கடனுக்கு வட்டி விகிதம் அதிகரிப்பு: ஸ்டேட் வங்கியில் உங்க இ.எம்.ஐ செக் பண்ணுங்க!

ஸ்டேட் பேங்க் ஆஃப் இந்தியா கடன் வட்டியை 5 பிபிஎஸ் அடிப்படை புள்ளிகள் வரை உயர்த்தி உள்ளது. இது ஜூலை 15, 2023 முதல் அமலுக்கு வருகிறது.

எம்சிஎல்ஆர் (MCLR) அடிப்படையிலான விகிதங்கள் இப்போது 8% முதல் 8.75% வரை இருக்கும். ஒரே இரவில் MCLR விகிதம் 7.90% இலிருந்து 8% ஆக 5 bps உயர்த்தப்பட்டுள்ளது.

அதே சமயம் ஒரு மாதம் மற்றும் மூன்று மாத காலம் 8.10% இல் இருந்து 8.15% ஆகும். ஆறு மாத MCLR 5bps அதிகரித்து 8.45% ஆக உள்ளது.

மேலும், நுகர்வோர் கடன்களுடன் இணைக்கப்பட்ட ஒரு வருட MCLR இப்போது 8.50% இல் இருந்து 8.55% ஆக உள்ளது. இரண்டு ஆண்டுகள் மற்றும் மூன்றாண்டுகளுக்கு எம்சிஎல்ஆர் முறையே 8.65% மற்றும் 8.75% ஆகும்.

தொடர்ந்து, ஜூன் 15, 2023 முதல் SBI அடிப்படை விகிதம் 10.10% ஆக உள்ளது. அதேபோல், பெஞ்ச்மார்க் பிரைம் லெண்டிங் ரேட் (பிபிஎல்ஆர்) 14.85% p.a ஆக திருத்தப்பட்டது.

வீட்டு அடமானக் கடன் வாங்குபவர்கள் வட்டி விகிதங்களில் ஏற்படும் மாற்றங்களில் மிகக் குறைவான கட்டுப்பாட்டைக் கொண்டுள்ளனர். இந்த வட்டி விகிதங்களின் உச்சம் காரணமாக, பெரும்பாலான கடனாளிகள் தங்கள் EMI களில் அதிக வட்டி விகிதங்களைச் செலுத்துவார்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“