பாண்டிராஜ் இயக்கத்தில் கார்த்தி நடிக்கும் படத்திற்கு ‘கடைக்குட்டி சிங்கம்’ எனத் தலைப்பு வைக்கப்பட்டுள்ளது.
பாண்டிராஜ் இயக்கத்தில் முதன்முறையாக நடிக்கிறார் கார்த்தி. இந்தப் படத்தை, சூர்யாவின் 2டி எண்டெர்டெயின்மெண்ட்ஸ் நிறுவனம் தயாரிக்கிறது. தமிழ் மற்றும் தெலுங்கில் உருவாகிவரும் இந்தப் படத்திற்கு, தமிழில் ‘கடைக்குட்டி சிங்கம்’ என்றும், தெலுங்கில் ‘சின்ன பாபு’ என்றும் தலைப்பு வைத்துள்ளனர். அத்துடன் ‘பயிர் செய்ய விரும்பு’ என்ற வாசகத்தை டேக் லைனாக வைத்துள்ளனர்.
Anbaana fans!!! Here is the first look of @Karthi_Offl ’s next #KadaikuttySingam #ChinnaBabu Hope you all like our farmer ???????????? @pandiraj_dir @sayyeshaa @priyabhavani #ActorSathyaraj @sooriofficial @2D_ENTPVTLTD @rajsekarpandian @immancomposer @VelrajR pic.twitter.com/YJI0HUgNbz
— Suriya Sivakumar (@Suriya_offl) 14 January 2018
மேலும், சூர்யாவின் புல்லட்டில் ‘விவசாயி’ என எழுதப்பட்டுள்ளது. எனவே, இந்தப் படம் விவசாயம் சம்பந்தப்பட்டதாக இருக்கும் என்றும், கார்த்தி விவசாயியாக நடிக்கிறார் என்றும் தெரியவந்துள்ளது. டி.இமான் இந்தப் படத்திற்கு இசையமைக்கிறார்.
கார்த்தி ஜோடியாக ‘வனமகன்’ சயிஷா, பிரியா பவானி சங்கர் இருவரும் நடிக்கின்றனர். அத்துடன், சத்யராஜ், சூரி, ஸ்ரீமன், பானுப்பிரியா, மெளனிகா ஆகியோரும் நடிக்கின்றனர். வேல்ராஜ் ஒளிப்பதிவு செய்யும் இந்தப் படம், இந்த ஆண்டு கோடை விடுமுறையில் ரிலீஸாக இருக்கிறது.
