Election 2019: முதல்வர் பற்றி அவதூறு- திமுக ஐ.டி. பிரிவு மீது 4 பிரிவுகளில் வழக்கு

‘வாக்குச்சாவடிகளில் பாமக.வினர் மட்டுமே முகவர்களாக இருப்பார்கள்’ என பிரசாரத்தின் போது அன்புமணி பேசியதாக புகார் எழுந்ததை தொடர்ந்து அன்புமணி மீது வழக்குப்பதிவு செய்ய காஞ்சிபுரம் ஆட்சியரும், தேர்தல் நடத்தும் அலுவலருமான பொன்னையா உத்தரவு பிறப்பித்தார்.

தேனி மக்களவை தொகுதி அதிமுக வேட்பாளர் ரவீந்திரநாத் குமாரை ஆதரித்து, அலங்காநல்லூர் பேருந்து நிலையம் அருகே நடைபெற்ற தேர்தல் பிரசாரக்கூட்டத்தில் பேசிய முதலமைச்சர் எடப்பாடி பழனிச்சாமி, ‘முல்லைப்பெரியாறு அணையின் நீர் மட்டத்தை உச்சநீதிமன்ற அனுமதியுடன் 152 அடியாக உயர்த்த நடவடிக்கை எடுக்கப்படும். தமிழகத்தில் மாபெரும் கல்வி புரட்சி நிகழ்ந்துள்ளது. விவசாயிகளுக்கு உதவும் வகையில் பல்வேறு நடவடிக்கைகள் எடுக்கப்பட்டு வருகின்றன.’ என்றார் முதலமைச்சர் எடப்பாடி பழனிச்சாமி.

கிருஷ்ணர் குறித்து திராவிடர் கழகத் தலைவர் வீரமணி விமர்சனம் செய்தது சர்ச்சையை ஏற்படுத்தியிருக்கிறது. இது குறித்து திமுக தலைவர் மு.க.ஸ்டாலின் அளித்த பேட்டியில், ‘கி. வீரமணி விவகாரத்தில் ஆர்.எஸ்.எஸ் உள்ளிட்ட இயக்கங்கள் சதி செய்து, திரித்து பரப்புகின்றன. கிருஷ்ணர் குறித்து திராவிட கழக தலைவர் கி. வீரமணி பேசியது உண்மையாக இருந்தால் அது தவறு தான். கிருஷ்ணர் குறித்து மேற்கோள் காட்டிதான் பேசினாரே தவிர, உள்நோக்கத்துடன் கூறவில்லை. மேலும் கி. வீரமணி, கிருஷ்ணர் குறித்து பேசியது பெரியார் திடலில் தானே தவிர, தேர்தல் பிரசார கூட்டத்தில் அல்ல.’ என்றார்.

விழுப்புரம் காய்கறி சந்தையில் திமுக தலைவர் மு.க.ஸ்டாலின் மக்களிடம் வாக்கு சேகரிப்பு விசிக வேட்பாளர் ரவிக்குமாருக்கு ஆதரவாக பரப்புரை மேற்கொண்டு, வாக்கு சேகரித்து வருகிறார் மு.க.ஸ்டாலின்.

மத்திய சென்னை பாமக வேட்பாளரான சாம் பால் மது அருந்துவது போன்ற புகைபடமொன்று சமூக வலைதளங்களில் வைரலானது. இது தொடர்பாக விளக்கமளித்த சாம் பால் எதிர்கட்சிகள் மார்ஃபிங் செய்து பரப்பி அவதூறு செய்வதாக குற்றம்சாட்டினார்.திமுக வேட்பாளர் தயாநிதிமாறன் பிரச்சாரத்தின் போது இந்த படம் குறித்து அவதூறு பரப்புரை செய்ததாகவும், செய்தி வெளியிட்ட தனியார் தொலைக்காட்சிகள் மீதும் நடவடிக்கை எடுக்க சென்னை காவல் ஆணையரகத்தில் புகார் அளித்தார்.

தன் மீது அவதூறு பரப்பியதாக மத்திய சென்னை பாமக வேட்பாளர் சாம்பால் அளித்த புகாரின் பேரில், திமுக வேட்பாளர் தயாநிதி மாறன் மீது சைபர் க்ரைம் போலீசார் வழக்கு பதிவு செய்துள்ளனர்.

Is PMK leader Anbumani Ramadoss hinting at a possible booth capture in Kancheepuram constituency? Very controversial statement. #PMK #AIADMK #Elections2019 #TNPolitics pic.twitter.com/iSF2cN4e0r

— Shilpa Nair (@NairShilpa1308) 5 April 2019

திருப்போரூரில் அதிமுக கூட்டணி வேட்பாளர்களுக்கு வாக்கு சேகரித்த அன்புமணி, தேர்தல் அன்று என்ன நடக்கும்? பூத்தில் என்ன நடக்கும்? பூத்தில் நாம் தான் இருப்போம். நம்முடைய ஆட்கள் மட்டும் தான் இருப்பார்கள். அப்புறம் என்ன சொல்ல வேண்டுமா வெளியில், என்ன புரிகிறதா? என பேசினார்.

இது தொடர்பான வீடியோ காட்சிகள் வெளியாகி சர்ச்சையை ஏற்படுத்திய நிலையில், சர்ச்சைக்குரிய வகையில் பேசிய பாமக இளைஞர் அணித் தலைவர் அன்புமணி ராமதாஸ் மீது தேர்தல் ஆணையத்தில் திமுக புகார் அளித்துள்ளது.