TNPSC Group 4 Exam: தேர்வறையில் நீங்கள் எதையெல்லாம் கொண்டு செல்லக் கூடாது?

அனுமதிக்கப்பட்ட பேனாவைத் தவிர மற்ற  கலர் பேனா மற்றும் பென்சில் போன்றவைகளை முற்றிலும் தவிர்க்கும் மாறும் டி.என்.பி.எஸ்.சி வெளியிட்டுள்ள அறிவிப்பு கூறுகிறது. 

By: August 28, 2019, 4:06:35 PM

தமிழ்நாடு அரசுப் பணியாளர் தேர்வாணையம் சார்பில் கிராம நிர்வாக அலுவலர், டைப்பிஸ்ட், பீல்டு சர்வேயர் உள்ளிட்ட 6.491 பணியிடங்களை நிரப்புவதற்கான குரூப் 4 தேர்வு, செப்டம்பர் 1ம் தேதி நடைபெற உள்ளது. இந்த தேர்வு எழுத 14 லட்சத்திற்கும் மேற்பட்டோர் விண்ணப்பித்திருக்கிறார்கள்.

டிஎன்பிஎஸ்சி காலை 10 மணி முதல் மதியம் 1 மணி வரை ஒரே ஷிப்டில் இத்தேர்வை  நடத்த விருக்கிறது. இதற்கான ஹால் டிக்கெட் ஆகஸ்ட் 22 அன்று  வெளியானது என்பது குறிப்பிடத்தக்கது.

இந்த தேர்வில் மொத்தம் 200 கேள்விகள் கேட்கப்பட உள்ளன. இதில் பொது தமிழ் / பொது ஆங்கில பிரிவில் 100 கேள்விகளும், திறனாய்வு மற்றும் மன திறன் பிரிவில் 25 கேள்விகளும், பொது அறிவு  பிரிவில் 75 கேள்விகளும் உள்ளடக்கம்.

தேர்வர்கள் தெரிந்துக் கொள்ள வேண்டிய சில முக்கிய விஷயங்கள் பின்வருமாறு:

இந்நிலையில் இத்தேர்வின் கலந்துகொள்ளும் தேர்வர்கள், டி.என்.பி.எஸ்.சி யின் அதிகாரப்பூர்வ  அறிவிப்பின்படி-செல்லுலார் தொலைபேசி, கைக்கடிகாரங்கள்,புளூடூத் சாதனங்களை கொண்டுவர அனுமதிக்கப்படமாட்டார்கள. மேலும், தேர்வர்கள் தங்கள்  வாட்ச் அல்லது மோதிரத்தில் ஏதேனும் மறைமுக வழியில் மின்னணு சாதனத்தை பயன்படுத்தக் கூடாது என்பதும்  டிஎன்பிஎஸ்சி அதிகாரப்பூர்வ அறிவுப்பில் சொல்லப்பட்ட ஒன்றாகும் .

புத்தகங்கள்,நோட்டுத் தாள்கள்,துண்டுத் தாள்கள், மின்னணு அல்லது வேறு எந்த வகையான கால்குலேட்டர்கள்,பதிவு அட்டவணைகள், அனுமதிக்கப்பட்ட பேனாவைத் தவிர மற்ற  கலர் பேனா மற்றும் பென்சில் போன்றவைகளை முற்றிலும் தவிர்க்கும் மாறும் டி.என்.பி.எஸ்.சி வெளியிட்டுள்ள அறிவிப்பு கூறுகிறது.

Get all the Latest Tamil News and Tamil Nadu News at Indian Express Tamil. You can also catch all the latest Tamil Education-jobs News by following us on Twitter and Facebook

Web Title:Tnpsc hall ticket rules and regulations for tnpsc group 4 exams

The moderation of comments is automated and not cleared manually by tamil.indianexpress.com.
Advertisement

இதைப் பாருங்க!
X