Tamil Nadu news today updates: சிறப்பு குறைதீர்க்கும் திட்டம் சேலத்தில் 19ம் தேதி முதல்வர் துவக்கிவைப்பு

பூரண மதுவிலக்கே அரசின் கொள்கை, தற்போது வரை 1500 மதுக்கடைகள் மூடப்பட்டுள்ளதாக அமைச்சர் தங்கமணி தெரிவித்துள்ளார்.

மயிலாடுதுறை மக்களின் கோரிக்கையை பரிசீலித்து அடுத்த ஆண்டு மயிலாடுதுறை தனி மாவட்டமாக அறிவிக்கப்படும் என்று அமைச்சர் ஓ.எஸ். மணியன் தெரிவித்துள்ளார்.

பால் விலை உயர்வு தவிர்க்க முடியாதது என்று  அமைச்சர் ராஜேந்திர பாலாஜி தெரிவித்துள்ளார். கொள்முதல் விலை உயர்த்தப்பட்டுள்ளதால், விற்பனை விலையும் உயர்த்தப்பட்டுள்ளது, மக்கள் இதை ஏற்றுக்கொள்ள வேண்டும் என்று அவர் மேலும் தெரிவித்துள்ளார்.

ஆவின் பால் விலை லிட்டருக்கு ரூ.6 உயர்த்தப்பட்டுள்ளது. இந்த விலையுயர்வு, நாளை மறுநாள்( 19ம் தேதி)  முதல் அமலுக்கு வருகிறது. எருமைப்பால் கொள்முதல் விலை ரூ. 6 உயர்த்தப்பட்டுள்ளது.  பசும்பால் கொள்முதல் விலை ரூ.4 உயர்த்தப்பட்டுள்ளது.  இந்த விலை உயர்வால், 4.60 லட்சம் பால் உற்பத்தியாளர்கள் பயன் அடைவார்கள் என தமிழக அரசு தெரிவித்துள்ளது.

திருச்சி - சென்னை எழும்பூர் இடையே நாளை (18ம் தேதி)  இரவு 9.10 மணிக்கு சுவிதா சிறப்பு ரயில் இயக்கப்பட உள்ளது. அதேரயில், மறுமார்க்கத்தில் சென்னை எழும்பூர் - திருச்சி இடையே நாளை மறுநாள் (19ம் தேதி)  நண்பகல் 12 மணிக்கு சிறப்பு ரயில் இயக்கப்படும் என்று தெற்கு ரயில்வே அறிவித்துள்ளது.

எந்த முதல்வரும் படைக்காத சாதனையை முதலமைச்சர் படைத்து வருகிறார், அவர்மீது உள்ள ஆதங்கத்தில் முதல்வரின் அமெரிக்க பயணத்தை ஸ்டாலின் குறை கூறுகிறார் என்று அமைச்சர் ராஜேந்திர பாலாஜி தெரிவித்துள்ளார். மேலும், கமலின் கட்சி மழையில் முளைத்த காளான் போன்றது அந்த கட்சிக்கு கொள்கையும் இல்லை, கோட்பாடும் இல்லை  என்றும் அவர் கூறியுள்ளார். 

அனந்த சரஸ் குளத்தில் எழுந்தருளும் முன் அத்திவரதரின் கடைசி தரிசனம் தொடங்கியது.    கடந்த 48 நாட்கள் மக்கள்ளுக்கு காட்சியளித்த அத்தி வரதர் இன்று விடை பெறுகிறார். இதோடு 40 ஆண்டுகள் கழித்து மீண்டும் தரிசனத்தில் மக்கள் பார்வைக்கு வைக்கப்படுவார். 

விநாயகர் சதுர்த்தி கொண்டாட்டங்கள் இப்போதே களைக்கட்ட தொடங்கியுள்ள நிலையில், தெருக்கள். பொது இடங்களில்   விநாயகர் சிலைகளை வைக்க உரிய அதிகாரியிடம் முறையாக அனுமதி பெற்ற பிறகே நிறுவ வேண்டும் - என்று காவல்துறை உத்தரவு  பிற்பித்துள்ளார். 

கோவை ஆழியாறு அணையில் இருந்து பாசனத்திற்காக 135 நாட்களுக்கு தண்ணீர் திறந்து விட முதலமைச்சர் பழனிசாமி உத்தரவு பிற்பித்துள்ளார்.  முதல்வர் பழனிசாமியின் இந்த அறிவிப்பால டெல்சா விவசாயிகள் மகிழ்ச்சி அடைந்துள்ளனர். 

ஆந்திரா வெள்ளம் ஏற்பட்ட காரணத்தால் முன்னாள் முதல்வர் சந்திரபாபு நாயுடு வீட்டில் வெள்ள நீர் நுழையும் அபாயம் ஏற்பட்டுள்ளது. இதனால்  முன்னெச்சரிக்கை நடவடிக்கையாக வீட்டை காலி செய்ய வலியுறுத்தி  சந்திரபாபு நாயுடுக்கு நோட்டீஸ் அனுப்பபட்டுள்ளது. 

கடந்த 48 நாட்களாக விஷேசமாக நடந்து வந்த அத்தி வரதர் தரிசனம் நேற்றுடன் நிறைவடைந்தது.இந்நிலையில், இன்று  காலை செய்தியாளர்களை சந்தித்த காஞ்சிபுரம் மாவட்ட ஆட்சியர் பொன்னையா அத்திவரதர் தரிசனத்தில் தங்களுடன் பணியாற்றிய அனைத்து துறை ஊழியர்களுக்கும், மாவட்ட நிர்வாகத்தின் சார்பில் எங்கள் நன்றியை தெரிவித்துக் கொள்கிறோம் என்றார். மேலும், 1 கோடிக்கும் மேற்பட்ட பக்தர்கள் அத்திவரதரை தரிசனம் செய்துள்ளனர்  என்றார்.

துப்புரவு பணியாளர்கள் மேலும் 2 நாட்களுக்கு துப்புரவு பணிகளை மேற்கொள்ள உத்தரவிடப்பட்டுள்ளது என்றும்,  அத்திவரதர் தரிசனத்தில் உண்டியல் காணிக்கையாக ரூ 7 கோடி வசூலாகி உள்ளதாகவும் அவர் கூறினார். 

நடிகர் ரஜினிகாந்த், தற்போது 'தர்பார்' படத்தில் நடித்து வருகிறார். கடந்த மாதம் மும்பையில் நடந்த படப்பிடிப்பில் கலந்து கொண்டார். இந்த நிலையில் 'தர்பார்' படத்தின் அடுத்தகட்ட படப்பிடிப்பில் கலந்துக் கொள்வதற்காக, இன்று காலை சென்னையில் இருந்து விமானம் முலம் ஜெய்ப்பூருக்கு புறப்பட்டு சென்றார்.

மறைந்த முன்னாள் மத்திய அமைச்சர் முரசொலி மாறனின் 86வது பிறந்தநாளையொட்டி, சென்னை கோடம்பாக்கத்தில் உள்ள அவரது உருவச்சிலைக்கு தி.மு.க தலைவர் மு.க. ஸ்டாலின் மாலை அணிவித்து மரியாதை செலுத்தினார். அதனை தொடர்ந்து, முரசொலி அலுவலக வளாகத்தில் சமீபத்தில் திறக்கப்பட்ட கருணாநிதியின் சிலைக்கும் அவர், மலர்தூவி மரியாதை செய்தார். 

வேலூர் மக்களவை தொகுதியில் திமுக வேட்பாளர் கதிர் ஆனந்தை வெற்றி பெற செய்த வாக்காளர்களுக்கு நன்றி தெரிவிக்கும் கூட்டம் நாளை (ஞாயிற்றுக் கிழமை) வாணியம்பாடியில் நடைபெறுவதாக இருந்தது. திமுக தலைவர் மு.க.ஸ்டாலின் இதில் பங்கேற்பதாக இருந்தது.

தற்போது தொடர் மழையின் காரணமாக இந்தப் பொதுக்கூட்டம் ஒத்திவைக்கப்பட்டிருக்கிறது. இந்தக் கூட்டம் அதே வாணியம்பாடியில் வரும் 25.08.19 அன்று மாலை 4 மணியளவில் நடைபெறும் என திமுக சார்பில் அறிவிக்கப்பட்டிருக்கிறது.