Advertisment

Fastag இனி கட்டாயம்: ஆன்லைனில் விண்ணப்பம் செய்வது எப்படி? எளிய வழிமுறை

Fastag Tamil News உங்களிடம் வங்கிக் கணக்குடன் ஃபாஸ்டேக் இருந்தால், ஸ்டிக்கரை செயல்படுத்த உங்கள் வாகன விவரங்களை மட்டுமே உள்ளிட வேண்டும்.

author-image
WebDesk
New Update
Fastag mandatory for all vehicle from January 1 2021 Tamil News

Fastag mandatory for all vehicle from January 1 2021

Fastag mandatory for all vehicle : 2021 ஜனவரி 1 முதல் அனைத்து வாகனங்களுக்கும் ஃபாஸ்டேக் கட்டாயமாகிவிடும் என்று சாலை போக்குவரத்து மற்றும் நெடுஞ்சாலை அமைச்சகம் அறிவித்துள்ளது. இந்த நடவடிக்கை டோல் பிளாசாவில் பணப் பரிவர்த்தனைகளைத் தவிர்க்க உதவும், மேலும் பணம் செலுத்துவதற்காக வாகனத்தை நிறுத்த தேவையில்லை. இந்த அமைப்பு மூலம் பரிவர்த்தனை முழுவதும் டிஜிட்டல் முறையில் செய்யப்படும். ஃபாஸ்டேக் பற்றி எல்லாவற்றையும் தெரிந்துகொள்ள மேலும் படிக்கவும்.

Advertisment

ஃபாஸ்டேக் என்றால் என்ன?

ஃபாஸ்டேக் என்பது ஒரு மின்னணு கட்டண வசூல் முறை. இது, டோல் பிளாசாவில் வேறு யாருடனும் தொடர்பு கொள்ள வேண்டிய அவசியத்தையும், பணம் செலுத்த வேண்டியதையும் நீக்கும். ஃபாஸ்டேக் என்பது ஒரு ஸ்டிக்கர். இது ஜனவரி 1, 2021 முதல் உங்கள் காரின் விண்ட்ஷீல்டில் இருக்க வேண்டும். இந்த குறிச்சொல் உங்கள் வாகனத்தின் பதிவு விவரங்களுடன் இணைக்கப்பட்டுள்ள ரேடியோ-அதிர்வெண் அடையாள (RFID) பார்கோடு ஒன்றைக் கொண்டுள்ளது. இதன்மூலம், நீங்கள் இந்தியாவில் எந்த டோல் பிளாசாவிலும் வாகனம் ஓட்டும்போது, உங்கள் காரில் பார்கோடு உதவியுடன் உங்கள் பதிவு செய்யப்பட்ட வங்கிக் கணக்கு மூலம் தொகை கழிக்கப்படும் என்பதால் நீங்கள் பணத்தைச் செலுத்த வேண்டியதில்லை. தற்போது இரு சக்கர வாகனங்களுக்கு ஃபாஸ்டேக் வழங்கப்படவில்லை என்பதை நினைவில் கொள்க.

ஃபாஸ்டேக்கின் விலை என்ன?

ஃபாஸ்டேக்கின் விலை ஒவ்வொரு வகுப்பு வாகனத்திற்கும் வேறுபடும். அதிகாரப்பூர்வ தளத்தின்படி, ஒரு முறை கட்டணத்திற்கு ஒரு ஃபாஸ்டேக், ரூ.200 செலவாகும். மறு வெளியீட்டுக் கட்டணம் ரூ.100, மற்றும் திருப்பிச் செலுத்தக்கூடிய பாதுகாப்பு வைப்பு ரூ.200.

ஒவ்வொரு வங்கிக்கும் வழங்கல் கட்டணம் மற்றும் பாதுகாப்பு வைப்புக்கள் குறித்து அவற்றின் சொந்த கொள்கைகள் இருக்கலாம் என்பதால் நீங்கள் தேர்ந்தெடுக்கும் வங்கியைப் பொறுத்து தொகை மாறுபடலாம். டோல் பிளாசா வழியாக பயனர்கள் மிகக் குறைந்த விலையில் ஃபாஸ்டேக்கைப் பெறலாம். ஃபாஸ்டேக் ஸ்டிக்கர், வழங்கப்பட்ட தேதியிலிருந்து தொடங்கி ஐந்து ஆண்டுகளுக்கு செல்லுபடியாகும் என்பது குறிப்பிடத்தக்கது.

ஆன்லைனில் ஃபாஸ்டேக் விண்ணப்பிப்பது எப்படி?

பயனர்கள் ஒரு வங்கி கிளையிலிருந்து அல்லது ஒரு வங்கியால் அமைக்கப்பட்ட POS-லிருந்து ஃபாஸ்டேக்கை வாங்கலாம். தற்போது ஃபாஸ்டேக்குகளை ஆதரிக்கும் வங்கிகளின் பட்டியலில் எச்.டி.எஃப்.சி வங்கி, ஐ.சி.ஐ.சி.ஐ வங்கி, கோடக் வங்கி, ஆக்சிஸ் வங்கி, பாங்க் ஆப் பரோடா மற்றும் ஸ்டேட் பாங்க் ஆப் இந்தியா ஆகியவை அடங்கும். உங்களிடம் வங்கிக் கணக்குடன் ஃபாஸ்டேக் இருந்தால், ஸ்டிக்கரை செயல்படுத்த உங்கள் வாகன விவரங்களை மட்டுமே உள்ளிட வேண்டும்.

இதற்காக, உங்கள் ஸ்மார்ட்போனில் 'My FASTag' பயன்பாட்டை பதிவிறக்கம் செய்யலாம். பயனர்கள் அமேசான், பேடிஎம், கூகுள் பே அல்லது ஏர்டெல் பேமென்ட் ஆப் ஆகியவற்றிலிருந்து ஃபாஸ்டேக் பயன்பாட்டை வாங்கவும் விருப்பம் உள்ளது.

அனைத்து டோல் பிளாசாக்கள் மற்றும் சாலை போக்குவரத்து ஆணையம் (ஆர்டிஏ) அலுவலகங்களிலும் உள்ள NHAI விற்பனை பகுதிகளில் ஃபாஸ்ட்டேக் வழங்கப்படுகிறது. ஆன்லைனிலும் ஃபாஸ்ட்டேக்கு விண்ணப்பிக்கலாம். ஐசிஐசிஐ வங்கி கூகுளுடன் கூட்டு சேர்ந்துள்ளது. இதனால், பயனர்கள் கூகுள் பேவைப் பயன்படுத்தி ஃபாஸ்டேக்கிற்கு பணம் செலுத்த முடியும். வங்கிகளின் அதிகாரப்பூர்வ வலைத்தளத்தைப் பார்வையிட்டு, தேடல் பகுதியில் ‘Get FASTag’ / ‘FASTag என டைப் செய்து அதனை க்ளிக் செய்யவும்.

ஃபாஸ்ட்டேக் க்கு நான் பதிவு செய்ய வேண்டியது என்ன?

வங்கியில் பதிவு செய்ய, உங்களுக்கு பின்வரும் ஆவணங்கள் தேவை. KYC ஆவணம், உங்கள் வாகனத்தின் பதிவு சான்றிதழ் (RC), பாஸ்போர்ட் அளவு புகைப்படம், பான் அட்டை, முகவரி மற்றும் அடையாள ஆதாரம் ஆகியவை இதில் அடங்கும். முகவரி மற்றும் அடையாள ஆதாரத்திற்கான செல்லுபடியாகும் உரிமத்தையும் சமர்ப்பிக்கலாம். நீங்கள் ஏற்கனவே வாடிக்கையாளராக இருந்தால், உங்களுக்கு ஆர்.சி நகல் தேவை. ஏர்டெல் மற்றும் பேடிஎம் பயனர்களுக்கும் இது பொருந்தும்.

ஆன்லைனில் ஃபாஸ்ட்டேக் இருப்பை எவ்வாறு சரிபார்க்கலாம்?

உங்கள் ஃபாஸ்ட்டேக் இருப்பை சரிபார்க்க, நீங்கள் வழங்கிய நிறுவனம் / வங்கி / மொபைல் வாலட்டின் வலைத்தளத்தைப் பார்வையிட வேண்டும். பின்னர், உங்கள் இருப்பு விவரங்களைக் காண உங்கள் உள்நுழைவு சான்றுகளுடன் வலைத்தளத்தின் ஃபாஸ்ட்டேக் போர்ட்டலில் உள்நுழைக.

எவ்வளவு பணம் டோலில் எடுக்கப்பட்டது என்பதை எப்படி அறிந்து கொள்வது?

அதிகாரப்பூர்வ தளத்தின்படி, பயனர்கள் சுங்கவரி பரிவர்த்தனை நடந்தவுடன் அவருடைய பதிவு செய்யப்பட்ட மொபைல் எண்ணுக்கு தேவையான விவரங்களுடன் எஸ்எம்எஸ் பெறுவார்கள். தவறான தொகையை கழித்தால் உடனே கஸ்டமர் கேர் எண்ணுக்கும் அழைக்கலாம்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil"

Fastag
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment