நண்பன் என்று யாருமில்லை... இது ஒன்றை தவிர! மனம் திறந்த ஏ.ஆர்.ரஹ்மான்

இந்திய சினிமாவின் முன்னணி இசையமைப்பாளராக ஏ.ஆர்.ரஹ்மான் நண்பன் என்று சொல்லும் அளவுக்கு என்னிடம் யாரும் இல்லை தனிமை மட்டுமே எனது சிறந்த நண்பன் என்று கூறியுள்ளார்.

இந்திய சினிமாவில் தற்போது பிஸியான இசையமைப்பாளராக வலம் வரும் ஏ.ஆர்.ரஹ்மான் சமீபத்தில் வெளியான உதயநிதி ஸ்டாலினின் மாமன்னன் படத்திற்கு இசையமைத்திருந்தார். இந்த படம் பெரிய வெற்றிப்படமாக அமைந்த நிலையில், தற்போது பல மொழிகளில் பிஸியாக இசையமைத்து வருகிறார்.

இதனிடையே சமீபத்தில் மாமன்னன் படத்தில் இடம்பெற்ற “ஜிகு ஜிகு ரயில்” பாடலில் ஏ.ஆர்.ரஹ்மான் நடமாடியது அவரது ரசிகர்களை ஆச்சரியத்தில் ஆழ்த்தியது. இந்த வீடியோவில் பாடலாசிரியர் சினேகன் மற்றும் பாடகி சுபாவுடன் ஒரு ஒரு வீடியோவை வெளியிட்டிருந்த ஏ,ஆர்.ரஹ்மான், தற்போது தனது நண்பர்கள் வட்டம் குறித்து மனம் திறந்து பேசியுள்ளார்.

சூரியன் எஃப் எம்.யிடம் பேசிய ஏ.ஆர்.ரஹ்மான், “எனது நெருங்கிய நண்பர் எனது ஓட்டுநர்... என்னுடன் பணிபுரிபவர்கள். இருப்பினும், அவர்கள் நிரந்தரமாக இருப்பதை நான் விரும்பவில்லை. சிறந்த விஷயங்களைச் செய்ய வாழ்க்கையை அடுத்த கட்டத்திற்கு நகர்த்துமாறு நான் அவர்களிடம் தொடர்ந்து கூறுகிறேன். எனவே, நான் ஒரு நண்பன் என்று அழைக்கக்கூடிய யாரும் என்னிடம் இல்லை... அது என் தனிமை மட்டுமே என்று கூறியுள்ளார்.

அதனைத் தொடர்ந்து குழந்தை வளர்ப்பு பற்றி பேசுகையில், தனது குழந்தைகளுக்கு அறிவுரை சொல்வதில் நம்பிக்கை இல்லை. நீங்கள் சொல்வதை அவர்கள் கடைபிடிப்பதில்லை. ஆனால் சொல்வதை செய்து காட்ட வேண்டும். நீங்கள் அவர்களின் கண்ணாடி. அவர்கள் உங்களைப் பின்தொடர்கிறார்கள். அனைத்து மகன்களும் குறைந்தபட்சம் 10 சதவீதம் தங்கள் தந்தையாக வாழ விரும்புகிறார்கள்.

என் அப்பா அவர்களுக்கு எப்படி நிதி உதவி செய்தார் என்று மக்கள் சொல்வதை நான் கேட்டுக்கொண்டே இருக்கிறேன். சமீபத்தில் கூட எல் சுப்ரமணியம் (புகழ்பெற்ற வயலின் கலைஞர்) இசையில் கல்வி கற்க என் அப்பா எப்படி உதவி செய்தார் என்று சொன்னார். இதுபோன்ற விஷயங்களைக் கேட்கும்போது நான் கண்ணீர் விடுகிறேன். பின்னர் எனது கடுமையான கஷ்டங்களுக்கு பிறகு இறந்தார். அத்தகைய சிறந்த நபரின் மகனாக, எனது தந்தையின் செயலைப் பின்பற்றுவதே எனது நோக்கம் என்று நான் நம்புகிறேன், ”என்று அவர் கூறினார்.

AI மற்றும் தொழில்நுட்பம் இசை குறித்த கேள்விக்கு பதில் அளித்த ரஹ்மான், “1984-ல் நான் முதன்முதலில் கணினி வாங்கியபோது, எல்லோரும் பயந்தார்கள். ‘அய்யய்யோ, இந்தப் பையன் ஏதோ சின்ன விஷயத்தைக் கொண்டு வருகிறான்... எங்களை வேலைக்குக் கூப்பிட மாட்டான்.’ ஆனால் நான் அதைப் பயன்படுத்த ஆரம்பித்தேன், ராஜா சார் கை நீட்டினார். புன்னகை மன்னனுக்கு நாங்கள் இணைந்து பணியாற்றினோம். அதுவே எங்களின் முதல்பணி. அதற்கான இசையை நிரல் செய்தோம். மனித வேலை சிறப்பாக இருக்கும்.

நான் சிங்கப்பூரிலிருந்து ஒரு கருவியை வரவழைத்தேன், அதன் மூலம் சரங்களை கூட தயாரிக்க முடியும். ஆனால் அதற்குப் பிறகு சரம் இசைக்கலைஞர்களுக்கான வேலை உயர்ந்தது, ஏனென்றால் இந்த இசைக்கருவியால் இந்த நல்ல இசையை உருவாக்க முடியும் என்றால், அதே இசையமைப்புடன் உண்மையான இசைக்கலைஞர்கள் என்ன செய்ய முடியும் என்று கற்பனை செய்து பாருங்கள் என கூறியுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“