கண் திரைக்கு வலு; துல்லியமான பார்வை... இந்தக் கீரையில் குழம்பு சாப்பிடுங்க: டாக்டர் சிவராமன்

சிவப்பு பொன்னாங்கண்ணி கீரை, பச்சை பொன்னாங்கண்ணி கீரை என்று இரண்டு வகை உள்ளது. இந்த இரண்டு கீரையும் உடலுக்கு மிக மிக சத்தானது என்று மருத்துவர் சிவராமன் கூறுகிறார். 

கண் ரெட்டினா, லென்ஸ், கண்ணுக்குள் சரியாக நீர் இருப்பதற்கு இவை அனைத்திற்கும் பொன்னாங்கண்ணி கீரை பயன்படுகிறது. குழந்தைகளுக்கு கண் பார்வையை மேம்படுத்துவது முதல் இரும்பு சத்து முதல் அதிக கனிமச் சொத்துகளை வழங்குவதில் பொன்னாங்கண்ணியின் பங்கு அதிகம் என்கிறார். 

இவ்வளவு சத்துக்கள் நிறைந்த பொன்னாங்கண்ணி கீரையை வைத்து குழம்பு வைப்பது எப்படி என்று வி.எஸ்.என் கிச்சன் யூடியூப் பக்கத்தில் கூறியிருப்பதாவது, 

தேவையான பொருட்கள்:

பொன்னாங்கண்ணி கீரை
உப்பு
பூண்டு
பச்சை மிளகாய் 
எண்ணெய்
வடகம்
வெங்காயம் 
தக்காளி 
மஞ்சள் தூள் 
குழம்பு மிளகாய் தூள்
புளி 

செய்முறை

பொன்னாங்கண்ணி கீரையை எடுத்து சுத்தம் செய்து வைக்கவும். பின்னர் ஒரு பாத்திரத்தில் தண்ணீர் சேர்த்து உப்பு, பூண்டு, பச்சை மிளகாய், தண்ணீர் சேர்த்து ஒரு ஐந்து நிமிடம் வேக வைக்கவும். பின்னர் கீரையை எடுத்து நன்கு கடைந்து கொள்ளவும். 

பொன்னாங்கண்ணி கீரை குழம்பு #Ponnaankanni #keerai #kuzhampu #health #food #foodie

இப்போது ஒரு கடாயில் எண்ணெய் ஊற்றி அது காய்ந்ததும் வடகம், வெங்காயம், பூண்டு ஆகியவற்றை சேர்த்து வதக்கவும். நன்கு வதங்கியதும் அதில் தக்காளி, மஞ்சள் தூள், குழம்பு மிளகாய் தூள் சேர்த்து வதக்கிவிட்டு பின்னர் புளி தண்ணீர் ஊற்றி கொதிக்க விடவும். 

கொதி வந்ததும் அதில் இந்த கீரை கடைசலையும் சேர்த்து மீண்டும் கொதிக்க விட்டு இறக்கினால் பொன்னாங்கண்ணி கீரை குழம்பு ரெடி ஆகிவிடும்.