நாளை  உலக பால் தினத்தை முன்னிட்டு அனைத்து ஆவின் பொருட்களுக்கும் அரசு 5% தள்ளுபடியை அறிவித்துள்ளது. 

தமிழகத்தில் ஐபிஎஸ் அதிகாரிகள் 19 பேரை இடமாற்றம் செய்து உள்துறை செயலாளர் உத்தரவிட்டுள்ளார். 

சேலம் 8 வழிச்சாலைத் திட்டத்திற்கு எதிரான பாமகவின் சட்டப் போராட்டம் தொடரும்  என்று பாமக இளைஞரணி தலைவர் அன்புமணி ராமதாஸ் தெரிவித்துள்ளார் . மத்திய, மாநில அரசுகளுக்கு தொடர்ந்து அழுத்தம் கொடுப்பதன் மூலம் 8 வழிச்சாலைத் திட்டத்தை கைவிடச் செய்ய பாமக போராடும் - எனவும் அன்புமணி கருத்து. 

தமிழகத்தில் குடிநீர் பிரச்சனையை போக்க பல்வேறு நடவடிக்கைகள் எடுக்கப்பட்டுள்ளன என்றும் தற்போதைய நிலையில் 560 கனஅடி நீர், ஜூன் 15-ம் தேதி வரை வினியோகம் செய்ய முடியும் எடுத்திருப்பதாக  அமைச்சர் எஸ்.பி.வேலுமணி தெரிவித்துள்ளார். 

சேலம் 8 வழிச்சாலை விவகாரத்தில் தமிழக அரசு மேல்முறையீடு செய்ததற்கு திமுக தலைவர் ஸ்டாலின் கடும் கண்டனம். தமிழக அரசு உடனடியாக மேல்முறையீட்டை வாபஸ் பெற வேண்டும் என்று அவர் தெரிவித்துள்ளார். 

தமிழகம் மற்றும் புதுச்சேரியில் ஓரிரு இடங்களில் லேசானது முதல் மிதமான மழைக்கு வாய்ப்பு  இருப்பதாக வானிலை ஆய்வு மையம் தெரிவித்துள்ளது. 

மத்திய அமைச்சரவையில் அதிமுக இடம் பெறுவது குறித்து முதலமைச்சர், துணை முதலமைச்சர் ஆலோசனை நடத்தியுள்ளனர், நல்ல முடிவு விரைவில் வரும் - என்று அமைச்சர் கடம்பூர் ராஜூ தெரிவித்துள்ளார். 

2ஜி மேல்முறையீடு வழக்கை விரைந்து விசாரணைக்கு எடுக்க வேண்டும் என டெல்லி உயர்நீதிமன்றத்தில் சிபிஐ மனு தாக்கல் செய்துள்ளது. 

நாங்குநேரி சட்டமன்ற தொகுதி காலியாக உள்ளதாக இந்திய தேர்தல் ஆணையத்திடம் தெரிவிக்கப்பட்டுள்ளது -என்று தமிழக தலைமை தேர்தல் அதிகாரி சத்யபிரதா சாஹூ தெரிவித்துள்ளார். 

புதுச்சேரியில் ஜூன் 3ஆம் தேதிக்கு பதில் ஜூன் 10ம் தேதி பள்ளிகள் திறக்கப்படும்  என்று முதல்வர் நாராயணசாமி தெரிவித்துள்ளார்.  கோடை வெப்பம் அதிகரித்து காணப்படுவதால் பள்ளிகள் திறப்பு தேதி மாற்றம் என புதுச்சேரி முதல்வர் நாராயணசாமி விளக்கம்

சித்தா, ஆயுர்வேத படிப்புகளுக்கும் இந்தாண்டு முதல் நீட் தேர்வு அடிப்படையில் மாணவர் சேர்க்கை நடைபெறும் என்று தெரிவிக்கப்பட்டுள்ளது. 

திமுக மாவட்ட செயலாளர்கள், சட்டமன்ற, நாடாளுமன்ற உறுப்பினர்கள் கூட்டம் வரும் 3ம் தேதி அண்ணா அறிவாலயத்தில் நடைபெறும் - என்று பொதுச்செயலாளர் அன்பழகன் அறிவித்துள்ளார்.