Tamil news Highlights: பாஜக மாநில செயற்குழு கூட்டம்:இடைத் தேர்தல் குறித்து ஆலோசனை

காங்கிரஸ் எம்.பி ராகுல் காந்தி : “பா.ஜ.க எப்போதும் மக்களிடம் அச்சத்தையே பரப்புகிறது. அவர்கள் கொண்டுவரும் சட்டங்கள் யாருக்காவது அல்லது எதற்காவது அச்சத்தை ஏற்படுத்தும் வகையில்தான் உள்ளது. அதற்கு சிறந்த உதாரணம் வேளாண் சட்டங்கள்: வேளாண் சட்டங்கள் விவசாயிகள் மனதில் அச்சத்தை ஏற்படுத்தியது.” என்று தெரிவித்தார்.

விருதுநகர் மாவட்டம், சாத்தூர் அருகே பட்டாசு ஆலையில் ஏற்பட்ட வெடிவிபத்தில் 2 பேர் உயிரிழந்தனர். 4 பேர் படுகாயம் அடைந்தனர்.

ஈரோடு கிழக்கு தொகுதி இடைத்தேர்தலில் விவிபேட் இயந்திரம் பயன்படுத்தப்படும் என தலைமைத்தேர்தல் அதிகாரி சத்யபிரதா சாஹு தெரிவித்துள்ளார்.

செங்கல்பட்டு சிறுவர் சீர்திருத்த பள்ளியில் சிறுவன் அடித்துக் கொலை செய்யப்பட்ட சம்பவம் தொடர்பாக தேசிய குழந்தைகள் உரிமை பாதுகாப்பு ஆணைய பதிவாளர் நேரில் விசாரணை மேற்கொண்டார். சிறுவன் உயிரிழந்த வழக்கில், சீர்திருத்த பள்ளி காவலர்கள் 6 பேர் ஏற்கனவே கைது செய்யப்பட்டுள்ளனர்.

எஸ்.எஸ்.சி மல்டி டாஸ்கிங் தேர்வை தமிழ் உள்பட 13 மாநில மொழிகளில் எழுத தேர்வாணையம் அனுமதி அளித்துள்ளது. 11,409 காலி பணி இடங்களுக்கான தேர்வை தமிழ் உள்பட 13 மாநில மொழிகளில் எழுத அனுமதி அளிக்கப்பட்டுள்ளது.