Tamil News Today : 7 பேர் விடுதலை குறித்து பேச திமுகவிற்கு தார்மீக உரிமை இல்லை - முதல்வர் பழனிசாமி

7 பேர் விடுதலை குறித்து பேச திமுகவிற்கு தார்மீக உரிமை இல்லை. பேரறிவாளனுக்கு பரோல் எங்கள் ஆட்சியில் வழங்கப்பட்டது என்று முதல்வர் பழனிசாமி தெரிவித்துள்ளார்.

காவல்துறை தடையை மீறி வேல் யாத்திரை சென்றதாக தமிழக பாஜக தலைவர் எல்.முருகன் உள்பட 507 பேர் மீது திருத்தணி போலீசார் வழக்குப்பதிவு செய்துள்ளனர்.

சென்னையில் நடிகர்கள் கமல்ஹாசன், சரத்குமார் ஆகியோரின் வீடுகளுக்கு வெடிகுண்டு மிரட்டல் விடுக்கப்பட்டுள்ளது. காவல்துறை கட்டுப்பாட்டு அறைக்கு தொலைபேசி மூலம் தொடர்பு கொண்டு வெடிகுண்டு மிரட்டல் விடுத்துப் பேசிய நபர் குறித்து போலீசார் விசாரித்து வருகின்றனர்.

பென்சில்வேனியா மாகாணத்தில் டொனால்ட் டிரம்ப் பின்னடைவு ஏற்பட்டுள்ளது. ஜோ பிடென் முன்னிலை பெற்று வருகிறார். அமெரிக்க அதிபர் தேர்தலில் இழுபறி நீடிக்கும் 4 மாகாணங்களில் 3-ல் ஜோ பிடென்ன் முன்னிலை பெற்று வருகிறார்.

நடிகர் விஜயின் தந்தை எஸ்.ஏ.சந்திரசேகர் அகில இந்திய தளபதி விஜய் மக்கள் இயக்கம் என்ற பெயரில் தேர்தல் ஆணையத்தில் கட்சியாக பதிவு செய்ய விண்ணப்பித்ததைத் தொடர்ந்து, அதற்கு நடிகர் விஜய் எதிர்ப்பு தெரிவித்தார். கட்சிக்கும் எனக்கும் தொடர்பு இல்லை. எனது பெயரையும் படத்தையும் பயன்படுத்தினால், நடவடிக்கை எடுக்கப்படும் என்று அறிவிக்கை வெளியிட்டார். இந்நிலையில், விஜய் பெயரில் பதிவு செய்யப்பட்ட கட்சியில் விஜயின் தாய் ஷோபா சந்திரசேகர் கட்சியில் இருந்து விலகிவிட்டேன் என்று தெரிவித்துள்ளார்.

செய்தியாளர்களிடம் பேசிய தேமுதிக பொருளாளர் பிரேமலதா விஜயகாந்த், “கமல்ஹாசன் கூறும் மூன்றாவது அணி குறித்து தற்போது ஏதும் கூற முடியாது; தேர்தல் நேரத்தில்தான் அது குறித்து கருத்து தெரிவிக்க முடியும்.” என்று தெரிவித்துள்ளார்.

திருப்பூரில் கொரோனா வைரஸ் தடுப்பு பணிகளை ஆய்வு செய்த முதல்வர் பழனிசாமி, “அரசின் நடவடிக்கையால் கொரோனா வைரஸ் தொற்று பாதிப்பு படிப்படியாக குறைந்துள்ளது. கனவுத் திட்டமான அத்திக்கடவு - அவினாசி திட்டம் நிறைவேற்றப்பட்டு வருகிறது. வெளி மாநில தொழிலாளர்கள் சொந்த மாநிலம் திரும்ப நடவடிக்கை எடுக்கப்பட்டுள்ளது. ரூ.948 கோடியில் திருப்பூர் ஸ்மார்ட் சிட்டி உருவாக்கப்பட்டு வருகிறது.” என்று கூறினார்.

“100 நாள் வேலை திட்டத்தில், அதிகாரிகள் நிதி முறைகேட்டிலும், பயனாளிகள் வேலை செய்யாமல் முறைகேட்டிலும் ஈடுபடுகின்றனர்” என்று உயர் நீதிமன்ற மதுரைக் கிளை நீதிபதிகள் தெரிவித்துள்ளனர். இய்ந்ந்திரங்களை பயன்படுத்தி சில நிமிடங்களில் முடிக்க வேண்டிய வேலைகளை ஏன் மனிதர்கள் மூலம் செய்யப்படுகிறது. 100 நாள் வேலை திட்டத்தில், அதிகாரிகள் நிதி முறைகேட்டிலும், பயனாளிகள் வேலை செய்யாமல் முறைகேட்டிலும் ஈடுபடுகின்றனர்” என்று உயர் நீதிமன்ற மதுரைக் கிளை நீதிபதிகள் தெரிவித்துள்ளனர்.

விஜய் மக்கள் இயக்கத்திற்கு அங்கீகாரம் கிடைக்கும் என்ற நோக்கில்தான் கட்சி ஆரம்பித்துள்ளதாகவும் விஜய் பெயரில் கட்சி தொடங்கவில்லை என்றும் நடிகர் விஜயின் தந்தை எஸ்.ஏ.சந்திரசேகர் பேட்டியளித்துள்ளார்.

மருத்துவ படிப்பில் 7.5 சதவிகிதம் உள் ஒதுக்கீடு செய்யப்பட்டுள்ளது. இந்தச் சட்டம் நிறைவேற்றப்பட்டதை அரசிதழில் வெளியிட்டிருக்கிறது தமிழக அரசு.

பெருகி வரும் கொரோனா காரணமாகக் கர்நாடகாவில் பட்டாசு வெடிக்கத் தடை விதிக்கப்பட்டுள்ளது. அதிகாரப்பூர்வ அறிவிப்பு விரைவில் வெளியிடப்படும் என்று கர்நாடக முதல்வர் எடியூரப்பா தெரிவித்துள்ளார்.

தடையை மீறி திருத்தணியில் வேல் யாத்திரை நடத்த முயன்ற எல்.முருகன் உள்ளிட்ட பாஜக-வினர் கைது செய்யப்பட்டனர்.

ரூ.520 கோடி மதிப்பிலான நலத் திட்டப் பணிகளை நீலகிரி மாவட்டம் உதகையில் தொடங்கி வைத்து, கொரோனா தடுப்பு நடவடிக்கை ஆய்வுக் கூட்டத்தில் கலந்துகொண்டார் இபிஎஸ். இதனைத் தொடர்ந்து, மற்ற மாநிலங்களை விடத் தமிழகத்தில் கொரோனா பாதிப்பு குறைவாக உள்ளது என்றும் குறிப்பிட்டுள்ளார்.

திருத்தணி கோயிலுக்கு சென்றடைந்தார் பாஜக தலைவர் எல்.முருகன். திருத்தணி கோயிலுக்கு வேலுடன் சென்று சாமி தரிசனம் செய்தார் தமிழக பாஜக தலைவர் எல்.முருகன். 

அரசுப் பள்ளி மாணவர்களுக்கு மட்டுமே 7.5% இடஒதுக்கீடு. அரசு உதவி பெறும் பள்ளிகள் என்றாலும் அவை தனியார் பள்ளிகளே அவை இதில் பொருந்தாது என்று முதல்வர் பழனிசாமி தெரிவித்துள்ளார். 

தமிழகத்தின் பல்வேறு பகுதிகளில் வேல் யாத்திரைக்கு அனுமதி அளிக்கக்கோரிய பாஜக-வினர் போராட்டம் நடத்தி வருகின்றனர். இதனால் பதற்றம் நிலவி வருகிறது. 

குமரி கடல் பகுதியில் நிலவும் வளிமண்டல மேலடுக்கு சுழற்சி காரணமாக இடி மின்னலுடன் கன மழைக்கு வாய்ப்பு .திண்டுக்கல், தென்காசி, ராமநாதபுரம், திருப்பூர், விருதுநகர், நெல்லை ஆகிய மாவட்டங்களில் கனமழை பெய்யும் எனவும் சென்னை வானிலை மையம் தெரிவித்துள்ளது. 

குற்றால அருவிகளில் நீர்வரத்து அதிகரிப்பு. மேற்குத் தொடர்ச்சி மலைப் பகுதிகளில் பெய்து வரும் தொடர் மழை காரணமாக குற்றாலத்தில் உள்ள அனைத்து அருவிகளிலும் நீர்வரத்து அதிகரிப்பு. 

கொரோனா விதிகளை மீறிய கடைகளுக்கு அபராதம். சேலத்தில் கொரோனா விதிமுறைகளை பின்பற்றாத 20 ஜவுளி கடைகளுக்கு தலா ரூ.5,000 அபராதம் விதிப்பு; விதிகளை மீறினால் கடைகளுக்கு சீல்! 

டெல்லியில் குடியரசுத் தலைவர் ராம்நாத் கோவிந்துடன் தமிழக ஆளுநர் பன்வாரிலால் புரோஹித் சந்திப்பு நடைப்பெற்று வருகிறது. இடஒதுக்கீடு மற்றும் ராஜீவ் காந்த் கொலை வழக்கு குறித்து ஆலோசிக்கப்பட்டு வருவதாக தகவல். 

தேமுதிகவின் நிலைப்பாட்டை ஜனவரி முதல் வாரத்தில், தேமுதிக செயற்குழு கூட்டத்தில் விஜயகாந்த் அறிவிப்பார் என்று பிரேமலதா விஜயகாந்த் தெரிவித்துள்ளார். பிரச்சாரத்தில்,விஜயகாந்தை பார்க்கலாம் என்று அவர் கூறியுள்ளார். 

ராஜீவ் கொலை வழக்கில் கைதான பேரறிவாளனுக்கு வரும் நவம்பர் 23 ஆம் தேதி வரை  பரோல் நீட்டிப்பு சென்னை உயர்நீதிமன்றம் உத்தரவு. 

நசரத்பேட்டையை சென்றடைந்தது பாஜகவின் வேல் யாத்திரை. திருத்தணி நோக்க செல்ல முருகனுக்கு காவல் துறையினர் அனுமதி வழங்கியுள்ளனர். அதே நேரம், அவருடன் மற்ற பாஜக வாகங்கள் மற்றும் தொண்டர்கள் செல்ல அனுமதி மறுக்கப்பட்டுள்ளது. 

டெல்லியில் அனைத்து வகையான பட்டாசுகளுக்கும் நாளை முதல் நவம்பர் 30 வரை தடை விதிப்பு. ஏற்கனமே, மகாராஷ்ட்ரா போன்ற மாநிலங்களில் பட்டாசு வெடிக்க தடை விதிக்கப்பட்டுள்ளது குறிப்பிடத்தக்கது. 

கிராம, ஊரக பகுதிகளுக்கு மருத்துவர்கள் மற்றும் பணியாளர்கள் சென்று வர போக்குவரத்து வசதி உள்ளதா? தமிழக அரசு பதிலளிக்க உயர் நீதிமன்ற மதுரை கிளை உத்தரவு.

பாஜகவின் வேல் யாத்திரைக்கு தடை விதிக்கப்பட்டிருந்த நிலையில், எல். முருகன் காலை, தடையை மீறி வேல் யாத்திரைக்காக  திருத்தணி புறப்பட்டு சென்றார். இந்நிலையில், அவர், போலீசாரால் பாதி வழியில் தடுத்து நிறுத்தப்பட்டார். இதனால் அங்கு பரபரப்பு நிலவி வருகிறது. 

நீலகிரி மாவட்டத்தில் முதலமைச்சர் எடப்பாடி பழனிசாமி ஆய்வு மேற்கொண்டுள்ளார். 123 புதிய திட்டங்களுக்கு முதலமைச்சர் அடிக்கல் நாட்டிய பின்பு, மாற்றுத்திறனாளிகளுக்கு பேட்டரியால் இயங்கும் சிறப்பு சக்கர நாற்காலிகளை வழங்குகிறார்.

தடையை மீறி வேல் யாத்திரை வேல் யாத்திரைக்காக, பாஜக தமிழக தலைவர் எல்.முருகன், திருத்தணி புறப்பட்டார். 

நீலகிரி மாவட்டத்தில் ரூ.131.57 கோடி மதிப்பிலான 123 புதிய திட்ட பணிகளுக்கு முதல்வர் பழனிசாமி அடிக்கல் நாட்டினார். 

கடவுள் முருகனின் துணைக்கொண்டு திருத்தணியில் வேல் யாத்திரையை தொடங்குவதாக தமிழக பாஜக தலைவர் எல். முருகன் அறிவிப்பு. தடையை மீறி பாஜக வேல் யாத்திரையை நடத்துவது பெரும் பரபரப்பை ஏற்படுத்தியுள்ளது. 

தடையை மீறி வேல் யாத்திரை நடைபெறும் என அறிவிக்கப்பட்டுள்ளதால, விழுப்புரம் மாவட்டம் செஞ்சியில், பாஜக நிர்வாகிகள் 5 பேர் கைது செய்யப்பட்டுள்ளனர். 

திருத்தணி முருகன் கோவில் வளாகத்தில் போலீஸ் குவிக்கப்பட்டுள்ளனர். மேலும் காவலர்கள் தீவிர கண்காணிப்பிலும் ஈடுபட்டு வருகின்றனர். தடையை மீறி வேல் யாத்திரை நடைபெறும் என தமிழக பாஜக தலைவர்கள் தெரிவித்துள்ளதால் போலீசாட் நடவடிக்கையை துரிதப்படுத்தி உள்ளனர்.