Advertisment

வாட்ஸ்அப் அப்டேட் : க்ரூப் தனியுரிமை அமைப்புகளை நீங்கள் எவ்வாறு மாற்றலாம்?

Whatsapp here is how to change group privacy settings Tamil News “எனது தொடர்புகள் தவிர" விருப்பத்தைத் தேர்ந்தெடுத்த பிறகு நீங்கள் எந்த தொடர்பையும் விலக்கலாம்.

author-image
WebDesk
New Update
Whatsapp here is how to change group privacy settings Tamil News

Whatsapp here is how to change group privacy settings Tamil News

Whatsapp here is how to change group privacy settings Tamil News : வாட்ஸ்அப் உங்கள் தொலைப்பேசி எண்ணைக் கொண்ட எவரும் உங்களுக்கு செய்தி அனுப்ப அல்லது உங்களை ஒரு குழுவில் சேர்க்க அனுமதிக்கும். உங்கள் தொடர்புத் தகவல் இருந்தால், யார் வேண்டுமானாலும் உங்களுக்கு எஸ்எம்எஸ் அல்லது மின்னஞ்சல் அனுப்புவது போன்றது இது. ஆனால், அறியப்படாத பயனர்கள் ஒரு குழுவில் உங்களுடன் சேர்க்க விரும்பவில்லை எனில், தனியுரிமை அமைப்புகளை மாற்றலாம்.

Advertisment

உங்கள் வாட்ஸ்அப் குழு தனியுரிமை அமைப்பு இயல்பாகவே “அனைவருக்கும்” அமைக்கப்பட்டுள்ளது. இது உங்கள் தொடர்புகள் பட்டியலில் இல்லாதவர்களுடன் எளிதாக இணைக்க உதவும் என்று நிறுவனம் கூறுகிறது. தனியுரிமை உணர்வுள்ள பயனர்கள் வாட்ஸ்அப் அமைப்புகளை மாற்றுவதன் மூலம் ஒரு குழுவில் யார் சேர்க்கலாம் என்பதைக் கட்டுப்படுத்தும் திறனைப் பெறுகிறார்கள்.

இருப்பினும், குழு தனியுரிமை அமைப்புகளில் நீங்கள் செய்யும் மாற்றங்கள் “வாட்ஸ்அப் வெப் அல்லது டெஸ்க்டாப்பில் செய்ய முடியாது. ஆனால், உங்கள் தொலைபேசியிலிருந்து அமைப்புகளில் வாட்ஸ்அப் வெப் மற்றும் டெஸ்க்டாப்பில் ஒத்திசைக்கப்படும்”.

குழு தனியுரிமை அமைப்புகளை எவ்வாறு மாற்றுவது?

எல்லா ஆண்டிராய்டு வாட்ஸ்அப் பயனர்களும் அமைப்புகள் பிரிவு> கணக்கு> தனியுரிமை> குழுக்களைப் பார்வையிடுவதன் மூலம் இதைச் செய்யலாம். ஐபோன் பயனர்கள், அமைப்புகள்> கணக்கு> தனியுரிமை> குழுக்களுக்கு செல்லலாம். குழுக்கள் பிரிவில் நீங்கள் க்ளிக் செய்யும்போது, ​​“எல்லோரும்,” “எனது தொடர்புகள்” மற்றும் “எனது தொடர்புகள் தவிர” உள்ளிட்ட மூன்று விருப்பங்களைக் காண்பீர்கள்.

முதல் விருப்பம், உங்கள் தொலைபேசியின் முகவரி புத்தக தொடர்புகளுக்கு வெளியே உள்ளவர்கள் உட்பட எவரும் உங்கள் அனுமதியின்றி உங்களைக் குழுக்களில் சேர்க்கலாம். இரண்டாவது விருப்பம், உங்கள் தொலைபேசியின் முகவரி புத்தகத்தில் பட்டியலிடப்பட்டுள்ள தொடர்புகள் உங்கள் ஒப்புதல் இல்லாமல் உங்களை குழுக்களில் சேர்க்கலாம்.

“உங்கள் தொலைபேசியின் முகவரி புத்தகத்தில் இல்லாத ஒரு அட்மின், உங்களை ஒரு குழுவில் சேர்க்க முயன்றால், அவர்கள் உங்களைச் சேர்க்க முடியாது என்று கூறும் பாப்-அப் ஒன்றைப் பெறுவார்கள். மேலும், குழுவிற்கு அழைப்பை க்ளிக் செய்யவும் அல்லது தொடரவும் என்பதை க்ளிக் செய்யவும். தொடர்ந்து ஒரு தனிப்பட்ட சாட் மூலம் ஒரு தனிப்பட்ட குழு அழைப்பை அனுப்ப, அனுப்பும் பட்டனை உபயோகிக்கலாம் என்று வாட்ஸ்அப் கூறியது. அழைப்பைக் காலாவதியாகும் முன்பு ஏற்றுக்கொள்ளப் பயனர்களுக்கு மூன்று நாட்கள் கிடைக்கும்.

மூன்றாவது விருப்பம் என்னவென்றால், உங்கள் தொலைபேசியின் முகவரி புத்தகத்தில் உள்ள தொடர்புகள் மட்டுமே, நீங்கள் விலக்கியவை தவிர, உங்கள் ஒப்புதல் இல்லாமல் உங்களைக் குழுக்களில் சேர்க்க முடியும். “எனது தொடர்புகள் தவிர" விருப்பத்தைத் தேர்ந்தெடுத்த பிறகு நீங்கள் எந்த தொடர்பையும் விலக்கலாம்.

நீங்கள் விலக்கிய குழு நிர்வாகி உங்களை ஒரு குழுவில் சேர்க்க முயற்சி செய்தால், அவர்கள் உங்களைச் சேர்க்க முடியாது என்று கூறும் பாப்-அப் ஒன்றைப் பெறுவார்கள். இங்கேயும், வாட்ஸ்அப் அழைப்பைக் காலாவதியாகும் முன்பு ஏற்றுக்கொள்ள மூன்று நாட்கள் அவகாசம் கொடுக்கும்.

"தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil

Whatsapp Whatsapp Update
Advertisment

Stay updated with the latest news headlines and all the latest Lifestyle news. Download Indian Express Tamil App - Android or iOS.

Follow us:
Advertisment