில தேர்தல் ஆணையம்.

21:03 (IST)10 Dec 2019
நிர்பயா வழக்கு குற்றவாளிகளுக்கு தூக்கு தண்டனை... அடுத்த வாரம் நிறைவேற்றமா?

நிர்பயா வழக்கில் குற்றவாளிகளை விரைவில் தூக்கிலிட முடிவு செய்துள்ளதாக தகவல் வெளியாகியுள்ளது. இது குறித்து டெல்லி தலைமை செயலாளர் உடன், உள்துறைச் செயலாளர் ஆலோசனை நடத்தி இருப்பதாக கூறப்படுகிறது.மேலும், தூக்குக் கயிறு களை தயாரிப்பதில் மிகவும் நிபுணத்துவம் பெற்ற புக்சார் சிறைச் சாலை நிர்வாகத்துக்கு இந்த வார இறுதிக்குள் 10 தூக்குக் கயிறுகளை தயாராக வைக்க அறிவுறுத்தப்பட்டு உள்ளதாகவும் தகவல்கள் வெளியாகி உள்ளன.

21:03 (IST)10 Dec 2019
ஏலம் விடுவோர் மீது கடும் நடவடிக்கை

உள்ளாட்சி பதவிகளை ஏலம் விடுவோர் மீது கடும் நடவடிக்கை

சட்டத்திற்கும், மக்களாட்சி தத்துவத்திற்கும் புறம்பாக நடைபெறும் இத்தகைய செயல்கள் வருந்தத்தக்கவை

ஜனநாயகத்திற்கு ஊறுவிளைவிப்பதை தடுக்க தேர்தல் அலுவலர் சட்டப்படி நடவடிக்கை எடுக்க உத்தரவு

-மாநில தேர்தல் ஆணையம்

20:18 (IST)10 Dec 2019
கத்தி வழக்கில் நடிகர் விஜய் விடுவிப்பு

கத்தி திரைப்படம் தொடர்பான வழக்கில் இருந்து நடிகர் விஜய், தயாரிப்பு நிறுவனம், ஒளிப்பதிவாளர் உள்ளிட்டோர் விடுவிப்பு. கத்தி திரைப்படத்தையும், தாகபூமி குறும்படத்தையும் தஞ்சாவூர் நீதிமன்ற நீதிபதி பார்க்க வேண்டும், படத்தை பார்த்த பின் புகார்தாரர் கூறும் ஒற்றுமை இருந்தால் விசாரணை நடத்தலாம். இந்த வழக்கில் இயக்குநர் முருகதாஸை மட்டுமே எதிர்மனுதாரராக சேர்த்து விசாரணை நடத்த வேண்டும் - உயர்நீதிமன்ற மதுரைக்கிளை

20:17 (IST)10 Dec 2019
நாளை விடுமுறை அறிவிப்பு

திருவண்ணாமலை மாவட்டத்தில் உள்ள பள்ளி, கல்லூரி மற்றும் அரசு அலுவலகங்களுக்கு நாளை விடுமுறை அறிவிப்பு - மாவட்ட ஆட்சியர்

20:16 (IST)10 Dec 2019
பொறாமைப்படும் அளவுக்கு உதயநிதி செயலாற்ற வேண்டும்

திமுக இளைஞரணியில் 50 லட்சம் உறுப்பினர்களை சேர்ப்பதே இலக்கு. நான் பொறாமைப்படும் அளவுக்கு உதயநிதி செயலாற்ற வேண்டும் - ஸ்டாலின்

19:46 (IST)10 Dec 2019
சண்முக சுப்பிரமணியனுக்கு கமல்ஹாசன் வாழ்த்து

சந்திராயன் 2 விண்கலத்தின் விக்ரம் லேண்டரை கண்டுபிடிக்க உதவிய தமிழக இளைஞர் சண்முக சுப்பிரமணியனை நேரில் அழைத்து வாழ்த்து தெரிவித்தார் கமல்ஹாசன்

19:32 (IST)10 Dec 2019
தலைமை நீதிபதி அமர்வு முன் நாளை விசாரணை

உள்ளாட்சித் தேர்தல் தொடர்பாக திமுக உள்ளிட்ட கட்சிகள் தாக்கல் செய்த மனுக்கள் உச்சநீதிமன்ற தலைமை நீதிபதி அமர்வு முன் நாளை விசாரணைக்கு வருகிறது.

18:57 (IST)10 Dec 2019
திமுக தவறான தகவலை அளித்துள்ளது

1991ம் ஆண்டு மக்கள்தொகை கணக்கெடுப்பின்படி, உள்ளாட்சி தேர்தலில் இட ஒதுக்கீடு முறை அறிவிக்கப்பட்டுள்ளதாக திமுக தவறான தகவலை அளித்துள்ளது - தமிழக அரசு

18:57 (IST)10 Dec 2019
தமிழக அரசு பிரமாண பத்திரம் தாக்கல்

உள்ளாட்சித் தேர்தல் விவகாரம் : உச்சநீதிமன்றத்தில் தமிழக அரசு பிரமாண பத்திரம் தாக்கல்

உச்சநீதிமன்ற உத்தரவை பின்பற்றியே தேர்தல் அறிவிப்பு வெளியிடப்பட்டது - தமிழக அரசு

18:33 (IST)10 Dec 2019
தண்ணீர் மாஃபியா தமிழகத்தில் அதிகரித்து வருகிறது

மணல் மாஃபியா போல, தண்ணீர் மாஃபியா தமிழகத்தில் அதிகரித்து வருகிறது - சென்னை உயர் நீதிமன்றம் வேதனை தெரிவிப்பு

தமிழகத்தில் தண்ணீரை தேக்கி வைக்க போதிய உள்கட்டமைப்பு வசதி ஏற்படுத்தாவிட்டால், எதிர்கால சந்ததியினருக்கு தண்ணீர் இல்லாத நிலை ஏற்படும் என உயர் நீதிமன்றம் எச்சரிக்கை.

18:33 (IST)10 Dec 2019
நாளை மாலை 3.25 மணிக்கு விண்ணில்...

பி.எஸ்.எல்.வி. சி-48 ராக்கெட்டின் கவுன்டவுன் இன்று மாலை 4.40 மணிக்கு தொடங்கியது, ராக்கெட் நாளை மாலை 3.25 மணிக்கு விண்ணில் ஏவப்படுகிறது - இஸ்ரோ அறிவிப்பு

18:33 (IST)10 Dec 2019
திருக்கார்த்திகை தீபம் ஏற்றப்பட்டது

திருவண்ணாமலையில் திருக்கார்த்திகை தீபம் பக்தர்கள் கரகோசத்துடன் ஏற்றப்பட்டது. 25 லட்சத்திற்கும் மேலான பக்தர்கள் கார்த்திகை தீப தரிசனம் செய்து கிரிவலம்

18:32 (IST)10 Dec 2019
திருமாவளவன் பொதுநல வழக்கு

உள்ளாட்சி தேர்தலில் இடஒதுக்கீட்டை முறைப்படுத்த வேண்டும் என உச்சநீதிமன்றத்தில் திருமாவளவன் பொதுநல வழக்கு.

17:12 (IST)10 Dec 2019
அமமுகவுக்கு பொதுச்சின்னம் வழங்க மறுப்பு

உள்ளாட்சி தேர்தலில் அமமுகவுக்கு பொதுச்சின்னம் வழங்க மாநில தேர்தல் ஆணையம் மறுப்பு தெரிவித்துள்ளது. இது தொடர்பாக நீதிமன்றத்தில் வழக்கு தொடர இருப்பதாக வழக்கறிஞர் ராஜா செந்தூர் பாண்டியர் பேட்டி அளித்துள்ளார்.

16:55 (IST)10 Dec 2019
திமுக எம்.பி. கனிமொழி மக்களவையில் பேச்சு!

பெரும்பான்மை இருக்கிறது என்பதற்காக சிறுபான்மை மக்களின் உணர்வுகளை காயப்படுத்தக் கூடாது என மக்களவையில் திமுக எம்.பி. கனிமொழி பேசியுள்ளார்.

16:53 (IST)10 Dec 2019
நவநீதகிருஷ்ணன் வேண்டுகோள்

கோதாவரி - காவிரி நதிநீர் இணைப்பு திட்டத்தை நடைமுறைப்படுத்த வேண்டும் என்று மத்திய அரசிடம் மாநிலங்களவை அதிமுக எம்.பி. நவநீத கிருஷ்ணன் வலியுறுத்தியுள்ளார். முல்லை பெரியாறு அணை அருகே புதிய அணை கட்ட கேரள அரசுக்கு மத்திய அரசு வழங்கிய சுற்றுச்சூழல் அனுமதியை திரும்பப் பெற வேண்டும் என்றும் அவர் வேண்டுகோள்

16:44 (IST)10 Dec 2019
உள்ளாட்சி தேர்தல்களில் தனித்து போட்டியிடுவது குறித்து பாஜக ஆலோசனை

உள்ளாட்சி தேர்தலில் தனித்து போட்டியிடுவது குறித்து மாவட்ட வாரியாக கருத்துகளை கேட்ட பின்பு தான் முடிவு எடுக்கப்படும் என்று பொன். ராதாகிருஷ்ணன் அறிவித்துள்ளார். உள்ளாட்சி தேர்தலை சந்திக்க தயாராக இருப்பதாகவும் அவர் அறிவித்தார்.

15:39 (IST)10 Dec 2019
தேர்தல் அதிகாரிகளுடன் தேர்தல் ஆணையர் ஆலோசனை

உள்ளாட்சி தேர்தல் முன்னேற்பாடுகள் குறித்து காணொலி காட்சி மூலம் 27 மாவட்ட ஆட்சியர்கள் மற்றும் தேர்தல் அதிகாரிகளுடனும் ஆலோசனையில் ஈடுபட்டு வருகிறார் தலைமை தேர்தல் ஆணையர் பழனிசாமி.

15:31 (IST)10 Dec 2019
டெல்லி நிர்பயா வழக்கு : உச்ச நீதிமன்றத்தில் குற்றவாளி சீராய்வு மனு தாக்கல்

நிர்பயா கொலை வழக்கில் தூக்கு தண்டனை பெற்ற கைதி அக்சய் குமார்சிங் உச்ச நீதிமன்றத்தில் தனக்கு தரப்பட்டிருக்கும் தண்டனையை எதிர்த்து மறுசீராய்வு மனு தாக்கல்

15:19 (IST)10 Dec 2019
குடியுரிமை சட்ட திருத்த மசோதாவை திருத்தி அமைக்க வேண்டும் - உத்தவ் தாக்கரே

இந்தியாவை பற்றி பாஜக மட்டுமே கவலைக் கொள்கிறது என்ற ஒரு பிம்பத்தை உருவாக்கியுள்ளது அக்கட்சி. குடியுரிமை சட்டத்திருத்த மசோதாவில் மாற்றத்தை ஏற்படுத்தாவிட்டால் மாநிலங்களவையில் ஆதரவு கிடையாது என சிவசேனா கட்சி தலைவரும் மகாராஷ்ட்ரா மாநில முதல்வருமான உத்தவ் தாக்கரே அறிவிப்பு. 

15:16 (IST)10 Dec 2019
ஒவ்வொரு மாவட்டத்திலும் நடமாடும் பல் மருத்துவக்குழு

ஒவ்வொரு மாவட்டத்திலும் நடமாடும் பல் மருத்துவக்குழு அமைக்க முதல் அமைச்சர் எடப்பாடி பழனிசாமி உத்தரவிட்டிருப்பதாக சுகாதாரத்துறை அமைச்சர் விஜயபாஸ்கர் தகவல்

15:06 (IST)10 Dec 2019
உள்ளாட்சி தேர்தல் பாஜக கூட்டணி

இம்மாத இறுதியில் உள்ளாட்சி தேர்தல் நடைபெற இருப்பதை ஒட்டி கூட்டணி பேச்சுவார்த்தையில் ஈடுபட ஆயத்தமாகி வருகிறது பாஜக. மாவட்ட அளவில் அதற்காக குழுக்கள் அமைத்து ஏற்பாடுகள் தீவிரம்

14:49 (IST)10 Dec 2019
எஞ்ஜினியரிங் முடித்தவர்கள் இனி டெட் தேர்வு எழுதி கணித ஆசிரியர் ஆகலாம்

பொறியியல் படிப்புடன் கூடிய பி.எட் படிப்பு முடித்தவர்கள் இனி ஆசிரியர் தகுதித் தேர்வு எழுதி 6 முதல் 8ம் வகுப்பு வரை படிக்கும் மாணவர்களுக்கு கணித ஆசிரியர்கள் ஆகலாம் என்று தமிழக அரசு அரசாணை பிறப்பித்துள்ளது.

14:39 (IST)10 Dec 2019
பாலியல் குற்றவாளிகளை 21 நாட்களுக்குள் தூக்கிலிட புதிய சட்டம்

தெலுங்கானாவில் கால்நடை மருத்துவர் பாலியல் பலாத்காரம் செய்யப்பட்டு எரித்து கொல்லப்பட்டார். இந்த சம்பவத்தில் ஈடுபட்ட குற்றவாளிகள் என்கவுண்டரில் சுட்டுக் கொல்லப்பட்டனர். இந்நிலையில் ஆந்திர முதல்வர் பாலியல் குற்றம் புரிபவர்களுக்கு மரண தண்டனை அளிக்கும் வகையில் புதிய சட்டம் ஒன்றை அறிமுகம் செய்துள்ளார். அதன்படி பாலியல் குற்றவாளிகளை 21 நாட்களுக்குள் தூக்கிலிடப்படுவார்கள் என்று தகவல்கள் வெளியாகியுள்ளது.

13:18 (IST)10 Dec 2019
லேசான மழைக்கு வாய்ப்பு – வானிலை மையம்

வளிமண்டல மேலடுக்கு சுழற்சி காரணமாக தமிழகத்தின் ஓரிரு இடங்களில் லேசான மழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது. . ராமநாதபுரம் கடல் பகுதியில் உயரமான அலைகள் உருவாக வாய்ப்பு உள்ளதால் மீனவர்கள் பாதுகாப்பாக மீன்பிடிக்க சென்னையில் உள்ள மண்டல வானிலை ஆய்வு மையம் அறிவுறுத்தியுள்ளது. 

12:58 (IST)10 Dec 2019
இஞ்ஜினியரிங் முடித்தவர்கள் பள்ளிகளில் கணித ஆசிரியர் ஆகலாம்

இஞ்ஜினியரிங் படிப்புடன் பி.எட் முடித்தவர்கள் இனி ‘டெட்’ தேர்வு எழுதி 6 முதல் 8-ஆம் வகுப்பு வரை கணித ஆசிரியர் ஆகலாம்  என்று தமிழக அரசு அரசாணை வெளியிட்டுள்ளது.

12:20 (IST)10 Dec 2019
ரஜினி மக்கள் மன்றம் முக்கிய அறிவிப்பு

ரஜினி மக்கள் மன்றத்தை சேர்ந்தவர்கள் உள்ளாட்சி தேர்தலில் போட்டியிட கூடாது. யாருக்கும் ஆதரவாக வாக்குசேகரிக்கவும் கூடாது, மீறினால் சட்டப்படி நடவடிக்கை எடுக்கப்படும் என்று ரஜினி மக்கள் மன்றம் அறிவுறுத்தியுள்ளது.

11:32 (IST)10 Dec 2019
திருமாவளவன் வழக்கு தள்ளுபடி

மேயர், நகராட்சி தலைவர் பதவிகளுக்கு மறைமுக தேர்தலுக்கு எதிர்ப்பு தெரிவித்து விடுதலை சிறுத்தைகள் கட்சி தலைவர் திருமாவளவன் தொடுத்த வழக்கை சென்னை உயர்நீதிமன்ற நீதிபதிகள் தள்ளுபடி செய்துள்ளனர்.

அதேபோல், இந்த பதவிகளுக்கு மறைமுக தேர்தலுக்கு வழிவகை செய்யும் அவசர சட்டத்தை ரத்து செய்யவும் நீதிபதிகள் மறுப்பு தெரிவித்துள்ளனர்.

மறைமுக தேர்தல் நடத்துவது ஜனநாயகத்துக்கு விரோதமானதல்ல என்று  நீதிபதிகள் கருத்து தெரிவித்துள்ளனர்.

10:57 (IST)10 Dec 2019
ஸ்டாலின் குறித்து அமைச்சர் ஜெயக்குமார் விமர்சனம்

திமுக தலைவர் ஸ்டாலின், நித்யானந்தா போன்று தீவு  வாங்கி முதல்வராக அறிவித்துக்கொள்ள வேண்டியது தான் என்று மீன்வளத்துறை அமைச்சர் ஜெயக்குமார் விமர்சனம் செய்துள்ளார்.

10:21 (IST)10 Dec 2019
ரிசாட்-2பிஆர்1 செயற்கைகோள் நாளை திட்டமிட்டபடி விண்ணில் ஏவப்படும்

ரிசாட்-2பிஆர்1 செயற்கைகோள் பிஎஸ்எல்வி சி-48 மூலம் திட்டமிட்டபடி நாளை பிற்பகல் 3.24 மணிக்கு விண்ணில் ஏவப்படும் என இஸ்ரோ தலைவர் சிவன், திருப்பதியில் பத்திரிகையாளர்களை சந்தித்தபோது தெரிவித்தார்.

10:14 (IST)10 Dec 2019
திருவண்ணாமலையில் பரணி தீபம் ஏற்றப்பட்டது

திருவண்ணாமலை அருணாசலேஸ்வரர் கோவிலில், கடந்த, 1ல் தீப திருவிழா கொடியேற்றத்துன் தொடங்கியது. இதன் முக்கிய நிகழ்வாக இன்று அதிகாலை, 4:00 மணிக்கு சுவாமி கருவறை எதிரில் பரணி தீபம் ஏற்றப்பட்டது.

தொடர்ந்து , அனேகன், ஏகன்' என்பதை விளக்கும் வகையில் மாலை, 6:00 மணிக்கு, 2,668, அடி உயரமுள்ள மலை உச்சியில் மஹா தீபமும் ஏற்றப்பட உள்ளன. மஹா தீபம் ஏற்ற பயன்படுத்தப்படும் கொப்பரை இன்று, மலை உச்சிக்கு கொண்டு செல்லப்பட உள்ளது.

09:51 (IST)10 Dec 2019
பெட்ரோல், டீசல் விலையில் மாற்றமில்லை

சென்னையில் பெட்ரோல், நேற்றைய விலையில் இருந்து மாற்றமில்லாமல் ஒரு லிட்டர் ரூ.77.97ஆகவும், டீசல், நேற்றைய விலையில் இருந்து மாற்றமில்லாமல் லிட்டர் ரூ.69.81 ஆகவும் உள்ளது. இந்த விலை இன்று காலை முதல் அமலுக்கு வந்தது.

09:50 (IST)10 Dec 2019
எதிர் கட்சிகளின் வெங்காய அரசியல் எடுபடவில்லை – ஹெச்.ராஜா

கர்நாடகாவில் எதிர்க்கட்சிகளின் வெங்காய அரசியல் எடுபடவில்லை , அம்மாநில மக்கள், வளர்ச்சிக்கு வாக்கு அளித்துள்ளதாக பா.ஜ., தேசிய செயலாளர் ஹெச்.ராஜா டுவிட்டரில் தெரிவித்துள்ளார்.

Tamil Nadu News in Tamil, Latest News in Tamilnadu Updates : சிலை கடத்தல் வழக்குகள் தொடர்பாக, 60 சதவீத ஆவணங்கள் ஒருங்கிணைக்கப் பட்டுள்ளன என, பொன் மாணிக்கவேல் கூறினார். இது குறித்து, பொன் மாணிக்கவேல் கூறியதாவது:நான் எப்போதும், நீதிமன்ற உத்தரவுகளை மதிப்பவன். இதை, என் வாழ் நாள் முழுவதும் கடைப்பிடிப்பேன்.சிலை கடத்தல் வழக்குகள் தொடர்பான, 60 சதவீத ஆவணங்களை ஒருங்கிணைத்து விட்டேன். இரு தினங்களில், அனைத்து ஆவணங்களையும், சிலை கடத்தல் தடுப்பு பிரிவு அலுவலகத்தில் ஒப்படைத்து விடுவேன்.இவ்வாறு, அவர் கூறினார்.

நித்தியானந்தா எங்கே இருக்கிறார் என கர்நாடகா ஐகோர்ட், மாநில அரசுக்கு கேள்வி எழுப்பியுள்ளது.நித்தியானந்தா எங்கிருக்கிறார் என்று டிச.12க்குள் அறிக்கை தர வேண்டும் என கர்நாடக அரசை அம்மாநில உயர்நீதிமன்றம் வலியுறுத்தி உள்ளது. இதுகுறித்து கர்நாடக அரசு மற்றும் காவல்துறை விரிவான அறிக்கை தரவேண்டும் என்றும் கோர்ட் வலியுறுத்தி உள்ளது.

Web Title:Tamil nadu news today live updates weather modi local body election citizenbill kashmir

The moderation of comments is automated and not cleared manually by tamil.indianexpress.com.
இதைப் பாருங்க!
X