12-12-1950 டைட்டில் மோஷன் போஸ்டர்!

மேலே தலைப்பில் கொடுக்கப்பட்டுள்ள தேதியை கொஞ்சம் எளிதாகவே நாம் கெஸ் செய்துவிடலாம். யெஸ்! பாஜக தலைவர் சுப்ரமணியன் சுவாமி '420' , 'இங்கிலீஷ் தெரியாதவன்' என்று அடையாளப்படுத்தும் சூப்பர்ஸ்டார் ரஜினிகாந்தின் பிறந்தநாள் தான்.

கபாலி செல்வா என்பவரது இயக்கத்தில் ரமேஷ் திலக், ஆதவன், தம்பி ராமையா, எம்.எஸ்.பாஸ்கர், டெல்லி கணேஷ், யோகி பாபு ஆகியோர் நடிக்கும் படத்தின் தலைப்பு 12-12-1950 என்று வைக்கப்பட்டுள்ளது. ரஜினிகாந்தின் ரசிகர்களை மையப்படுத்தி இந்தப் படம் உருவாக்கப்படுகிறது.

இந்நிலையில், 12-12-1950 டைட்டில் மோஷன் போஸ்டர் இன்று வெளியிடப்பட்டுள்ளது. சிவகார்த்திகேயன் தனது ட்விட்டர் பக்கத்தில் இதனை வெளியிட்டுள்ளார். இந்த வீடியோவில், 'ரஜினிக்கு இப்படம் சமர்ப்பணம், அவரின் வெறித்தனமான ரசிகர்களிடமிருந்து' என்று குறிப்பிடப்பட்டுள்ளது.

Happy to launch d motion poster of a film titled wit Thalaivar birth date .. wishes to the team - https://t.co/h6wXwMrp1o @Kabaliselvaah????????

— Sivakarthikeyan (@Siva_Kartikeyan) 8 July 2017

ஆதித்யா -சூர்யா என்பவர்கள் இசையமைக்க கோட்டேஸ்வர ராஜு இப்படத்தை தயாரிக்கிறார். இயக்குனர் கபாலி செல்வாவும் இப்படத்தில் நடிக்கிறார்.