scorecardresearch

பந்தயம் கூடாது, சுய ஒழுங்குமுறை அமைப்பு: ஆன்லைன் கேமிங் வரைவு விதிகள் ஒரு பார்வை

ஆன்லைன் கேம்கள் ஒரு சுய ஒழுங்குமுறை அமைப்பில் பதிவு செய்ய வேண்டும், மேலும் அமைப்பால் அனுமதிக்கப்படும் கேம்கள் மட்டுமே இந்தியாவில் சட்டப்பூர்வமாக செயல்பட அனுமதிக்கப்படும்.

பந்தயம் கூடாது, சுய ஒழுங்குமுறை அமைப்பு: ஆன்லைன் கேமிங் வரைவு விதிகள் ஒரு பார்வை
Online gaming draft rules

மின்னணு மற்றும் தகவல் தொழில்நுட்ப அமைச்சகம் (MeitY) திங்கள்கிழமை வெளியிட்ட ஆன்லைன் கேமிங்கிற்கான வரைவு விதிகளில், ஒரு சுய-ஒழுங்குமுறை அமைப்பு, குறைகளை நிவர்த்தி செய்யும் வழிமுறை மற்றும் வாடிக்கையாளர் வசதி ஆகியவை முக்கிய திட்டங்களாகும்.

ஆன்லைன் விளையாட்டுகள் ஒரு சுய ஒழுங்குமுறை அமைப்பில் பதிவு செய்ய வேண்டும், மேலும் அமைப்பால் அனுமதிக்கப்படும் கேம்கள் மட்டுமே இந்தியாவில் சட்டப்பூர்வமாக செயல்பட அனுமதிக்கப்படும். முன்மொழியப்பட்ட விதிகளின்படி, ஆன்லைன் கேமிங் நிறுவனங்கள், விளையாட்டுகளின் முடிவுகளில் பந்தயத்தில் ஈடுபட அனுமதிக்கப்படாது.

2021 இல் திருத்தப்பட்ட தகவல் தொழில்நுட்ப விதிகள்படி, இந்த முன்மொழியப்பட்ட விதிகள், திறன்-அடிப்படையிலான விளையாட்டுகளில் இருந்து சாத்தியமான தீங்குகளுக்கு எதிராக பயனர்களைப் பாதுகாப்பதை நோக்கமாகக் கொண்டது. மேலும் ஆன்லைன் கேமிங் தளங்களை இடைத்தரகர்கள் ஒழுங்குபடுத்துவதே இந்த முயற்சியாகும்.

இதுகுறித்து மின்னணுவியல் மற்றும் தகவல் தொழில்நுட்பத் துறை அமைச்சர் ராஜீவ் சந்திரசேகர் கூறுகையில், “இந்தியாவில் விளையாடுபவர்களில் சுமார் 40 முதல் 45 சதவீதம் பேர் பெண்கள், எனவே கேமிங் சூழலைப் பாதுகாப்பாக வைத்திருப்பது மிகவும் முக்கியமானது” என்றார்.

முன்மொழியப்பட்ட விதிகளின் நோக்கம் ஆன்லைன் கேமிங் துறையை வளர்ப்பதும் புதுமைகளை ஊக்குவிப்பதும் ஆகும் என்று சந்திரசேகர் கூறினார். “விதியின் கீழ் வகுக்கப்பட்ட கொள்கைகளின்படி, ஒரு விளையாட்டின் முடிவைப் பற்றிய பந்தயம் அனுமதிக்கப்படாது. அனைத்து ஆன்லைன் கேமிங் நிறுவனங்களும் சுய ஒழுங்குமுறை அமைப்பில் பதிவு செய்ய வேண்டும், அது விதிகளின்படி எடுக்கப்பட வேண்டிய நடவடிக்கையை முடிவு செய்யும், ”என்று அவர் கூறினார்.

சுய ஒழுங்குமுறை அமைப்பானது ஆன்லைன் கேமிங், பொதுக் கொள்கை, தகவல் தொழில்நுட்பம், உளவியல் மற்றும் மருத்துவம் உள்ளிட்ட பல்வேறு துறைகளைச் சேர்ந்த ஐந்து உறுப்பினர்களைக் கொண்ட இயக்குநர் குழுவைக் கொண்டிருக்கும்.

பதிவுசெய்யப்பட்ட கேம்களில் “இந்தியாவின் இறையாண்மை மற்றும் ஒருமைப்பாடு, இந்தியாவின் பாதுகாப்பு, மாநிலத்தின் பாதுகாப்பு, வெளி மாநிலங்களுடனான நட்புறவு அல்லது மேற்கூறியவற்றுடன் தொடர்புடைய ஏதேனும் அறியக்கூடிய குற்றத்தைத் தூண்டும்” எதுவும் இல்லை என்பதை உறுதிப்படுத்த வேண்டும்.

ஒன்றுக்கு மேற்பட்ட சுய-ஒழுங்குமுறை அமைப்புகள் இருக்கக்கூடும், மேலும் அவர்கள் அனைவரும் ஒரு குறிப்பிட்ட கேமைப் பதிவு செய்வதற்கான அளவுகோல்களை விவரிக்கும் அறிக்கையுடன் தாங்கள் பதிவுசெய்த ஆன்லைன் கேம்களைப் பற்றி மையத்திற்குத் தெரிவிக்க வேண்டும். ஆன்லைன் கேமிங்கின் உள்ளடக்கத்தையும் அரசாங்கம் கட்டுப்படுத்தலாம், மேலும் விளையாட்டுகளில் வன்முறை, போதை அல்லது பாலியல் உள்ளடக்கம் இல்லை என்பதை உறுதிப்படுத்த வேண்டும்.

இந்திய மொபைல் கேமிங் துறையின் வருவாய் 2022ல் 1.5 டாலர் பில்லியனைத் தாண்டும் என்றும், 2025ல் 5 டாலர் பில்லியனை எட்டும் என்றும் மதிப்பிடப்பட்டுள்ளது.

2017-2020 க்கு இடையில் இந்தியாவில் தொழில்துறையில், கூட்டு ஆண்டு வளர்ச்சி விகிதம் (CAGR) 38 சதவிகிதம் வளர்ந்தது, இது சீனாவில் 8 சதவிகிதம் மற்றும் அமெரிக்காவில் 10 சதவிகிதம் ஆகும்.  VC நிறுவனமான Sequoia மற்றும் மேலாண்மை ஆலோசனை நிறுவனமான BCG இன் அறிக்கையின்படி, 2024 ஆம் ஆண்டளவில் கூட்டு ஆண்டு வளர்ச்சி விகிதம் (CAGR) 153 பில்லியன் வருவாயை எட்டும் என்று எதிர்பார்க்கப்படுகிறது.

ஆன்லைன் கேமிங்கை ’ஸ்டார்ட்-அப் சூழல் அமைப்பின் மிக முக்கியமான பகுதி மற்றும் 1 டிரில்லியன் டாலர் பொருளாதாரத்தின் இலக்கின் ஒரு பகுதி’ என்று விவரித்த சந்திரசேகர், இந்திய ஸ்டார்ட்-அப்களுக்கு அனைத்து வாய்ப்புகளும் வழங்கப்படுவதை உறுதி செய்ய அரசாங்கம் கடுமையாக உழைக்கும் என்றார்.

ஒரு இடைத்தரகரைப் போலவே, ஆன்லைன் கேமிங் நிறுவனங்களும் பயனர்களின் KYC (வாடிக்கையாளர் வசதி), வெளிப்படையான பண பரிமாற்றம் மற்றும் ரீஃபண்ட், வெற்றிகளின் நியாயமான விநியோகம் உள்ளிட்ட கூடுதல் கவனத்துடன் செயல்பட வேண்டும்.

கேமிங் நிறுவனங்கள் ரேண்டம் எண் ஜெனரேஷன் சான்றிதழைப் பெற வேண்டும், இது பொதுவாக கார்டு கேம்களை வழங்கும் தளங்களால் பயன்படுத்தப்படும் கேம் வெளியீடுகள், புள்ளிவிவர ரீதியாக சீரற்றதாகவும் கணிக்க முடியாததாகவும் இருப்பதை உறுதிசெய்யும். அவர்கள் ஒரு பிரபல சான்றளிக்கும் அமைப்பிலிருந்து “no bot certificate” பெற வேண்டும்.

சமூக ஊடகங்கள் மற்றும் ஈ-காமர்ஸ் நிறுவனங்களைப் போலவே, ஆன்லைன் கேமிங் தளங்களும் ஒரு இணக்க அதிகாரியை நியமிக்க வேண்டும், அவர் கேமிங் தளங்கள் விதிமுறைகளைப் பின்பற்றுவதை உறுதிசெய்து, அரசாங்கத்துடன் தொடர்பு அதிகாரியாக செயல்படும் மற்றும் சட்ட அமலாக்க நிறுவனங்களுக்கு உதவக்கூடிய ஒரு நோடல் அதிகாரியாகவும் மற்றும் பயனர் புகார்களைத் தீர்க்கும் ஒரு குறைதீர்ப்பு அதிகாரியாகவும் இருப்பார்.

ஒரு ஆன்லைன் கேமிங் இடைத்தரகர், ” சூதாட்டம் அல்லது பந்தயம் தொடர்பான எந்தவொரு சட்டமும் உட்பட இந்திய சட்டத்திற்கு இணங்காத ஆன்லைன் கேமை ஹோஸ்ட் செய்யவோ, காட்சிப்படுத்தவோ, பதிவேற்றவோ, வெளியிடவோ, அனுப்பவோ அல்லது பகிரவோ கூடாது என்று அமைச்சகத்தின் அறிவிப்பு கூறியது.

ஜனவரி 17 ஆம் தேதிக்குள் வரைவு விதிகள் குறித்த கருத்துகளை மின்னணு மற்றும் தகவல் தொழில்நுட்ப அமைச்சகம் கேட்டுள்ளது, மேலும் இறுதி விதிகள் அடுத்த மாதம் தயாராகலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Stay updated with the latest news headlines and all the latest Technology news download Indian Express Tamil App.

Web Title: Online gaming india niti aayog online gaming draft rules