Advertisment

மதுரை மீனாட்சி சுந்தரேஸ்வரர் கோவில் பற்றி நீங்கள் அறிந்திராத சுவாரசியங்கள் இதோ!

இந்த வண்ணமயமான கோவிலின் மற்றொரு சுவாரஸ்யமான அம்சம், இதில் சுமார் 33000 சிற்பங்கள் உள்ளன.

author-image
WebDesk
புதுப்பிக்கப்பட்டது
New Update
மதுரை மீனாட்சி சுந்தரேஸ்வரர் கோவில் பற்றி நீங்கள் அறிந்திராத சுவாரசியங்கள் இதோ!

தமிழ்நாட்டின் மதுரையில் உள்ள மீனாட்சியம்மன் கோவில், அதன் மத மற்றும் வரலாறு மற்றும் அதன் பிரம்மாண்டமான கட்டிடக்கலை அடிப்படையில் முக்கியத்துவம் பெற்றது. இது இந்தியாவில் அதிகம் பார்வையிடப்படும் கோயில்களில் ஒன்றாகும், மேலும் இது தென்னிந்தியாவில் கட்டாயம் பார்க்க வேண்டிய இடமாகும். நீங்கள் தரிசிக்க ஆர்வமாக இருந்தால், இந்தக் கோவிலைப் பற்றி இதுவரை நீங்கள் அறிந்திராத அனைத்து சுவாரஸ்யமான உண்மைகளையும் தெரிந்து கொள்ளுங்கள்.

Advertisment

ஆயிரம் தூண்கள் கொண்ட மண்டபம்

இதற்கு ஆயிரங்கால் மண்டபம் என்ற பெயரும் உண்டு. ஒரே பாறையில் கட்டப்பட்டதாக கூறப்படும் ஆயிரம் தூண்களின் மண்டபம் ஒரு அற்புதமான கட்டிடக்கலைப் பகுதியாகும். நீங்கள் கோயிலின் அருங்காட்சியகத்திற்குச் சென்றால், ஏராளமான பழங்கால ஓவியங்களைக் காணலாம், இது அனைத்து நம்பிக்கைகளையும் கொண்ட பார்வையாளர்கள் அணுகக்கூடிய ஒரு பகுதி. சிவகாமி மற்றும் நடராஜரின் பிரமாண்ட சிலைகளைக் கொண்ட கோயிலின் மிகப்பெரிய மண்டபமும் இதுதான்.

publive-image

கோபுரங்கள்

இங்கு வரும்போது, ​​12 உயரமான கோபுரங்களை நீங்கள் காண்பீர்கள், அவற்றில் நான்கு பெரிய கோபுரங்கள் நான்கு திசைகளிலும் வைக்கப்பட்டுள்ளன, அதேசமயம், சன்னதியின் நுழைவாயிலாக நான்கு உள் கோபுரங்கள் உள்ளன. இந்த கோபுரங்கள் சிக்கலான முறையில் வடிவமைக்கப்பட்டுள்ளன, மேலும் ஒவ்வொரு 12 ஆண்டுகளுக்குப் பிறகும் சுத்தம் செய்யப்பட்டு புணரமைக்கப்படுகின்றன.

தங்க தாமரை குளம்

மீனாட்சியம்மன் கோயிலில் பொற்தாமரை குளம் அல்லது தங்கத் தாமரைக் குளம் என்று அழைக்கப்படும் குளம் உள்ளது. இந்தக் குளம் தனித்தன்மை வாய்ந்ததாக இருப்பதற்கு காரணம், இங்கு வளரும் தாமரை தங்க நிறத்தில் இருப்பதுதான்.

மறுசீரமைப்பு வேலை

ஒவ்வொரு 12 வருடங்களுக்கும் ஒருமுறை இந்த கோவிலில் திருப்பணி நடக்கிறது! தெய்வங்களின் சிற்பங்கள் பழுதுபார்க்கப்பட்டு மீண்டும் வர்ணம் பூசப்படும் இந்த செயல்முறை ஒரு சடங்காக மேற்கொள்ளப்படுகிறது. கோயிலின் மகிமை என்றென்றும் நிலைத்திருக்க வேண்டும் என்பதற்காக இது செய்யப்படுகிறது.

publive-image

சுமார் 33000 சிற்பங்கள்

இந்த வண்ணமயமான கோவிலின் மற்றொரு சுவாரஸ்யமான அம்சம், இதில் சுமார் 33000 சிற்பங்கள் உள்ளன. இருப்பினும், இது ஒரு வெள்ளி பீடத்தில் கட்டப்பட்ட பரந்தகன்ற நடராஜரின் சிற்பத்திற்காக குறிப்பாக பிரபலமானது. இங்கு வரும்போது, ஒவ்வொரு தூணிலும் பல்வேறு சிற்பங்கள் செதுக்கப்பட்டதாக நம்பப்படும் ​ஆயிரம் தூண்களின் மண்டபத்தை பாருங்கள்.

மீனாட்சி சிலை

இந்த கோவிலின் முக்கிய தெய்வம் பார்வதி தேவியின் வடிவமான மீனாட்சி. இது மரகதக் கல்லில் செதுக்கப்பட்டுள்ளது. இந்த சிலைக்கு மூன்று மார்பகங்கள் உள்ளன, ஏனெனில் மீனாட்சி தேவி மூன்று மார்பகங்களுடன் பிறந்து அதன் மூலம் அருள்பாலித்ததாகவும், அவள் தன் வாழ்க்கையின் சரியான மனிதனைச் சந்தித்தவுடன் அது மறைந்துவிடும் என்றும் நம்பப்படுகிறது. சிவபெருமானின் வடிவமான சுந்தரேஸ்வரரை அவள் சந்தித்தபோது மூன்றாவது மார்பகம் உண்மையில் மறைந்துவிட்டதாக புராணங்கள் கூறுகின்றன.

தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Tamilnadu Madurai Meenakshi Amman Temple
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment