News Highlights: தமிழகத்தில் தியேட்டர்கள் திறப்பு எப்போது? இன்று ஆலோசனை

மத்திய அரசு கொண்டுவந்துள்ள வேளாண் சட்டங்களை எதிர்த்து காங்கிரஸ் கட்சி சார்பில் நாளை டிராக்டர் போராட்டம் நடத்தப்படும் என அறிவித்துள்ளது. இந்த நிலையில், போராட்டங்களுக்கு டிராக்டரை பயன்படுத்தினால் கடும் நடவடிக்கை எடுக்கப்படும் என்று தேனி மாவட்ட காவல்துறை எச்சரிக்கை விடுத்துள்ளது.

தமிழகத்தில் இன்று ஒரே நாளில் புதிதாக 3,914 பேருக்கு கொரோனா வைரஸ் தொற்று உறுதி செய்யப்பட்டுள்ளது. மாநிலத்தில், இன்று கொரோனா பாதிப்பால் 56 பேர் உயிரிழந்தனர் என்று தமிழக சுகாதாரத்துறை தெரிவித்துள்ளது.

அமைச்சர் கடம்பூர் ராஜூ: திரையரங்குகளை திறப்பது குறித்து நாளை முதல்வரை சந்திக்கிறேன். அதையடுத்து, திரையரங்குகள் திறப்பது குறித்து முதல்வர் பழனிசாமி 2 நாட்களில் ஆலோசனை செய்வார் என்று கூறினார்.

7.5% உள்ஒதுக்கீடு மசோதாவுக்கு தமிழக ஆளுநர் ஒப்புதல் அளிக்க வேண்டும் என்று தமிழ் மாநில காங்கிரஸ் தலைவர் ஜி.கே.வாசன் வலியுறித்தினார்.  

"மறைந்த முன்னாள் முதல்வர் ஜெயலலிதா மரணம் குறித்த விசாரணையை தங்களது பதவி சுகத்திற்காக முதல்வர் எடாப்படி பழனிசாமியும், ஒ. பன்னீர்செல்வமும் முடக்கி வைத்திருப்பதை நீதிபதி ஆறுமுகசாமி அவர்களின் குற்றச்சாட்டு அம்பலப்படுத்துகிறது என்று திமுக தலைவர் மு.க  ஸ்டாலின் தெரிவித்தார்.  

மத்திய உள்துறை செயலாளர்  அஜய் குமார் பல்லாவின் பதவி அடுத்த மாதம் நிறைவடைய இருந்த நிலையில், அவரின் பதவிக்காலத்தை  அடுத்த வருடம் ஆகஸ்டு மாதம் 22ஆம் தேதி வரை நீட்டிக்கப்பட்டுள்ளது.   

மதுரையில் செய்தியாளர்களிடம் பேசிய அமைச்சர் செல்லூர் ராஜூ, "மருத்துவ படிப்பு மாணவர் சேர்க்கையில் அரசு பள்ளி மாணவர்களுக்கு ஏழரை சதவீத இடஒதுக்கீடு வழங்குவதில் அதிமுக அரசு உறுதியாக உள்ளது. மத்திய அரசுக்கு இணையாக மாநில அரசுகளின் பாடத்திட்டங்கள் கொண்டு வரப்பட்டதினால், தேர்ச்சி விகிதம் பன்மடங்கு அதிகரித்து இருக்கிறது" என்று தெரிவித்தார்.   

தமிழ்நாட்டில் இருண்ட ஆட்சி நீடித்து இருக்கவேண்டும் என மத்திய பாஜக அரசு நினைக்கிறது. ஆனால், இந்த நிலை இன்னும் ஆறு மாதங்கள் வரைதான் என்று திமுக தலைவர் ஸ்டாலின் குறித்த கேள்விக்கு  பதிலளித்த அவர், " கடந்த திமுக ஆட்சியில் தான் தமிழகம் மின்வெட்டால் இருண்டு கிடந்தது" என்று தெரிவித்தார்.       

நியூசிலாந்து தேர்தலில், பிரதமர் ஜெசிந்தா ஆர்டனின் தொழிலாளர் கட்சி தொடர்ந்து 2ஆம் முறையாக வெற்றி பெற்றுள்ளது. பதிவான வாக்குகளில் 49 சதவீதத்திற்கும் மேற்பட்ட வாக்குகளை அக்கட்சி பெற்றது.

எதிர்கட்சியான தேசிய கட்சிக்கு 27 சதவீத வாக்குகள் கிடைத்தது. நியூசிலாந்து நாட்டில் கோவிட் - 19 தடுப்பு நடவடிக்கைகளை சிறப்பாக மேற்கொண்டதை அங்கிகரிக்கும் வகையில், பிரதமர் ஜெசிந்தா ஆர்டனுக்கு மீண்டும் வெற்றி கிடைத்துள்ளதாக கருதப்படுகிறது.

புதிய காற்றழுத்தத் தாழ்வுப் பகுதி நாளை மத்திய வங்கக்கடலில் உருவாக இருப்பதாக இந்திய வானிலை ஆய்வு மையம் தெரிவித்திருக்கிறது. இதனால் அடுத்த இரண்டு நாள்களுக்கு, தமிழகம், தெலுங்கானா மற்றும் ஆந்திர மாநிலங்களில் உள்ள ஓரிரு இடங்களில் கனமழை பெய்வதற்கு வாய்ப்பிருக்கிறது என்று தெரிவித்துள்ளது.

கொரோனா பாதிப்பு மற்றும் கொரோனா தடுப்பு மருந்து விநியோகம் உள்ளிட்டவைக் குறித்த ஆய்வுக் கூட்டம், பிரதமர் மோடி தலைமையில் காணொலி மூலம் நேற்று நடைபெற்றது. இதில், மத்திய சுகாதாரத் துறை அமைச்சர் ஹர்ஷவர்தன் உள்ளிட்ட ஏராளமான துறைகளைச் சார்ந்த அரசு அதிகாரிகள் பங்கேற்றனர். அதில், நாட்டில் அனைவருக்கும் கொரோனா தடுப்பு மருந்து விரைவாகக் கிடைப்பதற்கு உறுதி செய்ய வேண்டும் என்றும் நமக்கு மட்டுமின்றி உலக நாடுகள் முழுவதும் கிடைக்கும்படி செய்ய வேண்டும் எனவும் கேட்டுக்கொண்டார் மோடி.

தொடர்ச்சியாகத் தஞ்சை மாவட்டத்தில் பெய்துவரும் கனமழை காரணமாக, நேரடி நெல் கொள்முதல் நிலையங்களில் வைக்கப்பட்டிருந்த நெல் மூட்டைகள் மழையில் நனைந்து சேதமடைந்துள்ளன. இன்று விடுமுறை என்பதால் நெல் கொள்முதல் செய்ய முடியாமல் விவசாயிகள் தவித்துவருகின்றனர்.

'தமிழ்நாட்டில் இருண்ட ஆட்சி நீடித்து இருக்கவேண்டும் என மத்திய பாஜக அரசு நினைக்கிறது. ஆனால், இந்த நிலை இன்னும் ஆறு மாதங்கள் வரைதான். அதன்பிறகு காட்சி மாறும், செயின்ட் ஜார்ஜ் கோட்டையில் ஆட்சியும் மாறும். திமுகவை யாராலும் ஆட்டவோ, அசைக்கவோ ஏன் தொட்டு பார்க்கவோ முடியாது' என்று திமுக தலைவர் மு.க.ஸ்டாலின் கூறியுள்ளார்.

'தாம் தூம்' திரைப்படம் மூலம் தமிழ் சினிமாவில் அறிமுகமானவர் கங்கனா ரனாவத். நடிகர் சுஷாந்த் மரணம் குறித்துப் பல தகவல்களைத் தொடர்ந்து சமூக வலைத்தளங்களில் பதிவு செய்து பல சர்ச்சைகளை ஏற்படுத்தினார். தற்போது, கங்கனா மற்றும் அவருடைய தங்கை ரங்கோலி சாண்டல் இருவரும் சமூக வலைத்தளங்களில் ஜாதி பிரிவு உண்டாகும் படியான கருத்துக்களைப் பதிவு செய்து வருவதாகக்கூறி, பாந்திரா நீதிமன்றம் வழக்குப் பதிவு செய்ய உத்தரவிட்டிருக்கிறது. இதனைத் தொடர்ந்து, மும்பை போலீசார், 124 A பிரிவின் கீழ், தேசத் துரோகம் செய்ததாக வழக்குப் பதிவு செய்துள்ளது.

கடலூர் மாவட்ட அரசுப் பள்ளியில் படித்த மாற்றுத்திறனாளி மாணவி பானுப்ரியா, நீட் தேர்வில் தேர்ச்சி பெற்றுள்ளார். தான் படித்த பள்ளியில், தமிழக அரசு இலவச நீட் பயிற்சி மேற்கொண்டு, தன் ஆசிரியர் மற்றும் பெற்றோர்களின் ஆதரவால் வெற்றிபெற்றுள்ளதாகப் பகிர்ந்துகொண்டார் பானுப்ரியா.

உலக பூர்வ குடியினருக்கான பட்டியலில் நீலகிரிப் பகுதியில் வாழும் படுகர் இன மக்கள் சேர்க்கப்பட்டனர். ஐக்கிய நாடுகளின் மலைகளுக்கான கூட்டமைப்பு இந்த முடிவை வெளியிட்டது.