தென் அமெரிக்காவிலுள்ள ஆறுகள் மற்றும் ஏரிகளில், குறிப்பாக அர்ஜென்டினா வடக்கிலிருந்து கொலம்பியா வரை பிரானா மீன்கள் வாழ்கின்றன. அமேசான் நதியில் 20 வித்தியாசமான இனங்கள் உள்ளன.
இம்மீன்கள் செராசல்மிடாயி (Serrasalmidae) குடும்பத்தை சேர்ந்தவை. செந்நிற வயிற்றுப் பிரானா (Red Bellied Piranha) மிகவும் முரட்டுத்தனமானது.
பெரும்பாலான பிரானாக்கள் 60 செ.மீ. அளவிற்கு மேல் வளராது. சிலர் செம்மஞ்சள் வயிற்றுடன், சிலர் முற்றாகக் கறுப்பாகவும் இருக்கும்.
வலிமையான தாடைகளும், மூக்கோண வடிவ கூர்மையான பற்களும் இம்மீன்களின் சிறப்பம்சம்.
ஆற்றில் நீர்மட்டம் குறையும் போது 100க்கும் மேற்பட்ட பிரானாக்கள் கூட்டமாக இரை தேடிச் செல்லும்.
பெரிய விலங்குகளை தாக்கும்போது பல கூட்டங்கள் இணைந்து அதிரடி தாக்குதல் நடத்தி விரைவில் எலும்புகளை மட்டுமே மீதமாக விட்டு விடுகின்றன.
ஒரு மீன் இரையை கண்டதும் ஒலிச் சைகை மூலம் கூட்டத்தில் உள்ள மற்ற மீன்களுக்கு தகவல் தெரிவிக்கப்படுகிறது.
ஒவ்வொரு மீனும் தனித்தனியாக இரையை கடித்துவிட்டு மற்றவர்களுக்கு இடம் கொடுத்து விரைவாக சாப்பிடுகின்றனர்.
பிரேசிலில் சில பகுதிகளில் மனிதர்களை மீதும் பிரானா தாக்குதல்கள் அதிகமாக நிகழ்கின்றன. 2003ம் ஆண்டில் இரண்டு வாரங்களுக்குள் 52 தாக்குதல்கள் பதிவு செய்யப்பட்டன.
பிரானா கடித்ததால் ஏற்பட்ட காயங்கள் வட்ட வடிவ குழிப் போன்றவை. பெருமளவு இரத்தசேதமும் ஏற்படக்கூடும்.
மோர் குடிப்பதால் கிடைக்கும் ஆரோக்கிய நன்மைகள்