News Highlights: சொந்த ஊரில் முதல்வர் பழனிசாமி பிரசாரம் இன்று தொடக்கம்

சென்னையில் விவசாயிகளுக்கு ஆதரவாக, தடையை மீறி உண்ணாவிரத போராட்டம் நடத்திய திமுக தலைவர் ஸ்டாலின் உள்ளிட்ட 2000 பேர் மீது ஸ்டாலின் உள்ளிட்ட 2,000 பேர் மீது 4 பிரிவுகளில் காவல்துறையினர் வழக்குப்பதிவு செய்துள்ளனர்.

தமிழகத்தில் இன்று 1,134 பேருக்கு கொரோனா தொற்று உறுதி செய்யப்பட்டுள்ளது. இதனால், இதுவரை கொரோனாவால் பாதிக்கப்பட்டோர் எண்ணிக்கை 8,04,650 ஆக அதிகரித்துள்ளது. மாநிலத்தில் இன்று கொரோனாவால் 12 பேர் உயிரிழந்தனர். இதன் மூலம், இதுவரை கொரோனா பாதிப்பால் உயிரிழந்தோரின் என்ணிக்கை 11,954 ஆக அதிகரித்துள்ளது.

“2021 மார்ச் 31ம் தேதிக்கு பின் எய்ம்ஸ் பணிகள் தொடங்கப்படும்; தற்போது முன்வரைவு தயாரிப்பு பணிகள் நடைபெறுகின்றன” என்று சென்னை உயர் நீதிமன்றம் மதுரை கிளையில் மத்டிய அரசு தெரிவித்துள்ளது.

சட்ட படிப்புகளுக்கான அரியர் தேர்வுகள் ஜனவரி 6 முதல் பருவத்தேர்வுகளுடன் சேர்த்து நடத்தப்படும் என்று அம்பேத்கர் சட்ட பல்கலைக்கழகம் அறிவித்துள்ளது.

இந்திய ரயில்வே உள்கட்டமைப்புத் திறனை அதிகப்படுத்தி, ரயில்வே சேவைகள் மற்றும் வர்த்தகத்தை மேம்படுத்தும் திட்டமாக தேசிய வரைவு ரயில் திட்டத்தை வெளியிட்டுள்ளது.

பாஜக மாநில தலைவர் எல்.முருகன், “வேல் யாத்திரை மூலம் பாஜகவின் தேர்தல் பரப்புரை தொடங்கிவிட்டது. தமிழகத்தில் பாதி மாவட்டங்களை கவர்ந்துவிட்டோம்” என்று கூறினார்.

உத்தரகாண்ட் மாநில முதல்வர் திரிவேந்திர சிங் ராவத்திற்கு கொரோனா தொற்று உறுதி செய்யப்பட்டது. இதையடுத்து, அவர் மருத்துவர்கள் அறிவுரைப்படி வீட்டில் தனிமைப்படுத்திக்கொண்டதாக ட்வீட் செய்துள்ளார்.

சேலத்தில் செய்தியாளர்களிடம் பேசிய முதல்வர் பழனிசாமி, “நங்கவள்ளியில் உள்ள சென்றாய பெருமாள் கோயிலில் வழிபாடு நடத்திவிட்டு நாளை என்னுடைய எடப்பாடி தொகுதியில் 2021ம் ஆண்டு சட்டமன்றத் தேர்தலுக்கான பிரசாரத்தை தொடங்க உள்ளேன்” என்று தெரிவித்துள்ளார்.

பிரதமர் நரேந்திர மோடியின் மக்களவைத் தொகுதியான வாரணாசி அலுவலகத்தை OLX இணையதளத்தில் விற்பனை செய்ய முயன்றதாக 4 பேர்களை போலீசார் கைது செய்துள்ளனர்.

மறைந்த முன்னாள் முதல்வர் ஜெயலலிதாவின் வளர்ப்பு மகனான சுதாகரன் சொத்துக்குவிப்பு வழக்கில் குற்றம் நிரூபிக்கப்பட்டு பெங்களூர் சிறையில் தண்டனை அனுபவித்து வருகின்றார். சிறையில் இருந்து அடுத்த 3 அல்லது நான்கு நாட்களில் அவர் விடுதலையாக வாய்ப்பு இருப்பதாக தெரிவிக்கப்பட்டுள்ளது.

2 ஆண்டுகளான நிலையிலும் எய்ம்ஸ் மருத்துவமனை கட்டுவதற்கு நடவடிக்கை எடுக்காதது ஏன் என்று உயர் நீதிமன்ற மதுரைக் கிளை தமிழக அரசிடம் கேள்வி. எய்ம்ஸ் மருத்துவமனை அமைக்க அரசுக்கு ஆர்வமில்லையா என்றும் கேள்வி.

முதல் இன்னிங்ஸில் 244 ரன்கள் எடுத்து அனைத்து விக்கெட்களையும் இழந்தது இந்திய அணி. அதனை தொடர்ந்து விளையாடி வரும் ஆஸ்திரேலிய அணி 121 ரன்களுக்கு 7 விக்கெட்களை எடுத்து திணறி வருகிறது.

விவசாயிகள் தற்கொலை செய்வதை தடுக்கும் வகையில் வேளாண் சட்டம் இயற்றப்பட்டுள்ளது என்று பிரதமர் மோடி அறிவித்துள்ளார். வேளாண் சட்டங்களால் விவசாயிகளின் பொருளாதாரம் மேம்படும் என்றும் விவசாயிகளையும் வியாபாரங்களையும் இணைக்கும் வகையில் வேளாண் சட்டங்கள் உள்ளன. காங்கிரஸ் விவசாயிகள் பிரச்சனையில் இரட்டை வேடம் போடுகிறது. எதிர்க்கட்சிகள் வாக்குறுதிகளை மட்டுமே தருவார்களே தவிர ஆளும்கட்சி மட்டும்தான் அதை நிறைவேற்றும் என பிரதமர் பேச்சு.

அண்மையில் நடத்தப்பட்ட சோதனையில், ரூ.1.37 கோடி பணம் உள்பட ரூ. 10 கோடி மதிப்பு சொத்துக்கள் அவரிடம் இருந்து பறிமுதல் செய்யப்பட்டது. அதனைத் தொடர்ந்து அவர் பணியிடை நீக்கம் செய்யப்பட்டார். அவரின் வங்கி லாக்கர்களை சோதனை செய்ய லஞ்ச ஒழிப்புத்துறை முடிவு.

பிரசாத் ஸ்டூடியோவில் சில மணிநேரம் தியானம் செய்ய இசையமைப்பாளர் இளையராஜாவுக்கு ஏன் அனுமதி வழங்க கூடாது என்று விளக்கம் அளிக்குமாறு பிரசாத் ஸ்டூடியோ உரிமையாளர்களுக்கு சென்னை உயர் நீதிமன்றம் உத்தரவு.

வேளாண் சட்டங்களால் உண்மையான விவசாயிகள் பாதிக்கப்பட போவதில்லை என்றும் ரஜினி அரசியல் குறித்து கேட்ட போது கலாச்சாரத்தை சீரழித்த கமல் அரசியலுக்கு வரும் போது ரஜினி அரசியலுக்கு வருவதில் எந்த தவறும் இல்லை என்று கூறியுள்ளார்.

திருச்செந்தூர் சுப்பிரமணிய சுவாமி கோவிலை ஒட்டியிருக்கும் கடற்கரையில் பக்தர்கள் குளிப்பதற்கு இன்று முதல் அனுமதி வழங்கப்பட்டுள்ளது.

ஜாதி இல்லாத சமுதாயத்தை நோக்கி சென்று கொண்டிருக்கும் நிலையில் ஜாதிவாரி கணக்கெடுப்பு ஏன் நடத்த வேண்டும் என்று ஜாதி வாரியாக கணக்கெடுக்க மத்திய அரசுக்கு உத்தரவிடக் கோரிய மனுவில் சென்னை உயர் நீதிமன்றம் பதில். மனுவை தள்ளுபடி செய்தது நீதிமன்றம்.

தமிழகத்தில் செயல்பட்டு வரும் தனியார் பள்ளிகளில் அரையாண்டு தேர்வுகளை நடத்துவதற்கான வழிமுறைகள் வெளியிடப்பட்டுள்ளது. நடத்தப்பட்ட பாடங்களுக்கு மட்டுமே தேர்வுகள் நடத்தப்பட வேண்டும் என்றும் தேர்வுக்காக தனியாக கட்டணங்கள் ஏதும் வசூலிக்கப்படக் கூடாது என்றும் உத்தரவு.

தஞ்சை, திருவாரூர், நாகை, கடலூர், புதுக்கோட்டை, ராமநாதபுரம் ஆகிய மாவட்டங்களில் கனமழை பெய்யும் என்றும் புதுவை மற்றும் காரைக்கால் உள்ளிட்ட பகுதிகளில் மிதமான மழைக்கு வாய்ப்புள்ளது என்றும் சென்னை வானிலை ஆய்வு மையம் அறிவிப்பு.

வாணியம்பாடியில் அம்மா மினி கிளினிக்கை திறந்து வைத்த முதலமைச்சர் கர்ப்பிணிகளுக்கு அம்மா தாய்சேய் நல ஊட்டச்சத்து பெட்டகத்தை வழங்கினார்.

விவசாயிகளை சந்திக்க தமிழக பாஜக தலைவர் எல்.முருகன் சுற்றுப்பயணம் மேற்கொள்ள உள்ளார். 3 நாட்கள் சுற்றுப்பயணம் டெல்டா மாவட்டங்களை நோக்கி. 

புதிய வேளாண் சட்டத்தால் அதானியும், அம்பானியும் செயற்கையான விலைஏற்றத்தை உருவாக்கிவிடுவர் என த.வா.க தலைவர் வேல்முருகன் குற்றச்சாட்டு

புதுச்சேரியில் விவசாயிகளுக்கு ஆதரவாக காங்கிரஸ் கட்சியினருடன் முதல்வர் நாராயணசாமி உண்ணாவிர போராட்டாம். 

வேளாண் சட்டங்களுக்கு எதிர்ப்பு தெரிவித்து பி.ஆர்.பாண்டியன் தலைமையில் ஆளுநர் மாளிகை முற்றுகையிட செல்ல முயன்றோர் தடுத்து நிறுத்தப்பட்டதால் பரபரப்பு. 

கல்லூரிகளில் சேர்ந்து, பின்னர் விலகிய மாணவர்களின் முழு கல்வி கட்டணத்தை திரும்ப செலுத்த வேண்டும் . அனைத்து கல்லூரிகளுக்கு பல்கலைக்கழக மானியக்குழு உத்தரவு ."உத்தரவை மீறி செயல்படும் கல்லூரி நிர்வாகங்கள் மீது கடுமையான நடவடிக்கை எடுக்கப்படும்"

ஸ்டாலின் தலைமையில் நடைப்பெற்று வரும் உண்ணாவிரத போராட்டத்தில் தோழமை கட்சிகளைன் சேர்ந்த தலைவர்கள், நிர்வாகிகள் ஒரு சேர கலந்து கொண்டு வருகின்றனர். 

ஆஸ்திரேலியாவுக்கு எதிரான முதல் டெஸ்ட் கிரிக்கெட் போட்டி : முதல் இன்னிங்சில் இந்திய அணி 244 ரன்களுக்கு ஆல் அவுட் . இந்திய அணியில் அதிகபட்சமாக கோலி - 74, புஜாரா - 43, ரகானே - 42 ரன்கள் எடுத்தனர் .

தென்காசி: குற்றாலம் மெயின் அருவி, பழைய குற்றால அருவியில் சுற்றுலா பயணிகள் குளிக்க தடை விதிப்பு மேற்கு தொடர்ச்சி மலைப்பகுதிகளில் பெய்த மழை காரணமாக நீர்வரத்து அதிகரிப்பால் அருவிகளில் குளிக்க தடை |