பேசறப்ப நின்னு பேசுங்க... முதல் நாளே கொந்தளித்த கெமி; பிக் பாஸ் வீட்டில் ஆட்டம் ஆரம்பம்!

தமிழில் ரசிகர்கள் மிகவும் எதிர்பார்ப்புடன் பார்க்கும் நிகழ்ச்சி ‘பிக்பாஸ் சீசன் 9’. இதுவரை தமிழில் இந்த நிகழ்ச்சி 8 சீசன்கள் ஒளிபரப்பாகியுள்ளது. முதல் ஏழு சீசன்களை நடிகர் கமல்ஹாசன் தொகுத்து வழங்கினார். இதையடுத்து அவர் நிகழ்ச்சியில் இருந்து நீங்கிய நிலையில் 8-வது சீசனில் இருந்து நடிகர் விஜய் சேதுபதி தொகுத்து வழங்கி வருகிறார்.

’பிக்பாஸ்’ நிகழ்ச்சியானது தமிழ் மட்டுமல்லாமல் தெலுங்கு, மலையாளம், இந்தி போன்ற மொழிகளிலும் ஒளிபரப்பாகி வருகிறது. இதில், அந்தந்த மொழிகளில் பிரபலமாக உள்ள நடிகர்கள் ‘பிக்பாஸ்’ சீசனை தொகுத்து வழங்கி வருகின்றனர். தமிழில் ‘பிக்பாஸ் சீசன் 9’ நிகழ்ச்சியானது நேற்று (அக் .5) மிக பிரமாண்டமாக தொடங்கியது. எப்போதும் இல்லாத வகையில் போட்டியில் விறுவிறுப்பை ஏற்படுத்தும் விதமாக பிக்பாஸ் வீட்டில் பல மாற்றங்கள் செய்யப்பட்டுள்ளது.

இதையடுத்து ‘பிக்பாஸ்’ வீட்டிற்குள் 20 போட்டியாளர்கள் களமிறங்கினர். பொதுவாக ‘பிக்பாஸ்’ வீட்டில் நுழைந்ததும் முதல் இரண்டு நாட்கள் போட்டியாளர்கள் கொஞ்சம் சாதுவாக தான் இருப்பார்கள். அதன்பிறகு தான் தன் வேலைகளை காட்டுவார்கள். ஆனால், தற்போது வந்த முதல் நாளே போட்டியாளர்கள் தங்கள் வேலையை காட்ட ஆரம்பித்துவிட்டனர்.

இதுகுறித்து இன்று வெளியான ப்ரோமோவில், விஜய் டிவி-யில் ஒளிபரப்பாகி வரும் ‘மகாநதி’ சீரியல் நடிகர் கம்ருதீன் தண்ணி எங்கே இருக்கிறது என்று கேட்கிறார். அதற்கு நடிகை கெமி பேசும் போது பேசுங்க நடந்து போகாதீங்க அது நல்லது இல்லை என்கிறார். இதனால் கடுப்பான கம்ருதீன் அப்ப நான் பேசவேக் கூடாதா என்று கேட்கிறார். இதற்கு கெமி சத்தமா பேசாதீங்க என்றதும் கம்ருதீன் அப்படி தான் பேசுவேன் என்கிறார்.

#Day1#Promo2 of #BiggBossTamil

Bigg Boss Tamil Season 9 - இன்று இரவு 9:30 மணிக்கு நம்ம விஜய் டிவில.. #BiggBossTamilSeason9#OnnumePuriyala#BiggBossSeason9Tamil#BiggBoss9#BiggBossSeason9#VijaySethupathi#BiggBossTamil#BB9#BiggBossSeason9#VijayTV#VijayTelevisionpic.twitter.com/C0QxEuhQur

— Vijay Television (@vijaytelevision) October 6, 2025

பின்னர், நாம் இவர்களுக்கு நல்லது செய்வோம். ஒரு கெட்டது பண்ணிவிட்டால் நாம் கெட்டவர்கள். சரி நான் கெட்டவனாவே இருந்துவிட்டு போகிறேன் என்று கம்ருதீன் செல்கிறார். அதன்பின், கம்ருதீனுடன் பேசும் கெமி பேசி பலனில்லை என்கிறார். இத்துடன் இந்த ப்ரோமோ முடிவடைகிறது. வந்த முதல் நாளே இப்படி என்றால் போக போக இன்னும் பல பிரச்சனைகள் நடக்கும் போல என்று ரசிகர்கள் இதற்கு கமெண்ட் செய்து வருகின்றனர்.

பிக்பாஸ் நிகழ்ச்சியின் முதல் நாள் ப்ரோமோக்களை வைத்து பார்க்கும் போது வீட்டில் உள்ள ஒவ்வொரு போட்டியாளரும் தினமும் பல பிரளயத்தை ஏற்படுத்துவார்கள் என்று சினிமா வட்டாரங்கள் தெரிவிக்கின்றன.