டிசிப்ளின் கொஞ்சம் கூட இல்ல... வீட்டு தல பதவி பறிப்பு; பிக் பாஸில் அரங்கேறும் அதிரடிகள்

பிக்பாஸ் சீசன் 9 நிகழ்ச்சி விறுவிறுப்பாக நடைபெற்று வருகிறது. நந்தினி, பிரவீன் காந்தி வெளியேறிய நிலையில் தற்போது பிக்பாஸ் வீட்டில் 18 போட்டியாளர்கள் உள்ளனர். ஒவ்வொரு நாளும் என்ன டாஸ்க் இன்று நடக்கும், என்ன பிரச்சனை ஏற்படும் என்ற எதிர்பார்ப்பில் பிக்பாஸ் நிகழ்ச்சி ஒளிபரப்பாகி வருகிறது. இந்த நிகழ்ச்சியின் ஆரம்பத்தில் இருந்தே போட்டியாளர்கள் மத்தியில் கடும் மோதம் ஏற்பட்டு வருகிறது.

ஆரம்பத்தில் வாட்டர் மெலன் ஸ்டார் திவாகரை எல்லோரும் டார்கெட் செய்து வந்த நிலையில் தற்போது அவர் எல்லோருக்கும் செல்லப்பிள்ளை ஆகிவிட்டதாக கூறப்படுகிறது. அதுமட்டுமல்லாமல், ஒவ்வொருத்தரும் தன் முகமூடிகளை கழற்றிக் கொண்டு வெளிப்படையாக பேச ஆரம்பித்துவிட்டனர். இதனாலேயே பிக்பாஸ் வீட்டில் தினம் பிரச்சனைகள் ஏற்படுகிறது.

அதுமட்டுமல்லாமல், பிக்பாஸ் நிகழ்ச்சியை தடை செய்ய வேண்டும் என்று பலர் விருப்பம் தெரிவித்து வருகின்றனர். இருந்தாலும், இந்த நிகழ்ச்சிக்கு என்று தனி ரசிகர் பட்டாளமே உள்ளது. அதுமட்டுமல்லாமல், நடிகர் விஜய் சேதுபதி, கமல்ஹாசன் போன்று தொகுத்து வழக்கவில்லையோ என்று பலரும் தங்கள் கருத்துகளை தெரிவித்து வருகின்றனர். இதனை நியாயப்படுத்தும் சம்பவங்கள் தான் தற்போது பிக்பாஸ் வீட்டில் அரங்கேறி வருகிறது.

அதாவது, சனி மற்றும் ஞாயிற்றுக்கிழமைகளில் விஜய் சேதுபதி , பிக்பாஸ் போட்டியாளர்களிடம் கலந்துரையாடுவார். அப்போது, அந்த வாரத்தில் நடந்த நிகழ்வுகளை வைத்து விவாதங்கள் மேற்கொள்ளப்படும். அப்படி விவாதம் செய்யும் பொழுது விஜய் சேதுபதி போட்டியாளார்களை பேசவிடாமல் தனது ஆளுமையை காட்டுவதாக குற்றச்சாட்டு எழுந்துள்ளது. இந்நிலையில், பிக்பாஸ் சீசன் 9 நிகழ்ச்சியின் 11-வது நாளின் முதல் ப்ரொமோ வெளியாகியுள்ளது.

#Day11#Promo1 of #BiggBossTamil

Bigg Boss Tamil Season 9 - இன்று இரவு 9:30 மணிக்கு நம்ம விஜய் டிவில.. #BiggBossTamilSeason9#OnnumePuriyala#BiggBossSeason9Tamil#BiggBoss9#BiggBossSeason9#VijaySethupathi#BiggBossTamil#BB9#BiggBossSeason9#VijayTV#VijayTelevisionpic.twitter.com/1dWKqAsZ4k

— Vijay Television (@vijaytelevision) October 16, 2025

அதில், “ஒவ்வொரு சீசன்லையும் இந்த வீடு ஒவ்வொரு விஷயத்திற்கு ஃபேமஸாக இருக்கும். இப்ப வரைக்கும் இந்த பிக்பாஸ் சீசன் 9 எதற்கு ஃபேமஸாக இருக்கிறது என்று தெரியுமா ‘நோ டிசிப்ளின்’. தூங்குவது, மைக் மாட்டவில்லை. துஷார் நீங்களே பலமுறை மைக் மாட்ட மறந்துவிடுகிறீர்கள். அப்பறம் எப்படி மத்தவங்கள டிசிப்ளின் பண்ணுவீங்க? டிசிப்ளின் இல்லாத வீட்டுக்கு வீட்டு தலையும் தேவையில்லை. வீட்டு தலைவர் பதவி உங்களிடம் இருந்து பறிக்கப்படுவதாக துஷாரிடம் பிக்பாஸ் தெரிவித்தார். இத்துடன் இந்த ப்ரொமோ முடிவடைகிறது. இந்த வீடியோ இணையத்தில் வைரலாகி வருகிறது.