நீங்க சொல்ற மாதிரி பண்ண முடியாது, நான் ரிசைன் பண்றேன்: வி.ஜே.பார்வதி ஆக்ஷன்!

பிரபல தொலைக்காட்சியான விஜய் டிவி-யில் பிக்பாஸ் நிகழ்ச்சி ஒளிபரப்பாகி வருகிறது. கடந்த 2017-ஆம் ஆண்டு ஆரம்பிக்கப்பட்ட இந்த நிகழ்ச்சி 8 சீசன்களை கடந்து ஒளிபரப்பாகி வருகிறது. முதலில் ஆர்வமாக பார்த்த ரசிகர்கள் தற்போது இந்த நிகழ்ச்சியை அவ்வளவு ஆர்வமாக பார்க்கவில்லை என்று கூறப்படுகிறது. அதுமட்டுமல்லாமல், இந்த நிகழ்ச்சியின் மொத்தமாக கண்டண்ட் நிகழ்ச்சியாக தான் இருக்கிறது.

பிக்பாஸ் நிகழ்ச்சி ஏற்பாட்டாளர்கள் எழுதி கொடுப்பதை தான் போட்டியாளர்கள் பேசுகின்றனர். என பல சர்ச்சைகள் எழுந்தாலும் பிக்பாஸ் நிகழ்ச்சி தொடர்ந்து ஒளிபரப்பாகி கொண்டு தான் வருகிறது. அக்டோபர் 5-ஆம் தேதி பிக்பாஸ் நிகழ்ச்சியின் 9-வது சீசன் தொடங்கியது. முதல் 7 சீசன்களை நடிகர் கமல்ஹாசன் தொகுத்து வழங்கிய நிலையில் 8-வது சீசனில் அவர் இந்நிகழ்ச்சியை விட்டு வெளியேறினார்.

இதையடுத்து, 8-வது சீசனில் இருந்து நடிகர் விஜய் சேதுபதி இந்த நிகழ்ச்சியை தொடர்ந்து தொகுத்து வழங்கி வருகிறார். இந்நிலையில், தற்போது பிக்பாஸ் வீட்டில் சீரியல் நடிகர்கள், தொகுப்பாளர்கள், மாடல்கள், சமூக வலைதள பிரபலங்கள் என 20 பேர் போட்டியாளராக களமிறங்கியுள்ளனர். சமீபத்தில் முதல் வார நாமினேசன் புராஷஸ் நடைபெற்றது. இதில், பெரும்பாலானோர் திவாகர் மற்றும் கலையரசனை நாமினேட் செய்தனர்.

பிக்பாஸ் நிகழ்ச்சி தொடங்கி ஒருவாரம் கூட ஆகாத நிலையில் அந்த வீட்டில் பல பிரளயங்கள் வெடித்து வருகிறது. பார்வையாளர்களுக்கு ஏற்றபடி ஒவ்வொரு நாளும் புது புது பிரச்சனைகள் கிளம்புகின்றன. இதில் பெரும்பாலானோர் வாட்டர் மெலன் ஸ்டார் திவாகரை குறிவைத்து பிரச்சனை செய்கின்றனர். சமீபத்தில் திவாகருக்கும், ரம்யா ஜோவிற்கு பிரச்சனை ஏற்பட்டது. இந்த பிரச்சனையை ரம்யா ஜோ வேண்டுமென்றே தொடங்கியதாக சமூக வலைதளத்தில் ரசிகர்கள் கருத்து தெரிவித்தனர்.

இந்நிலையில், தற்போது வெளியாகியுள்ள ப்ரொமோவில், வியானா - பார்வதி இடையே பிரச்சனை வெடித்துள்ளது. அதாவது, நாங்க வேலை தான் வாங்க வேண்டும். நீங்கள் எங்களை வேலை வாங்கக் கூடாது என்று வியானா சொல்கிறார். இதில் கடுப்பான பார்வதி நீங்க சொல்றபடி எல்லாம் எங்களால வேலை பார்க்க முடியாது. வியானா வேலை வாங்குகிற விதம் எனக்கு பிடிக்கல. நான் ரிசைன் பண்றேன் என்று கூறிவிட்டு கிளம்புகிறார். ஆனால், அங்கிருக்கும் மற்ற போட்டியாளர்கள் பார்வதியை தான் தப்பு சொல்கிறார்கள். இந்த வீடியோ சமூக வலைதளத்தில் வைரலாகி வருகிறது.