பெர்ஃபாமன்ஸ்ல இருந்து எல்லாமே ஃபிராட் ஆக்டிவிட்டியா தெரியுது - வினோத்தை நேரடியாக தாக்கிய திவாகர்

விஜய் டிவி-யில் பிக்பாஸ் நிகழ்ச்சி கடந்த 2017-ஆம் ஆண்டு முதல் தொடர்ந்து ஒளிபரப்பாகி வருகிறது. ஆரம்பத்தில் என்ன நிகழ்ச்சி இது என்று விமர்சித்த மக்கள் அதன்பின்னர் பிக்பாஸ் நிகழ்ச்சியின் ரசிகர்கள் ஆகிவிட்டனர். இன்று என்ன பிரச்சனை வரும்? என்ன திருப்பம் வரும்? யார் எலிமினேட் செய்யப்படுவார்கள் என்று ஆவலுடன் ஒவ்வொரு நாளும் பிக்பாஸ் நிகழ்ச்சியை பார்த்து வருகின்றனர். பிக்பாஸ் நிகழ்ச்சி தமிழ் மட்டுமல்லாமல் தெலுங்கு, இந்தி, மலையாளம் போன்ற பல்வேறு மொழிகளில் ஒளிபரப்பாகி வருகிறது.

தமிழில் 8 சீசன்களை கடந்த பிக்பாஸ் தற்போது 9-வது சீசனில் அடியெடுத்து வைத்துள்ளது. இந்த சீசன் கடந்த 5-ஆம் தேதி தொடங்கி விறுவிறுப்பாக நடைபெற்று வருகிறது. முதலில் திரைப்பிரபலங்கள் மட்டும் கலந்து கொண்ட பிக்பாஸ் நிகழ்ச்சியில் தற்போது சமூக வலைதள பிரபலங்களும் கலந்து கொண்டுள்ளனர். அந்த வகையில் பிக்பாஸ் சீசன் 9 நிகழ்ச்சியில் வி.ஜே. பார்வதி, கனி, கலையரசன், திவாகர், அரோரா, ஆதிரை, நந்தினி, பிரவீன் காந்தி, அப்சரா சி.ஜே, வியானா, வினோத், கம்ருதீன், சபரி உட்பட 20 போட்டியாளார்கள் கலந்து கொண்டனர்.

இதில், நந்தினி, இயக்குநர் பிரவீன் காந்தி, அப்சரா சி.ஜே ஆகிய மூன்று பேர் பிக்பாஸ் வீட்டை விட்டு வெளியேறிய நிலையில் தற்போது 17 போட்டியாளர்கள் பிக்பாஸ் வீட்டில் இருக்கிறார்கள். பிக்பாஸ் வீடானது சூப்பர் டீலக்ஸ் ஹவுஸ், பிக்பாஸ் ஹவுஸ் என இரண்டு வீடுகளாக பிரிக்கப்பட்டுள்ளது. இதில் சூப்பர் டீலக்ஸ் ஹவுஸில் இருப்பவர்கள் தான் பிக்பாஸ் வீட்டை ரூல் செய்து வருகின்றனர். வழக்கத்திற்கு மாறாக பிக்பாஸ் சீசன் 9 நிகழ்ச்சி தொடங்கிய முதல் நாளில் இருந்தே போட்டியாளர்கள் மத்தியில் பல பிரச்சனைகள் வெடித்து வருகிறது. பிக்பாஸ் வீடு தினம் தினம் போர்க்களமாக காட்சியளிக்கிறது.

#Day19#Promo1 of #BiggBossTamil

Bigg Boss Tamil Season 9 - இன்று இரவு 9:30 மணிக்கு நம்ம விஜய் டிவில.. #BiggBossTamilSeason9#OnnumePuriyala#BiggBossSeason9Tamil#BiggBoss9#BiggBossSeason9#VijaySethupathi#BiggBossTamil#BB9#BiggBossSeason9#VijayTV#VijayTelevisionpic.twitter.com/TBcn1mRDAu

— Vijay Television (@vijaytelevision) October 24, 2025

இந்நிலையில், பிக்பாஸ் சீசன் 9 நிகழ்ச்சியின் 19-வது நாளின் முதல் ப்ரொமோ வெளியாகியுள்ளது. அதில், இந்த வாரம் முழுவதும் சிறப்பாக விளையாடாத வொர்ஸ்ட் பர்ஃபாமரை தேர்ந்தெடுக்க சொல்லி பிக்பாஸ் சொல்கிறார். அதற்கு கனி, பார்வதியை சொல்கிறார், மேலும் வாரம் முழுவதும் பிரச்சனை மட்டுமே செய்ததாக கூறுகிறார். அதன்பின்னர் பேசிய திவாகர், கானா வினோத்தை குறிப்பிட்டு பெர்ஃபாமன்ஸ்ல இருந்து எல்லாமே ஃபிராட் ஆக்டிவிட்டியா இருக்கிறது என்கிறார். 

தொடர்ந்து பேசிய கம்ருதீன், பார்வதிக்கு என்ன பண்றதுனு தெரியல என்கிறார். அப்போது திவாகர் பிடிக்கவில்லை என்பதற்காக தப்பா பேசக்கூடாது என்கிறார். இதனால் போட்டியாளர்கள் மத்தியில் மீண்டும் மோதல் வெடிக்கிறது. இதனுடன் இந்த ப்ரொமொ முடிவடைகிறது. இந்த வீடியோவை ரசிகர்கள் இணையத்தில் அதிகம் பகிர்ந்து வருகின்றனர்.