டிஜிபாக்ஸ் முதல் அமேசான் வரை... இலவசமாக போட்டோ சேமிக்க இவ்ளோ ஆப்ஷனா?

Free unlimited storage best alternatives free cloud storage Tamil : “உயர் தரமான” புகைப்படங்கள் மற்றும் வீடியோக்களுக்கான இலவச அன்லிமிடெட் சேமிப்பக விருப்பத்தை கூகுள் புகைப்படங்கள் விரைவில் அகற்றவுள்ளது. புதிய கூகுள் புகைப்படங்கள் கொள்கை ஜூன் 1, 2021 முதல் நடைமுறைக்கு வரும். எனவே, மூன்று மாதங்களுக்குப் பிறகு, கூகுள் புகைப்படங்கள் மற்றும் வீடியோக்களுக்கு 15 ஜிபி இலவச க்ளவுட் சேமிப்பிடத்தை மட்டுமே வழங்கும். குறிப்பிட்ட வரம்பை கடந்ததும், அதிக சேமிப்பகத்திற்கு நீங்கள் கட்டணம் செலுத்த வேண்டியிருக்கும். இது அன்லிமிடெட் உயர்தர புகைப்படங்களை கூகுள் புகைப்படங்களில் இலவசமாக பதிவேற்றி வருபவர்களுக்கு மோசமான செய்தியாக இருக்கலாம்.

15 ஜிபி கிளவுட் ஸ்டோரேஜ் இடத்தில் ஜிமெயில், கூகுள் டிரைவ் மற்றும் பிற கூகுள் சேவைகளின் தரவுகளும் உள்ளன என்பதை நினைவில் கொள்ளுங்கள். கூகுள் இந்த புதிய கொள்கையை 2020 நவம்பரில் மீண்டும் அறிவித்தது. இப்போது நீங்கள் கூகுளின் கொள்கையை ஏற்க விரும்புகிறீர்களா அல்லது வேறு ஏதேனும் கிளவுட் ஸ்டோரேஜுக்கு மாற விரும்புகிறீர்களா என்பதைத் தீர்மானிக்க உங்களுக்கு 3 மாதங்கள் உள்ளன. இலவச க்ளவுட் சேமிப்பிடத்தை வழங்கும் ஏராளமான கூகுள் புகைப்பட மாற்றுகள் உள்ளன. குறைந்த விலையில் நிறைய சேமிப்பக இடத்தை வழங்கும் சேவைகளையும் இங்கு நாங்கள் குறிப்பிட்டுள்ளோம்.

டிஜிபாக்ஸ் (DigiBoxx)

இந்தியாவின் சொந்த கிளவுட் ஸ்டோரேஜ் தளமான டிஜிபாக்ஸ், 20 ஜிபி இலவச கிளவுட் ஸ்டோரேஜை வழங்குகிறது. இந்த இலவசத் திட்டம், ஜிமெயில் ஒருங்கிணைப்பு மற்றும் அன்லிமிடெட் வெளிப்புற ஒத்துழைப்புகளையும் ஆதரிக்கிறது.  மேலும் இந்த நிறுவனம், இறுதி முதல் இறுதி குறியாக்க சேவையையும் ஆதரிக்கிறது என்று நிறுவனம் கூறுகிறது.

டிஜிபாக்ஸ் மாதத்திற்கு 100 ஜிபி சேமிப்பு இடத்தை வெறும் ரூ.30-க்கு அளிக்கிறது. இது, பொதுவாக நிறையப் புகைப்படங்கள் அல்லது வீடியோக்களை வைத்திருப்பவர்களுக்கு இது ஒரு பெரிய நிவாரணமாக இருக்கும். ரூ.360 விலை நிர்ணயிக்கப்பட்ட வருடாந்திர திட்டத்தையும் நீங்கள் வாங்கலாம். அதே விலைக்கு, நீங்கள் 2TB வரை சேமிப்பு இடத்தைப் பெறுகிறீர்கள். கூகுள், 100 ஜிபி இடத்திற்கு ஆண்டுக்கு ரூ.1,300 வசூலிக்கிறது என்பது குறிப்பிடத்தக்கது.

டீகோ (Degoo)

கூகுள் புகைப்படங்களுக்கான சிறந்த மாற்றுகளில் ஒன்றான டீகோவையும் நீங்கள் முயற்சி செய்யலாம். இந்த நிறுவனம் உங்களுக்கு 100 ஜிபி இலவச கிளவுட் ஸ்டோரேஜை வழங்குகிறது மற்றும் இடையில் விளம்பரங்கள் எதுவும் இல்லை. 100 ஜிபி இடத்தை இலவசமாக வழங்கும் இதுபோன்ற கிளவுட் ஸ்டோரேஜ் சேவையை நீங்கள் அரிதாகவே காண்பீர்கள். டிஜிபாக்ஸைப் போலவே, டீகோவும் எல்லா ஃபைல்களையும் இறுதி முதல் இறுதி குறியாக்கப்பட்டவை என்று கூறுகின்றன. எனவே, பயனர்கள் பாதுகாப்பு குறித்துக் கவலைப்படத் தேவையில்லை. கூடுதலாக, மூன்று திட்டங்களால் மட்டுமே இலவச திட்டத்துடன் ஃபைல்களை பதிவேற்ற முடியும்.

இந்த கிளவுட் ஸ்டோரேஜ் சேவைக்கு நீங்கள் பதிவுசெய்தால் கூடுதல் 5 ஜிபி கிளவுட் ஸ்டோரேஜ் இடத்தைப் பெறுவீர்கள். மேலும் பிற அம்சங்களும் உள்ளன. அவற்றை நீங்கள் தளத்தில் சரிபார்க்கலாம். கட்டண திட்டங்களைப் பொறுத்தவரை, 500 ஜிபி சேமிப்புத் திட்டத்திற்கு மாதத்திற்கு சுமார் 220 ரூபாய் ஆகும். 10TB திட்டமும் உள்ளது. இதன் விலை மாதத்திற்குத் தோராயமாக ரூ.735.

இதன் இலவச பதிப்பு உங்களுக்கு விளம்பரங்களை வழங்குகிறது. ஆனால், கட்டண க்ளவுட் சேமிப்பக திட்டங்கள் விளம்பரமில்லாதவை.

மைக்ரோசாப்ட் ஒன்ட்ரைவ் (Microsoft OneDrive)

ஒன்ட்ரைவ் என்பது மைக்ரோசாப்டின் கிளவுட் ஸ்டோரேஜ் சேவை. இது, கூகுளை போலவே சிறந்த சேவைகளை உங்களுக்கு வழங்கும். ஃபைல்களை தானாக பேக் அப் எடுப்பது, தானாக சிங்க் செய்வது ஆகியவற்றை இந்த சேவை ஆதரிக்கிறது. மேலும், ஒருவர் விரும்பும் நபர்களுடன் நிறைய ஃபைல்களை பகிரலாம். இந்த சேவையுடன் 5 ஜிபி இலவச சேமிப்பிடத்தை மட்டுமே நீங்கள் பெறுகிறீர்கள். இது கூகுளுடன் ஒப்பிடும்போது மிகக் குறைவு. ஆனால், குறைந்தபட்சம் 100 ஜிபி சேமிப்பிடத்தை மாதத்திற்கு ரூ.140-க்கு பெறுவீர்கள். உங்களிடம் மைக்ரோசாஃப்ட் 365 சந்தா இருந்தால், நீங்கள் ஏற்கெனவே 1TB சேமிப்பு இடத்தைப் பெறுவதால் நிறுவனத்தின் ஒன்ட்ரைவ் சந்தாவை வாங்க வேண்டியதில்லை. மைக்ரோசாப்ட் சேவைகளைப் பயன்படுத்துபவர்களுக்கு ஒன் டிரைவ் சந்தா ஒரு நல்ல சாய்ஸ்.

அமேசான் புகைப்படங்கள்

சிறந்த கூகுள் புகைப்படங்கள் மாற்றை நீங்கள் தேடுகிறீர்கள் என்றால், அமேசான் புகைப்படங்கள் வழங்கும் சேவைகளைப் புறக்கணிப்பது கடினம். இருப்பினும், இது தற்போது தேர்ந்தெடுக்கப்பட்ட நாடுகளில் கிடைக்கிறது. ஆனால், அமேசான் புகைப்படங்கள் வரும் மாதங்களில் இந்தியாவில் அறிமுகமாகும் என்று ஒரு சில தகவல்கள் தெரிவிக்கின்றன. நீங்கள் காத்திருக்க முடியாவிட்டால் APK பதிப்பைப் பதிவிறக்கலாம். அம்சங்களைப் பொறுத்தவரை, நீங்கள் அமேசான் ப்ரைம் உறுப்பினராக இருந்தால், அன்லிமிடெட், முழு தெளிவுத்திறன் கொண்ட புகைப்படங்களையும் 5 ஜிபி வீடியோ சேமிப்பகத்தையும் பதிவேற்ற இலவச அணுகலைப் பெறுவீர்கள். அமேசான் அல்லாத ப்ரைம் உறுப்பினர்கள் 5 ஜிபி புகைப்படம் மற்றும் வீடியோ சேமிப்பிடத்தை மட்டுமே பெறுகிறார்கள். இது மிகவும் குறைவுதான்.

அமேசான் புகைப்படங்கள், கூகுள் புகைப்படங்களைப் போன்ற சேவைகளை வழங்குகிறது. புகைப்படங்களைப் பகிரவும், சாதனங்களில் விர்ச்சுவல் புகைப்பட ஆல்பமாக அவற்றைப் பார்க்கவும் நிறுவனம் உங்களை அனுமதிக்கிறது. இந்த சேவை தானாகவே உங்கள் எல்லா தரவையும் சிங்க் செய்கிறது. இதன்மூலம் அவற்றை எங்கும் அணுகலாம். குடும்ப வால்ட் விருப்பத்தையும் இதில் பெறலாம். இது, உங்கள் குடும்பத்துடன் புகைப்படங்களைப் பகிர அனுமதிக்கிறது. 100 ஜிபி சேமிப்பகத்தை விரும்புவோர் மாதத்திற்கு சுமார் 148 ரூபாய் செலுத்தவேண்டும். கூகுள் ஒன் சந்தாவை விட இது மிகவும் மலிவானது. ஏனெனில், தேடல் நிறுவனமான இது 100 ஜிபி சேமிப்பு இடத்திற்கு ரூ.1,000-க்கும் அதிகமாக வசூலிக்கிறது.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  t.me/ietamil"