முதன்முதலாக பாராகிளைடிங்கில் ஏறிய நபர், பயத்தில் தன்னை கீழே இறக்கிவிடுமாறு கெஞ்சும், கீழே இறக்கிவிடுவதற்கு லஞ்சம் கொடுக்கவும் தயார் என்று கூறும் வீடியோ சமூகவலைதளங்களில் வைரலாகி வருகிறது.
சமூகவலைதளங்களில் விழுந்து விழுந்து புரண்டு சிரிக்கும் வகையிலான வீடியோக்கள் வைரலாகி வருவது இயல்புதான். ஆனால், தற்போது இதற்கு மாறாக, முதன்முதலாக பாராகிளைடிங்கில் ஏறிய நபர், பயத்தில் கீழே இறக்கிவிடுமாறு கெஞ்சும் வீடியோவை, நெட்டிசன்கள் பல்வேறு தலைப்புகள் இட்டு அதனை வைரலாக்கி வருகின்றனர்.
விபின் சாஹூ என்பவர், பாராகிளைடிங்கில் பறக்க ஆசைப்பட்டார். அவரது கனவு நிறைவேறும் நாளும் வந்தது. அன்று வானம் மேகமூட்டமாக இருந்தது. இருந்தபோதிலும் துணிந்து பாராகிளைடிங்கில் ஏறிவிட்டார். சிலஅடி தூரம் மேலே சென்ற உடனே, சாஹூவுக்கு உள்ளுக்குள் பயம் உண்டானது. உடனே, பாராகிளைடிங் பயிற்சியாளரிடம் தன்னை இப்போதே கீழே இறக்கிவிடுங்கள். போதும் நான் பாராகிளைடிங்கில் பயணித்தது என்று புலம்ப துவங்குகிறார். ஒருகட்டத்தில் அவரது முகம் வெளிறுகிறது. பயத்தில், தனது உள்ளங்கையை நெஞ்சில் வைத்து கீழே போகுமாறு பயிற்சியாளரிடம் கெஞ்சுகிறார். கீழே இறக்கிவிட, லஞ்சம் கூட கொடுக்க தயாராக இருப்பதாக அவர் கூறுவது அந்த வீடியோவில் பதிவாகியுள்ளது. 6 நிமிடங்கள் கால அளவு கொண்டதாக உள்ள இந்த வீடியோவில் அவர் கெஞ்சும்போது சில கடின வார்த்தைகளையும் உபயோகப்படுத்தியுள்ளார்.
#myoriginalmeme #paragliding #Trending #MEMES pic.twitter.com/caangi451m
— Anmol Gupta (@im_anmolgupta05) August 27, 2019
Rupee be like : "Land kara de bhai!"#AbkiBaarMandiSarkar pic.twitter.com/qO3KCjpRVt
— Poojan Sahil (@poojansahil) August 27, 2019
*boards flight for the first time*
*little turbulence happen*
me to pilot: pic.twitter.com/BSJgww9NsZ— Fauxy capt. (@thephukdi) August 26, 2019
இந்த வீடியோவை, நெட்டிசன்கள்ல நாட்டின் பொருளாதார சரிவு உள்ளிட்ட காரணங்களுடன் தொடர்புபடுத்தி டுவிட்டர் உள்ளிட்ட சமூக ஊடகங்களில் பகிர்ந்து வருகின்றனர்.
Stay updated with the latest news headlines and all the latest Lifestyle news. Download Indian Express Tamil App - Android or iOS.