உங்களுக்கு என்ன டேலண்ட் இருக்கு... இந்த வீட்டுக்கு நீங்க தேவையில்ல; அதிரடி காட்டிய பிக்பாஸ்

பிக்பாஸ் சீசன் 9 நிகழ்ச்சி விறுவிறுப்பாக நடைபெற்று வருகிறது. நந்தினி, பிரவீன் காந்தி வெளியேறிய நிலையில் தற்போது பிக்பாஸ் வீட்டில் 18 போட்டியாளர்கள் உள்ளனர். ஒவ்வொரு நாளும் என்ன டாஸ்க் இன்று நடக்கும் என்ன பிரச்சனை ஏற்படும் என்ற எதிர்பார்ப்பில் பிக்பாஸ் நிகழ்ச்சி ஒளிபரப்பாகி வருகிறது. இந்த நிகழ்ச்சியின் ஆரம்பத்தில் இருந்தே போட்டியாளர்கள் மத்தியில் கடும் மோதம் ஏற்பட்டு வருகிறது.

ஆரம்பத்தில் வாட்டர் மெலன் ஸ்டார் திவாகரை எல்லோரும் டார்கெட் செய்து வந்த நிலையில் தற்போது அவர் எல்லோருக்கும் செல்லப்பிள்ளை ஆகிவிட்டதாக கூறப்படுகிறது. அதுமட்டுமல்லாமல், ஒவ்வொருத்தரும் தன் முகமூடிகளை கழற்றிக் கொண்டு வெளிப்படையாக பேச ஆரம்பித்துவிட்டனர். இதனாலேயே பிக்பாஸ் வீட்டில் தினம் பிரச்சனைகள் ஏற்படுகின்றன.

அதுமட்டுமல்லாமல், பிக்பாஸ் நிகழ்ச்சியை தடை செய்ய வேண்டும் என்று பலர் விருப்பம் தெரிவித்து வருகின்றனர். இருந்தாலும், இந்த நிகழ்ச்சிக்கு என்று தனி ரசிகர் பட்டாளமே உள்ளது. பிக்பாஸ் நிகழ்ச்சியை தொகுத்து வழங்கும் நடிகர் விஜய் சேதுபதி, கமல்ஹாசன் போன்று தொகுத்து வழக்கவில்லையோ என்று பலரும் தங்கள் கருத்துகளை தெரிவித்து வருகின்றனர். இதனை நியாயப்படுத்தும் சம்பவங்கள் தான் தற்போது பிக்பாஸ் வீட்டில் அரங்கேறி வருகிறது.

முன்னதாக பிக்பாஸ் போட்டியாளர் துஷாருக்கு சக போட்டியாளர்கள் உதட்டில் முத்தம் கொடுத்த வீடியோ சமூக வலைதளத்தில் வைரலானது. இதனை பார்த்த நெட்டிசன்கள் இன்னும் சில நாட்களில் தமிழ் பிக்பாஸ் நிகழ்ச்சி ஹிந்தி பிக்பாஸ் நிகழ்ச்சி போன்று மாறிவிடும் என்று கமெண்ட் செய்தனர். மேலும், இந்த வாரம் விஜய் சேதுபதி இது எல்லாம் குறித்து பேசுவாரா? என்றும் கேள்வி எழுப்பி வருகின்றனர்.

இந்நிலையில், தற்போது பிக்பாஸ் நிகழ்ச்சியின் 12-வது நாளின் முதல் ப்ரோமோ வெளியாகியுள்ளது. அதில், பிக்பாஸ், இந்த வாரம் முழுவதும் நடந்த எல்லா விஷயங்களையும் சேர்த்து வொர்ஸ்ட் பர்ஃபாமரை (Worst perfomer) இருவரை தேர்ந்தெடுங்கள் என்று கூறுகிறார். அதற்கு போட்டியாளர்கள் ஆதிரை மற்றும் அரோராவை தேர்ந்தெடுக்கின்றனர். 

#Day12#Promo1 of #BiggBossTamil

Bigg Boss Tamil Season 9 - இன்று இரவு 9:30 மணிக்கு நம்ம விஜய் டிவில.. #BiggBossTamilSeason9#OnnumePuriyala#BiggBossSeason9Tamil#BiggBoss9#BiggBossSeason9#VijaySethupathi#BiggBossTamil#BB9#BiggBossSeason9#VijayTV#VijayTelevisionpic.twitter.com/NQievSVopX

— Vijay Television (@vijaytelevision) October 17, 2025

மேலும், அவர்களிடம் ஒரு தீம் இல்லை என்றும் கிரொயேட்டிவ்வாக என்ன செய்தீர்கள்? என்றும் சக போட்டியாளர்கள் கேள்வி எழுப்புகின்றனர்.  கலையரசன் உங்களிடம் என்ன திறமை இருக்கிறது என்பதை இன்னும் என்னால் கண்டுபிடிக்க முடியவில்லை என்று கூறுகிறார். இதனை கேட்ட பிக்பாஸ் ஆதிரை மற்றும் அரோராவை சிறைக்கு செல்ல சொல்கிறார். இத்துடன் இந்த ப்ரோமோ முடிவடைகிறது.