ரோட்டுக் கடை காளான்... செம்ம ஈவினிங் ஸ்நாக்ஸ்!

தேவையான பொருட்கள்

காளான் - 200 கிராம் (நறுக்கியது), முட்டைகோஸ் - 200 கிராம் (நறுக்கியது), வெங்காயம் - 2 (நறுக்கியது), தக்காளி - 2 (நறுக்கியது), இஞ்சி பூண்டு விழுது - 1 டீஸ்பூன், மிளகாய் தூள் - 2 டீஸ்பூன், கரம் மசாலா - 1 டீஸ்பூன், மல்லித்தூள் - 1/2 டீஸ்பூன், மஞ்சள் தூள் - 1/4 டீஸ்பூன், சோள மாவு - 2 டேபிள்ஸ்பூன், மைதா - 2 டேபிள்ஸ்பூன், எண்ணெய் - தேவையான அளவு, கறிவேப்பிலை - ஒரு கொத்து, கொத்தமல்லி இலை - சிறிதளவு (நறுக்கியது), உப்பு - தேவையான அளவு, சில்லி சாஸ் (விருப்பப்பட்டால்), சோயா சாஸ் (விருப்பப்பட்டால்).

காளானை சுத்தம் செய்து நறுக்கி கொள்ளவும்.

முட்டைகோஸை பொடியாக நறுக்கி கொள்ளவும். வெங்காயம், தக்காளியை பொடியாக நறுக்கி கொள்ளவும்.

ஒரு பாத்திரத்தில் சோள மாவு, மைதா மாவு, உப்பு மற்றும் தண்ணீர் சேர்த்து பேஸ்ட் போல் கரைத்து கொள்ளவும்.

நறுக்கிய காளானை இந்த மாவு கலவையில் போட்டு பிரட்டி தனியாக எடுத்து வைக்கவும். கடாயில் எண்ணெய் ஊற்றி காய்ந்ததும் கறிவேப்பிலை, நறுக்கிய வெங்காயம் சேர்த்து வதக்கவும்.

வெங்காயம் வதங்கியதும் இஞ்சி பூண்டு விழுது சேர்த்து பச்சை வாசனை போகும் வரை வதக்கவும்.

தக்காளி சேர்த்து நன்கு வதக்கவும். மிளகாய் தூள், கரம் மசாலா, மஞ்சள் தூள், மல்லித்தூள் சேர்த்து பச்சை வாசனை போகும் வரை வதக்கவும். நறுக்கிய முட்டைகோஸ் சேர்த்து நன்கு வதக்கவும்.

பிறகு காளான் சேர்த்து நன்கு பிரட்டி விடவும்.

தேவையான அளவு தண்ணீர் ஊற்றி, உப்பு சேர்த்து வேக விடவும். காளான் மற்றும் முட்டைகோஸ் வெந்ததும், சில்லி சாஸ் மற்றும் சோயா சாஸ் சேர்த்து கிளறவும்.

கிரேவி பதம் வந்ததும் கொத்தமல்லி இலை தூவி அலங்கரித்து சூடாக பரிமாறவும்.

சூடான ரோடு சைடு காளான் தயார்!

மேலும் அறிய