துருவ் vs பிரதீப் vs ஹரிஷ்... பாட்டாசாக வெடிக்கப் போவது யார்? தீபாவளிக்கு வெளியாகும் இளம் ஹீரோக்களின் படங்கள்!

ஒவ்வொரு வருடமும் பண்டிகைகளை குறிவைத்து பெரிய நடிகர்களின் படங்கள் வெளியாவது வழக்கமான ஒன்றாகும். ஆனால், இந்த ஆண்டு தீபாவளிக்கு முன்பே பல நடிகர்களின் திரைப்படங்கள் வெளியாகிவிட்டது. இருந்தாலும், இளம் நடிகர்களின் துள்ளல் மிக்க படங்கள் தீபாவளி அன்று வெளியாகவுள்ள நிலையில் அப்படத்தின் வெளியீட்டிற்காக ரசிகர்கள் காத்திருக்கின்றனர். அந்த படங்களின் பட்டியல் குறித்து பார்க்கலாம்.

இயக்குநர் மாரிசெல்வராஜ் இயக்கத்தில் துருவ் விக்ரம் நடிப்பில் உருவாகி வரும் திரைப்படம் ‘பைசன்’. முதல் முறையாக மாரிசெல்வராஜ் - துருவ் விக்ரம் இணைந்துள்ளதால் இப்படத்தின் மீதான எதிர்பார்ப்பு அதிகரித்துள்ளது. இந்த படத்தில் துருவ் விக்ரம் ஜோடியாக அனுபமா பரமேஸ்வரன் நடித்திருக்கிறார்.

மேலும், லால், பசுபதி, ரெஜிஷா விஜயன், ஹரி கிருஷ்ணன் உள்ளிட்டோர் முக்கிய கதாபாத்திரத்தில் நடித்துள்ளனர். கபடி ஆடும் இளைஞனை சுற்றி நடக்கும் கதையை மையமாக வைத்து உருவாகியுள்ள ‘பைசன்’ திரைப்படம் அக்டோபர் 17-ஆம் தேதி திரையரங்குகளில் வெளியாகவுள்ளது. ‘வாழை’ திரைப்படத்தில் இயக்குநர் மாரிசெல்வராஜ் பட்டையை கிளப்பிய நிலையில் இந்த படத்தை எப்படி எடுத்துள்ளார் என ரசிகர்கள் ஆர்வத்தில் உள்ளனர்.

நடிகர் ஹரிஷ் கல்யாண் நடிப்பில் சமீபத்தில் வெளியான ‘லப்பர் பந்து’ திரைப்படம் ரசிகர்கள் மத்தியில் நல்ல வரவேற்பை பெற்றது. இதைத்தொடர்ந்து, அவர் நடித்துள்ள திரைப்படம் ‘டீசல்’. இந்த படத்தை

 சண்முகம் முத்துசாமி இயக்கியிருக்கிறார். ஆக்‌ஷன் த்ரில்லர் பாணியில் உருவாகியிருக்கும் இந்த  படத்தில்  ஹரிஷ் கல்யாணுக்கு ஜோடியாக அதுல்யா ரவி நடித்துள்ளார். இப்படம் வரும் தீபாவளி பண்டிகையை முன்னிட்டு அக்டோபர் 17-ஆம் தேதி திரையரங்குகளில் வெளியாகவுள்ளது.

இயக்குநர், நடிகர் என பன்முகத் தன்மைக் கொண்ட பிரதீப் ரஙகநாதன் ‘டிராகன்’ பட வெற்றிக்கு பிறகு நடித்துள்ள திரைப்படம் ‘டியூட்’.  இந்த படத்தை, கீர்த்தீஸ்வரன் இயக்கியிருக்கிறார். இந்த படத்தில் பிரதீப் ரங்கநாதனுக்கு ஜோடியாக மமிதா பைஜூ நடித்துள்ளார். சாய் அப்யங்கர் இசையமைத்துள்ள இப்படத்தின் ‘அல்லயே அல்லயே’ பாடல் சமீபத்தில் வெளியாகி ரசிகர்களை ஆட்டம் போட வைத்தது. இப்படம் வரும் அக்டோபர் 17-ஆம் தேதி திரையரங்குகளில் வெளியாகவுள்ளது. இதையடுத்து, சில வாரங்களுக்கு பின் நெட்ஃபிளிக்ஸ் ஓ.டி.டி தளத்தில் வெளியாகும் என்று கூறப்படுகிறது.

இயக்குநர் விக்னேஷ் சிவன் இயக்கத்தில் பிரதீப் ரங்கநாதன் நடிப்பில் உருவான திரைப்படம் ‘லவ் இன்சூரன்ஸ் கம்பெனி’. இந்த படத்தில் கீர்த்தி ஷெட்டி, எஸ்.ஜே. சூர்யா உட்பட பலர் முக்கிய கதாபாத்திரத்தில் நடித்துள்ளனர். இப்படம் தீபாவளி பண்டிகையை முன்னிட்டு திரையரங்குகளில் வெளியாகும் என்று எதிர்பார்க்கப்பட்ட நிலையில் இதன் ரிலீஸ் அடுத்த ஆண்டிற்கு தள்ளி வைக்கப்பட்டுள்ளதாக தகவல் வெளியாகியுள்ளது.