Tamil News Today : ரஜினிகாந்த்துக்கு துணை முதல்வர் ஓ.பன்னீர்செல்வம் பிறந்தநாள் வாழ்த்து

நடிகர் ரஜினிகாந்த்துக்கு துணை முதல்வர் ஓ.பன்னீர்செல்வம் பிறந்தநாள் வாழ்த்து தெரிவித்துள்ளார்.

துணை முதல்வர் ஓ.பன்னீர் செல்வம் தனது ட்விட்டர் பக்கத்தில், “தனது அயராத உழைப்பாலும், அபாரத் திறமையாலும் தமிழ்த் திரையுலகில் தனிமுத்திரை பதித்து #Superstar ஆக கோலோச்சி வரும் ரஜினிகாந்த் அவர்கள் மகிழ்ச்சியுடனும் நல்ல ஆரோக்கியத்துடனும் நீண்ட ஆயுளோடும் வாழ எனது இதயமார்ந்த பிறந்தநாள் வாழ்த்துகளை அன்போடு தெரிவித்துக்கொள்கிறேன்” என்று தெரிவித்துள்ளார்.

தனது அயராத உழைப்பாலும், அபாரத் திறமையாலும் தமிழ்த் திரையுலகில் தனிமுத்திரை பதித்து #Superstar ஆக கோலோச்சி வரும் அன்புச்சகோதரர் @rajinikanth அவர்கள் மகிழ்ச்சியுடனும் நல்ல ஆரோக்கியத்துடனும், நீண்ட ஆயுளோடும் வாழ எனது இதயமார்ந்த பிறந்தநாள் வாழ்த்துகளை அன்போடு தெரிவித்துக் கொள்கிறேன்.

— O Panneerselvam (@OfficeOfOPS) December 11, 2020

நடிகர் சிம்புவின் ஈஸ்வரன் திரைப்படத்தின் முதல் பாடல் டிசம்பர் 14ம் தேதி வெளியாகும் என படக்குழுவினர் அறிவித்துள்ளார்.

2021 ஏப்ரல் வரை ஆன்லைனில் மட்டுமே வகுப்புகள் நடைபெறும். இறுதி செமஸ்டர் மாணவர்களுக்கு மட்டும் டிசம்பர் முதல் ஏப்ரல் வரை நேரடி வகுப்புகள் நடைபெறும் என்று அண்ணா பல்கலைக்கழகம் அறிவித்துள்ளது.

தமிழகத்தில் இன்று புதிதாக 1,235 பேருக்கு கொரோனா வைரஸ் தொற்று உறுதி செய்யப்பட்டுள்ளது. கொரோனா பாதிப்பால் இன்று 17 பேர் உயிரிழந்தனர். கொரோனா பாதிப்பில் இருந்து இன்று 1,311 பேர் குணமடைந்தனர்.

சென்னையில் விதிகளை மீறிய சுங்கச்சாவடிகளை அகற்றும் வரை போராட்டம் தொடரும் என்று திமுக தலைவர் மு.க.ஸ்டாலின் தெரிவித்துள்ளார்.

மு.க.ஸ்டாலின் தனது ட்விட்டர் பக்கத்தில், “விதிகளை மீறி, சென்னை மாநகராட்சியில் 8 இடங்களில் சுங்கச்சாவடிகள்! சென்னை தெற்கு மாவட்டச் செயலாளர் மா.சுப்பிரமணியன்

ஏற்பாட்டில் நடைபெற்ற #Dont_Want_Tollgate என்ற மாபெரும் ஆர்ப்பாட்டம் இந்த ஆட்சி மீதான மக்களின் கோபத்தைக் காட்டுகிறது. சுங்கச்சாவடிகளை அகற்றும் வரை போராட்டம் தொடரும்!” என்று தெரிவித்துள்ளார்.

விதிகளை மீறி, சென்னை மாநகராட்சியில் 8 இடங்களில் சுங்கச்சாவடிகள்!

சென்னை தெற்கு மாவட்டச் செயலாளர் @Subramanian_ma ஏற்பாட்டில் நடைபெற்ற #Dont_Want_Tollgate என்ற மாபெரும் ஆர்ப்பாட்டம் இந்த ஆட்சி மீதான மக்களின் கோபத்தைக் காட்டுகிறது.

சுங்கச்சாவடிகளை அகற்றும் வரை போராட்டம் தொடரும்! pic.twitter.com/ws0FkRcuTx

— M.K.Stalin (@mkstalin) December 11, 2020

உலகப் புகழ்பெற்ற தென் கொரிய திரைப்பட இயக்குனர் கிம் கி-டுக் கொரோனா தொற்றால் பாதிக்கப்பட்டு காலமானார். அவருக்கு வயது 60.

சென்னை பெருங்குடி குப்பை கிடங்கில் 125 ஏக்கர் மீண்டும் சதுப்பு நிலமாக மாற்றப்படும் என்று பெருநகர சென்னை மாநகராட்சி ஆணையர் பிரகாஷ் தெரிவித்துள்ளார்.

பிரதமர் மோடி தலைமையில் காணொளி வழியாக நடைபெறும் பாரதியார் பிறந்தநாள் விழாவில் முதல்வர் பழனிசாமி உரையாற்றினார்.

பாரதியார் பிறந்தநாளான இன்று வானவில் பண்பாட்டு மையம் சார்பில் காணொளி வாயிலாக நடைபெறுகிற பாரதியார் சர்வதேச விழாவில் பிரதமர் மோடி தலைமை உரையாற்றுகிறார்.

பாரதியாரிடம் இருந்து இன்றைய இளைஞர்கள் நிறைய கற்றுக்கொள்ள வேண்டும் என்று பிரதமர் மோடி தெரிவித்துள்ளார்.

Addressing the International Bharati Festival. https://t.co/paQYLDcj7k

— Narendra Modi (@narendramodi) December 11, 2020

நான்கு முறை ஒத்திவைக்கப்பட்ட சிவகங்கை மாவட்ட ஊராட்சி தலைவர் பதவிக்கான தேர்தலில் அதிமுகவைச் சேர்ந்த பொன்மணி பாஸ்கர் ஏற்கனவே வெற்றி பெற்றார். இதையடுத்து, சிவகங்கை மாவட்ட ஊராட்சி துணைத் தலைவர் பதவிக்கான தேர்தலில் அதிமுகவைச் சேர்ந்த சரஸ்வதி என்பவர் வெற்றி பெற்றார்.

ரஜினி தனது ரசிகர்களை நம்பவில்லை. மாறாக அவர் பாஜகவினரையே நம்புகிறார். அவரின் செயல்பாடுகள் அனைத்திலும் பாஜக மட்டுமே உள்ளது என்று மக்களவை உறுப்பினர் கார்த்தி சிதம்பரம் விமர்சனம் செய்துள்ளார்.

மாற்று சந்தைகள் உருவாக்கப்பட்டால் அது விவசாயத்துறையை முற்றிலும் சிதைத்துவிடும் என்று பாரதிய கிஷான் சங்கம் மத்திய அரசின் மூன்று வேளாண் சட்டங்களுக்கு எதிராக உச்ச நீதிமன்றத்தில் இடைக்கால தடை விதித்துள்ளது.

மாவட்ட செயலாளர்களுடன் சென்னையில் நாளை மறுநாள் தேமுதிக தலைவர் விஜயகாந்த் ஆலோசனை கூட்டத்தில் ஈடுபட உள்ளார். தேர்தல் நெருங்கி வருகின்ற நேரம் என்பதால் இந்த ஆலோசனை கூட்டம் முக்கியம் வாய்ந்ததாக பார்க்கப்படுகிறது.

நெல்லை பாபநாசம் அருகே பொட்டல்குண்டு என்ற இடத்திற்கு அருகே மின்வேலியில் சிக்கி 30 வயது மதிக்க தக்க பெண் யானை உயிரிழப்பு. நிலத்தின் உரிமையாளரை காவல்துறையினர் தேடி வருகின்றனர்.

டிசம்பர் 30 மற்றும் 31 தேதிகளில் பாஜக தேசீய தலைவர் ஜேபி நட்டா தமிழகம் வர வாய்ப்புகள் உள்ளதாக எல். முருகன் அறிவித்துள்ளார்.

ஐசிசி வெளியிட்டுள்ள ஒருநாள் போட்டிகளுக்கான பேட்டிங் தரவரசை பட்டியலில் 870 புள்ளிகளுடன் விராட் கோலி முதலிடம் பிடிட்துள்ளார்.  842 புள்ளிகளுடன் ரோகித் ஷர்மா 2ம் இடம் பெற்றுள்ளார். 

கிருஷ்ணகிரி பாரூர் ஏரியில் இருந்து 14ம் தேதி முதல் 120 நாட்களுக்கு பாசனத்திற்கு தண்ணீர் திறந்துவிட முதல்வர் எடப்பாடி பழனிசாமி உத்தரவு.

கோவை சாந்தி கியர்ஸ் அறக்கட்டளை என்ற பெயரில் பொதுமக்களுக்கு குறைந்த விலையில் மருத்துவ சேவை, உணவு போன்ற அத்தியாவசிய சேவைகளை செய்து வந்தவர் மரணம்.

அதிமுக முதல்வர் வேட்பாளர் அறிவிப்பு நிகழ்ச்சியில் கொரோனா விதிமுறைகளை பின்பற்றவில்லை என்று வழக்கு. தமிழக அரசு இதற்கு வருகின்ற ஜனவரி 6ம் தேதிக்குள் பதில் அளிக்க வேண்டும் என்று சென்னை உயர் நீதிமன்றம் உத்தரவு பிறப்பித்துள்ளது.

ஆயுர்வேத மருத்துவர்கள் அறுவை சிகிச்சை செய்யலாம் என்று வழங்கப்பட்ட உத்தரவை எதிர்த்து ஐதராபாத் நிலோஃபெர் மருத்துவமனை முன் மருத்துவர்கள் போராட்டம். 

Hyderabad: Members of the Indian Medical Association & junior doctors of Niloufer Hospital stage protest demanding the withdrawal of Centre's order allowing Ayurvedic physicians to do allopathic surgery. pic.twitter.com/BmJFoqeUHm

— ANI (@ANI) December 11, 2020

மீனாட்சி கோயிலில் நிரந்தர தீயணைப்பு நிலையம் அமைப்பது எப்போது என்று கேள்வி எழுப்பிய மதுரை உயர்நீதிமன்ற கிளை தமிழக அரசு பதில் அளிக்க உத்தரவு பிறப்பித்துள்ளது. தீயணைப்பு நிலையம் அமைக்க ரூ. 1 கோடி ஒதுக்கீடு செய்யப்பட்டதாக தமிழக அரசு தரப்பில் பதில் அளிக்கப்பட்டது. வழக்கின் அடுத்தக்கட்ட விசாரணை வருகிற 18ஆம் தேதிக்கு ஒத்திவைப்பு. மக்கள் நலனில் அக்கறை கொண்டு வழக்கு பதிவு செய்த இஸ்லாமியருக்கு பாராட்டு.

"தனி ஒரு மனிதனுக்கு உணவில்லை எனில் இந்த ஜகத்தினை அழித்திடுவோம்" என்று அன்றே முழங்கிய முண்டாசுக் கவிஞன் பாரதியை அவர்தம் பிறந்தநாளில் வணங்கி போற்றுகிறேன் என முதல்வர் எடப்பாடி பழனிசாமி ட்விட்டரில் பதிவிட்டுள்ளார். 

"தனி ஒரு மனிதனுக்கு உணவில்லை எனில் இந்த ஜகத்தினை அழித்திடுவோம்" என்று அன்றே முழங்கிய முண்டாசுக் கவிஞன் பாரதியை அவர்தம் பிறந்தநாளில் வணங்கி போற்றுகிறேன். pic.twitter.com/GAB0yJIu5u

— Edappadi K Palaniswami (@EPSTamilNadu) December 11, 2020

சிவகங்கை மாவட்ட ஊராட்சித் தலைவர் தேர்தலில், குலுக்கல் முறையில் அ.தி.மு.க. வேட்பாளர் பொன்மணி பாஸ்கர் வெற்றி பெற்றதாக அறிவிப்பு.

பாரதியாரின் 138-வது பிறந்தநாள் தினத்தை முன்னிட்டு திமுக தலைவர் ஸ்டாலின் வாழ்த்து. நாட்டின் இன்றைய நிலையை நினைக்கும்போது 'என்று தணியும் இந்த சுதந்திர தாகம்' என்ற பாரதியின் வரிகள் நினைவுக்கு வருகின்றன எனக் குறிப்பிட்டுள்ளார்.

'செந்தமிழ் நாடெனும் போதினிலே இன்பத்தேன் வந்து பாயுது காதினிலே' என்ற மகாகவி பாரதியின் இல்லத்தை அரசு இல்லமாக்கி - சென்னையில் சிலை வைத்து சிறப்பித்தது திமுக அரசு.

அவரது பிறந்தநாளில் 'என்று மடியும் எங்கள் அடிமையின் மோகம்' என்ற வரி நாட்டு நிலைமையை நினைவூட்டுகிறது.

வாழ்க பாரதி புகழ்! pic.twitter.com/m3bwiIHmP7

— M.K.Stalin (@mkstalin) December 11, 2020

மறைந்த முன்னாள் முதல்வர் ஜெயலலிதாவின் வேதா இல்லத்தை நினைவு இல்லமாக்கும் பணி குறித்து மாவட்ட ஆட்சியர் ஆய்வு. 

எனக்கு லேசான மயக்கம் ஏற்பட்டதால், ரத்த அழுத்த பரிசோதனை மேற்கொண்டேன். மருத்துவர்களின் அறிவுரைப்படி சிறிது நேரம் ஓய்வெடுத்தேன் என திமுக தலைவர் ஸ்டாலின் விளக்கம் அளித்துள்ளார். 

சென்னை போயஸ் கார்டன் இல்லத்தில் நடிகர் ரஜினிகாந்த் ஆலோசனை நடத்தி வருகிறார். தலைமை ஒருங்கிணைப்பாளர் அர்ஜுனமூர்த்தி மற்றும் மேற்பார்வையாளர் தமிழருவி மணியனுடன் ஆலோசனை நடத்தி வருகிறார். 

தன் உயிரை பொருட்படுத்தாமல், மக்களோடு மக்களாக இருப்பவரே தலைவர். 8 மாதங்களாக வெளியே வராத ஸ்டாலின், தற்போது ஓட்டுக்காக களம் இறங்கியுள்ளார். கமல்ஹாசனின் சுற்றுப்பயணம் தமிழகத்தில் எந்த தாக்கத்தையும் ஏற்படுத்தாது என அமைச்சர் ஜெயக்குமார் தெரிவித்துள்ளார். 

ஊருக்கு நல்லது சொல்வேன்; எனக்குண்மை தெரிந்தது சொல்வேன் என்று முழங்கிய பாரதி, வாழ்நாளெல்லாம் நெஞ்சில் உரத்தோடும் நேர்மைத் திறத்தோடும் உண்மையைப் பாடினான்.

என் நெஞ்சில் நின்று வழிகாட்டும் அந்த முன்னோனுக்கு என் முதல் வணக்கம்.

— Kamal Haasan (@ikamalhaasan) December 11, 2020

பாரத தாயின் புதல்வன் மகாகவி சுப்பிரமணிய பாரதி அவர்களின் ஜெயந்திக்கு எனது அஞ்சலி. இவர் பெண்கள் அதிகாரம் பெறுவதற்கான ஒரு முன்னோடி ஆவார். பாரதி தேசிய ஒற்றுமையின் சின்னமாக விளங்கினார் என, பாரதியாரின் 139-வது பிறந்த தினத்தையொட்டி உள்துறை அமைச்சர் அமித்ஷா ட்வீட்

பாரத தாயின் புதல்வன் மகாகவி சுப்பிரமணிய பாரதி அவர்களின் ஜெயந்திக்கு எனது அஞ்சலி. இவர் பெண்கள் அதிகாரம் பெறுவதற்கான ஒரு முன்னோடி ஆவார். பாரதி தேசிய ஒற்றுமையின் சின்னமாக விளங்கினார். இவரின் தேசபக்தி கவிதைகள் சுதந்திரப் போராட்டத்தின் போது மக்களுக்கு மிகப்பெரிய உத்வேகம் அளித்தன. pic.twitter.com/CMHFXTCIHe

— Amit Shah (@AmitShah) December 11, 2020

கொளத்தூர் பகுதியில் மழையால் பாதிக்கப்பட்டோருக்கு திமுக தலைவர் ஸ்டாலின் நிவாரணப் பொருட்கள் வழங்கி வருகிறார்.

நடிகை சித்ரா தற்கொலைக்கு கணவர், தாய் என இரண்டு தரப்பிலும் கொடுத்த மன அழுத்தமே காரணம் எனவும், கணவர் ஹேம்நாத் குடித்துவிட்டு அவரிடம் பிரச்னை செய்து வந்திருக்கிறார் எனவும் காவல்துறை தரப்பில் தகவல் தெரிவிக்கப்பட்டுள்ளது. 

புதிய நாடாளுமன்றத்தின் சிறப்பு அம்சங்கள்

* தற்போதுள்ள மக்களவை அரங்கத்தின் அளவை காட்டிலும் 3 மடங்கு பெரியதாக இருக்கும்

சுமார் 900 இருக்கைகள் இருக்கும்

* மாநிலங்களவைக்கான அரங்கத்தில் 384 இருக்கைககள் இருக்கும் #NewParliament4NewIndia pic.twitter.com/3FIcWCYnfE

— BJP Tamilnadu (@BJP4TamilNadu) December 11, 2020

மகாகவி பாரதியாரின் பிறந்த தினத்தை முன்னிட்டு, சர்வதேச பாரதி திருவிழாவை பிரதமர் திரு. நரேந்திர மோடி இன்று காணொலிக் காட்சி வாயிலாக தொடங்கி வைத்து, உரையாற்றுகிறார்.

2021 சட்டமன்ற தேர்தல் பணிகள் தொடர்பாக பாஜக நிர்வாகிகளுடன் ஆலோசனை மேற்கொள்ள, வரும் 30 மற்றும் 31 ஆம் தேதிகளில் தமிழகம் வருகிறார் பாஜக தேசிய தலைவர் ஜே.பி. நட்டா!

மதுரை, சிம்மக்கல் பகுதியைச் சேர்ந்த குமார் மற்றும் கிருஷ்ணா எனும் இருவரை, செல்லூர் காவல் துறையினர் கைது செய்து அவர்கள் இடமிருந்த சுமார் 31 கிலோ கஞ்சாவை பறிமுதல் செய்தனர்!

ஜனவரி 14-ம் தேதி பொங்கல் பண்டிகை தொடங்கும் நிலையில் அரசுப் பேருந்துகளில் இன்று முதல் அதற்கான முன்பதிவு தொடங்குகிறது.