Lenovo Legion 5 Laptop in India Price & Specification Tamil news : லெனோவா தனது சமீபத்திய கேமிங் லேப்டாப் லெஜியன் 5-ஐ அறிமுகப்படுத்தியுள்ளது. இது Nvidia GeForce GTX 1650Ti ஜி.பீ.யுடன் ஜோடியாக 7nm ஏஎம்டி ரைசன் 5 4600 ஹெச்-சீரிஸ் மொபைல் ப்ராசசர் மூலம் இயக்கப்படுகிறது. இது, ஃபாந்தம் கருப்பு நிறத்தில் மட்டுமே கிடைக்கிறது மற்றும் அடிப்படை மாறுபாட்டிற்கு ரூ.75,990 விலை நிர்ணயிக்கப்பட்டுள்ளது. இந்த சாதனம் தற்போது Lenovo.com மற்றும் லெனோவா பிரத்யேக கடைகளில் கிடைக்கிறது. மேலும், விரைவில் பிற ஆன்லைன் தளங்கள் மற்றும் சில்லறைக் கடைகளில் கிடைக்கும். இந்த சாதனம் ஒரு வருட இலவச ப்ரீமியம் பராமரிப்பு மற்றும் ஒரு வருட விபத்து சேதம் பாதுகாப்புடன் தொகுக்கப்பட்டுள்ளது.
Advertisment
புதிய லெனோவா லெஜியன் 5, லெஜியன் ட்ரூஸ்ட்ரைக் கீபோர்டுடன் வருகிறது. இது மிகவும் துல்லியமான செயல்பாட்டை வழங்குகிறது என்று நிறுவனம் கூறுகிறது. மேலும், நிறுவனத்தின் சொந்த லெஜியன் கோல்ட்ஃபிரன்ட் 2.0 கூலிங் தொழில்நுட்பம், ஹைப்ரிட் மோட், ரேபிட் சார்ஜ் ப்ரோ மற்றும் லெனோவா கியூ-கன்ட்ரோல் 3.0 ஆகியவற்றைக் கொண்டுள்ளது.
லெனோவா லெஜியன் 5 முழு எச்டி 1080p தெளிவுத்திறன் மற்றும் 120 ஹெர்ட்ஸ் புதுப்பிப்பு விகிதத்துடன் 15.6 இன்ச் ஐபிஎஸ் டிஸ்ப்ளே கொண்டுள்ளது. இது 720p எச்டி வெப்கேமிற்கான தனியுரிமை ஷட்டருடன் காட்சியைச் சுற்றி மூன்று மைலர் பெசல்களைக் கொண்டுள்ளது. இந்த லேப்டாப், பலதரப்பட்ட விளையாட்டாளர்களுக்காகக் கட்டமைக்கப்பட்ட நடைமுறை, துல்லியம் மற்றும் செயல்திறன் ஆகியவற்றின் தடையற்ற இணைவுடன் தொழில்துறை வடிவமைப்பைக் கொண்டுள்ளது என்று நிறுவனம் கூறுகிறது.
256GBPCIe NVMe M.2 SSD- உடன் 1TB ஹார்ட் ட்ரைவ் இணைக்கப்பட்டுள்ளது. இது Harman Kardon-லிருந்து டால்பி அட்மோஸ் ஹெட்போன் ஆதரவுடன் இரண்டு 2W ஒருங்கிணைந்த ஸ்பீக்கர்களைக் கொண்டுள்ளது. இந்த சாதனம் மைக்ரோசாப்டின் விண்டோஸ் 10 ஹோம் ஆப்பரேட்டிங் சிஸ்டத்தில் இயங்குகிறது.
லெனோவா வாண்டேஜின் ஹைப்ரிட் மோட் போன்ற தொழில்நுட்பங்களினால் இந்த சாதனம் ஒரு முறை சார்ஜ் செய்தால் 8 மணி நேரம் வரை நீடிக்கும் என்று நிறுவனம் கூறுகிறது.
"தற்போதைய சூழ்நிலையில், கேமிங் மிகவும் முக்கியமாகி வருவதால், மக்கள் வேலை, ஆய்வுகள், பொழுதுபோக்கு மற்றும் பலவற்றிற்காக ஒரே லேப்டாப்பை பயன்படுத்துகிறார்கள். கடந்த 2 ஆண்டுகளில் லெஜியன், அதன் தனித்துவமான ‘வேலை மற்றும் விளையாட்டு’ வடிவமைப்பு அணுகுமுறையால் ஒரு வலுவான சமூகத்தை உருவாக்கி, இந்தியாவில் வேகமாக வளர்ந்து வரும் கேமிங் பிராண்டாக மாற முடிந்தது. அதிவேக காட்சி அனுபவம் மற்றும் நவீனக் கால விளையாட்டாளரின் தேவையைப் பூர்த்தி செய்யும். லெஜியன் பிராண்ட் முன்னேற்றக் கண்டுபிடிப்புகளுக்கு கேமிங் சமூகத்தால் பெருமளவில் பாராட்டப்பட்டது. மேலும், லெஜியன் 5 உடன் நாங்கள் தொடர்ந்து புதுமைகளை உயர்த்திக் கொண்டிருக்கிறோம்” என்று லெனோவா இந்தியாவின் நுகர்வோர் பிசிஎஸ்டியின் நிர்வாக இயக்குநர் ஷைலேந்திர கட்யால் கூறினார்.
"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற t.me/ietamil"
/indian-express-tamil/media/agency_attachments/33Ho9XHwZawzDekwDLnu.png)
Follow Us/tamil-ie/media/media_files/uploads/2020/12/Lenovo-Legion-5.jpg)