அமெரிக்காவில் புகழ்பெற்ற ஹார்வர்டு பல்கலைக்கழகத்தில் வெளிநாட்டு மாணவர்கள் சேர்க்கைக்கு டிரம்ப் நிர்வாகம் தடை விதித்திருந்தது. இதனால், நூற்றுக்கணக்கான இந்திய மாணவர்களின் எதிர்காலம் கேள்விக்குறியாகி உள்ளது. 389 ஆண்டுகள் பழமை வாய்ந்த இந்த பல்கலைக் கழகம் உலக அளவில் பிரபலமான ஒன்றாக உள்ளது. எனவே, டிரம்பின் இந்த தடை சர்வதேச அளவில் கவனம் பெற்றது.
டிரம்ப் நிர்வாகத்தின் இந்த நடவடிக்கைக்கு எதிராக ஹார்வர்டு பல்கலைக் கழகம் வழக்கு தொடர்ந்திருந்தது. இந்த வழக்கை விசாரித்த பெடரல் நீதிமன்றம், டிரம்ப் உத்தரவை தற்காலிமகாக நிறுத்திவைத்துள்ளது. அமெரிக்காவில் விசாக்களுடன் கல்வி பயிலும் வெளிநாட்டு மாணவர்களை வரவேற்க அனுமதிக்கும் மாணவர் மற்றும் பரிமாற்ற பயணிகள் திட்டம் (SEVP) என்பதிலிருந்து ஹார்வர்ட் அங்கீகாரத்தை ரத்துசெய்யும் அரசின் முடிவை நீதிமன்றம் தற்காலிக தடை உத்தரவு மூலம் நிறுத்தியுள்ளது.
நீதிபதி அலிசன் பரோஸ் தனது தீர்ப்பில், தற்காலிக தடை உத்தரவு வழங்கப்படாதிருந்தால், வழக்கதிகாரம் வழங்கும் முன் ஹார்வர்டு பல்கலை. க்கு பாதிப்பு ஏற்படும் என்பதை போதுமான அளவில் நிரூபித்துள்ளது என்று எழுதி உள்ளார். ஹார்வர்டு பல்கலை. வெள்ளிக்கிழமை அதிகாலை மாசாசூசெட்ஸில் உள்ள அமெரிக்க மாவட்ட நீதிமன்றத்தில் வழக்கு தொடுத்தது. இதன் பின்னர் நீதிமன்றம் தலையீடு செய்தது.
இந்த செய்தியை ஆங்கிலத்தில் படிக்க: US judge blocks Trump administration decision
போஸ்டனில் உள்ள பெடரல் நீதிமன்றத்தில் தாக்கல் செய்யப்பட்ட வழக்கில், அமெரிக்க அரசின் நடவடிக்கை அமெரிக்கச் அரசியலமைப்பின் முதல் திருத்தச்சட்டத்தை மீறுவதாகவும், ஹார்வர்டுக்கும் 7,000-க்கு மேற்பட்ட விசா உள்ள மாணவர்களுக்கு உடனடி விளைவுகளை ஏற்படுத்தும் என்றும் பல்கலைக்கழகம் கூறியுள்ளது.
“ஒரே ஒரு கையெழுத்தால், ஹார்வர்டு பல்கலை. மாணவர்கள் நான்கில் ஒரு பங்கைக் குறைக்கும் நடவடிக்கையை அரசு மேற்கொண்டுள்ளது. இந்த மாணவர்கள், பல்கலை.க்கும் அதன் பணிக்கும் முக்கியமான பங்களிப்பு அளிப்பவர்கள்” என ஹார்வர்டு தனது மனுவில் தெரிவித்துள்ளது. மேலும், உள்நாட்டு பாதுகாப்புத் துறையை இந்த நடவடிக்கையை செயல்படுத்துவதைத் தடுக்க தற்காலிக தடை உத்தரவு கோர திட்டமிட்டு உள்ளதாகவும் ஹார்வர்டு பல்கலை. தெரிவித்துள்ளது.
இந்த நடவடிக்கை, பல்கலை.யில் ட்ரம்ப் நிர்வாகம் மேற்கொண்ட விரிவான ஒடுக்குமுறையின் ஒரு பகுதியாகவே காணப்படுகிறது. இதில், குறிப்பாக இஸ்ரேல்-ஹமாஸ் போருக்குப் பிறகு பஸ்தீனுக்காக ஆதரவு தெரிவிக்கும் சர்வதேச மாணவர்களையே குறிவைத்து நடவடிக்கை எடுக்கப்பட்டுள்ளது.
DHS கடிதம் என்ன சொல்கிறது?
மே 22-ம் தேதி கடிதத்தில், அமெரிக்க உள்நாட்டு பாதுகாப்புத்துறை (DHS), ஹார்வர்டு பல்கலை. மாணவர் மற்றும் பரிமாற்ற பயணிகள் திட்டம் (SEVP) சான்றிதழை ரத்து செய்தது. அதில், பல்கலைக்கழகம் யூத மாணவர்களுக்கான “பாதுகாப்பற்ற” சூழலை உருவாக்குவதாகவும், “ஹமாஸ் ஆதரவு மனப்பான்மையை ஊக்குவிக்கின்றது” என்றும், “ஜாதி அடிப்படையிலான” கொள்கைகளை செயல்படுத்துவதாகவும் குற்றச்சாட்டுகள் கூறப்பட்டுள்ளன. உள்நாட்டுப் பாதுகாப்புச் செயலாளர் கிறிஸ்டி நோயம், ஹார்வர்டு பல்கலைக்கழகம் சீன கம்யூனிஸ்ட் கட்சியுடன் (CCP) தொடர்பில் இருப்பதாகவும் குற்றம் சாட்டினார். DHS ஹார்வர்ட்டுக்கு 6 நிபந்தனைகளை பூர்த்தி செய்ய 72 மணிநேரம் அவகாசம் அளித்தது. இதில், குடியேறாத மாணவர்களின் சட்டவிரோத அல்லது அச்சுறுத்தும் நடவடிக்கைகளின் பதிவுகள் மற்றும் கடந்த 5 ஆண்டுகளில் நடந்த போராட்டங்கள் தொடர்பான காட்சிகளை சமர்ப்பிப்பதும் அடங்கும்.
இந்த நடவடிக்கை ஹார்வர்டுக்கு எப்படி பாதிப்பை ஏற்படுத்துகிறது?
ஹார்வர்டு பல்கலைக்கழக மாணவர்களில் 27.2%சர்வதேச மாணவர்களே. SEVP சான்றிதழ் நீக்கப்படுவதால், இந்த பல்கலைக்கழகம் இனிமேல் புதிய சர்வதேச மாணவர்களை சேர்க்க முடியாது, மேலும் மாணவர் விசாவிற்கு தேவையான I-20 படிவங்களை வழங்கும் அதிகாரத்தையும் இழக்கிறது. இந்த நிலைமை விரைவில் சரிசெய்யப்படாவிட்டால், ஹார்வர்டு தனது அகடாமிக் பல்வகைத்தன்மை மற்றும் வருமானத்தில் பெரிய இழப்பை சந்திக்க நேரிடும்.
இந்த முடிவு ஆயிரக்கணக்கான சர்வதேச மாணவர்களை தடுமாற்ற நிலைக்கு அழுத்துகிறது. விரைவில் பட்டம் பெறவிருக்கும் மாணவர்கள் சில நாள்கள் நேர அவகாசம் பெறவாய்ப்பு இருந்தாலும், புதிய சேர்க்கை பெற்ற மாணவர்களுக்கு எதிர்காலம் மிகவும் கடினமாக உள்ளது. நீதிமன்றம் தற்காலிகமாக DHS நடவடிக்கையைத் தடை செய்துள்ளது, இது தற்காலிக ஆறுதலை அளித்துள்ளது. இருப்பினும், SEVP சான்றிதழ் இல்லாமல், ஹார்வர்டு பல்கலை. புதிய மாணவர்களை சட்டப்படி சேர்க்க முடியாது. ஹார்வர்டு நிர்வாகம் விதிமுறைகளை பின்பற்றியோ (அ) SEVP அங்கீகாரம் பெற்ற வேறு கல்வி நிறுவனத்திற்கு மாற்றமடையவோ மட்டுமே புதிய மாணவர்கள் சேர முடியும்.
/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/05/24/bk8Q2XBCoEKpTQSSHa0X.jpg)