பாலாஜி மோகன் இயக்கத்தில், தனுஷ் நடிப்பில் உருவாகும் படம் ‘மாரி 2’. இந்தப் படத்தில் தனுஷ் ஜோடியாக சாய் பல்லவி நடிக்கிறார். கிருஷ்ணா, வரலட்சுமி சரத்குமார், ரோபோ சங்கர் ஆகியோர் முக்கிய கேரக்டர்களில் நடிக்கின்றனர். 10 வருடங்கள் கழித்து இந்தப் படத்தின் மூலம் தனுஷ் படத்துக்கு இசையமைக்கிறார் யுவன் சங்கர் ராஜா.
இந்தப் படத்தின் பூஜை, கடந்த மாதம் 14ஆம் தேதி நடைபெற்றது. இந்த மாதம் முதல் படப்பிடிப்பு தொடங்க இருக்கிறது. தனுஷ் தற்போது வெற்றிமாறனின் ‘வடசென்னை’ மற்றும் கெளதம் மேனனின் ‘எனை நோக்கி பாயும் தோட்டா’ ஆகிய படங்களில் நடித்து வருகிறார்.