News Highlights: சசிகலா வருகையால் பாதிப்பு இல்லை- முதல்வர் பழனிசாமி

சிபிஎஸ்இ 10 மற்றும் 12ஆம் வகுப்பு பொதுத்தேர்வுகள் மே 4 முதல் ஜூன் 10ஆம் தேதி வரை நடைபெறும் என்று மத்திய கல்வி அமைச்சர் ரமேஷ் பொக்ரியால் அறிவித்துள்ளார். மேலும், தேர்வு முடிவுகள் ஜூலை 15ஆம் தேதி வெளியிடப்படும் என்றும் அறிவித்துள்ளார்.

முதல்வர் பழனிசாமி: “கூட்டணி பேச்சுவார்த்தை தொடர்ந்து நடைபெற்று வருகிறது. அதிமுக கூட்டணியில் ஏற்கனவே உள்ள கட்சிகள் தற்போதும் நீடிக்கிறது. ஆளுநரிடம் திமுக அளித்த புகாரில் எந்த உண்மையும் இல்லை” என்று தெரிவித்துள்ளார்.

முதல்வர் பழனிசாமி, “சசிகலா வருகையால் அரசியலில் மாற்றமும் ஏற்படாது” என்று தெரிவித்துள்ளார்.

புத்தாண்டு கொண்டாட்டத்திற்கு அனுமதி இல்லை என்பதால் பொதுமக்கள் மெரினா, பெசண்ட் நகர் உளிட்ட கடற்கரைகளுக்கு வர வேண்டாம் என்று சென்னை மாநகர காவல்துறை அறிவித்துள்ளது.

காணும் பொங்கலன்று மெரினா கடற்கரை உள்ளிட்ட அனைத்து கடற்கரைகளிலும் பொதுமக்களுக்கு அனுமதி இல்லை என்று தமிழக அரசு அறிவித்துள்ளது.

சென்னை உயர் நீதிமன்ற நீதிபதியாக கொல்கத்தா உயர் நீதிமன்ற நீதிபதி சஞ்ஜிப் பானர்ஜி நியமனம் செய்யப்பட்டுள்ளதற்கு குடியரசுத் தலைவர் ராம்நாத் கோவிந்த் ஒப்புதல் அளித்துள்ளார். அதே போல, தமிழகத்தைச் சேர்ந்த நீதிபதி எஸ்.முரளிதர் ஒடிஸா உயர் நீதிமன்ற தலைமை நீதிபதியாக நியமனம் செய்யப்பட்டுள்ளார்.

தமிழகத்தில் தளர்வுகளுடன் கூடிய ஊரடங்கு உத்தரவு டிசம்பர் 31ம் தேதியுடன் முடிவடைய உள்ள நிலையில், தமிழகத்தில் தளர்வுகளுடன் கூடிய ஊரடங்கு ஜனவரி 31ஆம் தேதி ஊரடங்கு நீட்டித்து தமிழக அரசு உத்தரவிட்டுள்ளது. ஏற்கனவே உள்ள கட்டுப்பாடுகளுடன் ஜனவரி 31ஆம் தேதி ஊரடங்கு அமலில் இருக்கும் என்று தமிழக அரசு அறிவித்துள்ளது.

தமிழ்நாடு மாநில மனித உரிமை ஆணைய தலைவராக ஓய்வுபெற்ற நீதிபதி பாஸ்கரன் நியமனம் செய்யப்பட்டுள்ளார்.

தமிழகத்தில் திருப்பூர், நாமக்கல், கரூர் திண்டுக்கல் ஆகிய மாவட்டங்களில் கனமழைக்கு வாய்ப்பு இருப்பதாக சென்னை வானிலை ஆய்வு மையம் அறிவித்துள்ளது. மேலும் கடலோர மாவட்டங்கள் மற்றும் உள் மாவட்டங்களில் மிதமான மழைக்கு வாய்ப்பு இருப்பதாக தெரிவிக்கப்பட்டுள்ளது.

குஜராத் மாநிலம் ராஜ்கோட் பகுதியில் அமைய உள்ள எய்ம்ஸ் மருத்துவமனைக்கு பிரதமர் நரேந்திரமோடி இன்று அடிக்கல் நாட்டினார்.

மத்திய அரசு கொண்டு வந்துள்ள வேளாண் சட்டங்களை திரும்ப பெறக்கோரி கேரளா சட்டமன்றத்தில் தீர்மானம் நிறைவேற்றப்பட்டுள்ளது. மேலும் விவசாயிகளின் நியாயமான கோரிக்கைகளை மத்திய அரசு முழுமையாக கேட்க வேண்டும் எனவும் கூறப்பட்டுள்ளது.

பிரிட்டனில் இருந்து மதுரை திரும்பிய ஒருவருக்கு உருமாறிய கொரோனா இல்லை என தெரிவித்துள்ள தமிழக சுகாதார செயலாளர் ராதாகிருஷ்ணன், உருமாறிய கொரோனா பாதித்தோருக்கான சிகிச்சையில் மாற்றம் தேவையில்லை என தெரிவித்துள்ளார்.

கூடுதல் வாக்குச்சாவடிகளை அடையாளம் காணவேண்டி இருப்பதால், தமிழகத்தில் முன்கூட்டியே தேர்தல் நடத்த வாய்ப்பில்லை என தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார்.

தமிழகத்தில் முன்கூட்டியே சட்டமன்ற தேர்தல் நடத்த வாய்ப்பில்லை  தமிழக தலைமை தேர்தல் அதிகாரி சத்யபிரதா சாகு தகவல். "கூடுதல் வாக்குச்சாவடி மையங்களை அடையாளம் காண வேண்டி உள்ளதால் முன்கூட்டியே தேர்தல் நடத்த வாய்ப்பில்லை" 67 ஆயிரமாக இருந்த வாக்குசாவடி மையங்களை, 95 ஆயிரமாக அதிகரிக்க திட்டம் என்று சத்யபிரதா சாகு  தெரிவித்துள்ளார். 

இந்தியாவில் உருமாறிய கொரோனாவால் பாதிக்கப்பட்டோர் எண்ணிக்கை 25ஆக உயர்வு . புனேவில் 4 பேருக்கும், டெல்லியில் ஒருவருக்கும் உருமாறிய கொரோனா தொற்று கண்டறியப்பட்டுள்ளது . 

சித்ரா மரணம் தொடர்பாக ஆர்டிஓ விசாரணை நடத்தி 16 பக்க அறிக்கை சித்ராவுடன் தொடர்புடையவர்கள் 15 பேரிடம் விசாரணை நடத்தி போலீசில் அறிக்கை தாக்கல். 

தமிழகத்தில் ஒருவருக்கு மட்டுமே உருமாறிய கொரோனா .பிரிட்டனில் இருந்து மதுரை வந்த நபருக்கு உருமாறிய கொரோனா தொற்று இல்லை .ருமாறிய கொரோனா பாதித்தோருக்கான சிகிச்சையில் மாற்றம் தேவையில்லை  சுகாதரத்துறை செயலாளர் ராதாகிருஷ்ணன் பேட்டி. 

இந்தியாவில் மேலும் 5 பேருக்கு உருமாறிய கொரோனா தொற்று  மத்திய சுகாதாரத்துறை தகவல். 

தேர்தல் பிரசாரத்துக்கு திருச்சி சென்றுள்ள முதல்வர் பழனிசாமி ஸ்ரீரங்கம் ரங்கநாதர் கோயிலில் சாமி தரிசனம். ஸ்ரீரங்கம் ரங்கநாதர் கோயிலில் முதல்வர் பழனிசாமிக்கு பூரண கும்ப மரியாதை அளிக்கப்பட்டது  ஸ்ரீரங்கம் கோயில் யானை ஆண்டாளிடம் ஆசி பெற்றார் முதல்வர் பழனிசாமி

டெல்லியில் புத்தாண்டு கொண்டாட தடை விதிக்கப்பட்டுள்ளது.  பொது இடத்தில் 5 பேருக்கு மேல் கூட தடை விதிக்கப்படுள்ளது. 2 நாட்களுக்கு 2 நாள் ஊரடங்கும் அமல்படுத்தப்பட்டுல்ளது. 

சிபிஎஸ்இ பொதுத்தேர்வு தேதி இன்று வெளியிடப்படும் என மத்திய கல்வித்துறை அமைச்சர் ரமேஷ் பொக்ரியால் தெரிவித்துள்ளார்.