/indian-express-tamil/media/agency_attachments/33Ho9XHwZawzDekwDLnu.png)
Follow Us/indian-express-tamil/media/media_files/2025/10/08/tamil-biggboss-model-2025-10-08-18-53-18.jpg)
விஜய் டிவியின் பிக்பாஸ் நிகழ்ச்சிக்கு ரசிகர்கள் மத்தியில் பெரிய வரவேற்பு கிடைத்து வருவது அனைவரும் அறிந்த ஒன்று. இந்த நிகழ்ச்சியில் பங்கேற்ற பலரும் தற்போது சினிமா சின்னத்திரை என இரண்டிலும், பிரபலங்களாக இருந்து வருவதால், இந்நிகழ்ச்சியில் பங்கேற்க பலரும் ஆர்வம் காட்டி வருகின்றனர். அதிலும் குறிப்பாக சமூகவலைதளங்களில் பிரபலங்களாக இருக்கும் பலருக்கும் பிக்பாஸ் மோகம் அதிகமாக உள்ளது.
அந்த வகையில், கடந்த அக்டோபர் 5-ந் தேதி தொடங்கிய பிக்பாஸ் நிகழ்ச்சியின் 9-வது சீசனில், பல சமூகவலைதள பிரபலங்கள் பங்கேற்றுள்ளனர். இந்த நிகழ்வுகள் ஒரு பக்கம் கடுமையான விமர்சனங்களை எதிர்கொண்டு வந்தாலும், மறுபக்கம், ரசிகர்கள் பிக்பாஸ் வீட்டுக்குள் என்னதான் நடக்கிறதது என்பதை பார்க்க ஆவலுடன் இருந்து வருகின்றனர். இந்த நிகழ்ச்சியின் போட்டியாளர்கள் குறித்த தகவல்கள் இணையத்தில் அதிகம் வெளியாகி கவனம் ஈர்த்து வருகிறது.
அந்த வரிசையில், இந்த பிக்பாஸ் 9-வது சீசனில், பங்கேற்றுள்ள மாடல் அழகிகள் யார்? அவர்களுக்கு இன்ஸ்டாகிராம் பக்கத்தில் எத்தனை ஃபாலோயர்கள் இருக்கிறார்கள் என்பது குறித்து இந்த பதிவில் பார்ப்போம். இந்த நிகழ்ச்சியில், மாடல் அழகி நந்தினி போட்டியாளராக களமிறங்கி பலரின் கவனத்தை ஈர்த்து வருகிறார். மாடல் அழகி மட்டும் இல்லாமல் இவர் யோகா பயிற்சியாளருமாகவும் இருக்கிறார் என்பது குறிப்பிடத்தக்கது.
அதேபோல், கவர்ச்சியான மாடலிங் போட்டோஷூட் மூலம் பலரின் கவனத்தை ஈர்த்த ஆர்.ஜே.கெமி இந்த சீசனில் போட்டியாளராக களமிறங்கியுள்ளார். பிரபல தொகுப்பாளினி மற்றும் மாடல் அழகியுமான இவருக்கு, 1.82 லட்சம் ஃபாலோயர்கள் உள்ளனர். கேரளாவில் பிரபல மாடல் அழகியாக வலம் வருபவர் அப்சரா சி.ஜே. தனது கவர்ச்சியான மாடலிங் போட்டோஷூட் மூலம் பலரின் கவனத்தை ஈர்த்தவர். இவருக்கு, சுமார் 27 ஆயிரம் ஃபாலோயர்கள் உள்ளனர்.
மாடலிங் துறையில் கிடைத்த வரவேற்பை தொடர்ந்து பட பட வாய்ப்புகளையும் பெற்று வரும் வியானா. தற்போது தமிழ் பிக் பாஸ் நிகழ்ச்சியில் களமிறங்கியுள்ளார். இவருக்கு சமூகவலைதளங்களில், சுமார் 1.56 லட்சம் ஃபாலோயர்கள் உள்ளனர். பலராலும் பலூன் அக்கா என்று அழைக்கப்படும் அரோரா சின்க்ளேர் தனது சமூகவலைதளங்களில் படு கவர்ச்சியான புகைப்படங்களை பதிவிட்டு இளைஞர்களின் கவனத்தை ஈர்த்த இவருக்கு 7.88 லட்சம் ஃபாலோயர்கள் உள்ளனர்.
தற்போது பிக்பாஸ் நிகழ்ச்சியில் என்ட்ரி கொடுத்துள்ளதால், இவரின் ஃபாலோயர்கள் மேலும் அதிகரிக்க வாய்ப்புள்ளது.
Stay updated with the latest news headlines and all the latest Lifestyle news. Download Indian Express Tamil App - Android or iOS.