10-வது படித்தவர்களுக்கு அரசு வேலை: திருவாரூரில் 139 கிராம உதவியாளர் காலிப் பணியிடங்கள்- விண்ணப்பிக்க இன்றே கடைசி நாள்

திருவாரூர்: திருவாரூர் மாவட்ட வருவாய் மற்றும் பேரிடர் மேலாண்மைத் துறையில் (Thiruvarur Revenue and Disaster Management Dept) காலியாக உள்ள 139 கிராம உதவியாளர் (Village Assistant ) பணியிடங்களை நிரப்புவதற்கான அறிவிப்பு வெளியிடப்பட்டுள்ளது. 

தகுதியும் ஆர்வமும் உள்ள விண்ணப்பதாரர்கள் இந்தப் பணிக்கு அக்டோபர் 11, 2025 மாலை 5.45 மணிக்குள் விண்ணப்பிக்க வேண்டும் என்று அறிவிக்கப்பட்டுள்ளது.

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

மொழித் திறன்: தமிழில் எழுதவும் படிக்கவும் தெரிந்திருக்க வேண்டும்.

வசிப்பிடம்: விண்ணப்பதாரர்கள் சம்பந்தப்பட்ட வட்டத்தைச் (Taluk) சேர்ந்த நிரந்தர குடியிருப்பாளராக இருக்க வேண்டும். காலியிடம் உள்ள கிராமத்தைச் சேர்ந்த விண்ணப்பதாரர்களுக்கு முன்னுரிமை வழங்கப்படும்.

வயது வரம்பு (01.07.2025 நிலவரப்படி):

பொதுப் பிரிவினர்: 21 முதல் 32 ஆண்டுகள்

பி.சி./ எம்.பி.சி/ பி.சி.எம் பிரிவினர்: 21 முதல் 39 ஆண்டுகள்

எஸ்.சி/ எஸ்.ஏ/ எஸ்.டி/ பி.டபிள்யூ.டி பிரிவினர்: 21 முதல் 42 ஆண்டுகள் வரை

தேர்வு முறை: எழுத்துத் தேர்வு மற்றும் நேர்காணல் மூலம் தகுதியானவர்கள் தேர்ந்தெடுக்கப்படுவார்கள்.

சம்பளம்: நிலை 06-ன் படி, ரூ.11,100 – ரூ.35,100/- வரை ஊதியம் வழங்கப்படும்.

விண்ணப்பிக்கும் முறை:

விண்ணப்பப் படிவத்தை திருவாரூர் மாவட்ட ஆட்சியர் அலுவலகத்தின் அதிகாரப்பூர்வ இணையதளமான **https://Thiruvarur.nic.in/**-இல் இருந்து பி.டிஎஃப் வடிவில் பதிவிறக்கம் செய்துகொள்ளலாம். விண்ணப்பப் படிவத்தை முழுமையாகப் பூர்த்தி செய்து, தேவையான அனைத்து ஆவணங்களின் நகல்களுடன் இணைத்து, சம்பந்தப்பட்ட வட்டாட்சியரிடம் (Tahsildar) நேரில் அல்லது அஞ்சல் மூலமாகச் சமர்ப்பிக்க வேண்டும்.

விண்ணப்பிக்க கடைசி நாள்: 11.10.2025 (மாலை 5.45 மணி வரை).

மேலும் விவரங்கள் மற்றும் அதிகாரப்பூர்வ அறிவிப்பைப் பதிவிறக்கம் செய்ய இணையதளத்தைப் பார்க்கவும். இது ஒரு நிரந்தர அரசுப் பணி என்பதால், தகுதியுள்ளவர்கள் இந்த வாய்ப்பைப் பயன்படுத்திக்கொள்ளுமாறு கேட்டுக்கொள்ளப்படுகிறார்கள்.