விஜய்க்கு ஜோடி, சூர்யாவுக்கு காதலி; ஜெயம் ரவிக்கு அக்காவான இந்த நடிகை கொடூர வில்லி: யார்னு கண்டுபிடிங்க!

தமிழ் சினிமாவில் விஜய்க்கு ஜோடியாக அறிமுகமான நடிகை ஒருவர் அதன்பிறகு சூர்யாவின் பெரிய வெற்றிப்படத்தில் அவரின் முன்னாள் காதலியாக நடித்திருந்தார். சமீபத்தில் வெளியான ஒரு படத்தில் வில்லியாக நடித்திருந்த இவர் யார் என்று தெரியுமா?

அந்த நடிகை வேறு யாரும் இல்லை பூமிகா சாவ்லா தான். 2000-ம் ஆண்டு, தெலுங்கில் வெளியான யுவகாடு என்ற படத்தின் மூலம் சினிமாவில் அறிமுகமான இவர், அடுத்த வருடமே விஜய்க்கு ஜோடியாக பத்ரி படத்தில் நடித்து தமிழ் சினிமாவில் அறிமுகமானார். இந்த படம் அவருக்கு நல்ல அறிமுகத்தை கொடுத்தது, அடுத்து, ஸ்ரீகாந்துடன் ரோஜா கூட்டம் படத்தில் நடித்த புமிகா, சூர்யாவின் சில்லுனு ஒரு காதல் படத்தில் அவரின் முன்னாள் காதலியாக நடித்திருந்தார்.

சில்லுனு ஒரு காதல் படம் 2006-ம் ஆண்டு வெளியான நிலையில், அதன்பிறகு 7 வருட இடைவெளியில் சித்திரையில் நிலாச்சோறு என்ற படத்தில் கெஸ்ட் ரோலில் நடித்திருந்தார், களவாடிய பொழுதுகள், யுடர்ன், கொலையுதிர் காலம், ஆகிய படங்களில் நடித்திருந்த பூமிகா கண்ணை நம்பாதே படத்தில், டூயல் கேரக்டரில் வில்லியாகவும் நல்லவராகவும் நடித்திருந்தார். அதன்பிறகு பிரதர் படத்தில் ஜெயம்ரவியின் அக்கா கேரக்டரில் நடித்த பூமிகா ஸ்கூல் படத்தில் முக்கிய கேரக்டரில் நடித்திருந்தார்,

மலையாளத்தில் மோகன்லாலுடன் 'பிரம்ரம்', ஆஷா சரத்துடன் 'பட்டி' போன்ற மலையாளப் படங்களில் பூமிகா நடித்திருந்தார். ஒரு காலத்தில் பாலிவுட், கோலிவுட், மலையாளம், பஞ்சாபி என பல மொழிப் படங்களில் பிஸியாக இருந்த பூமிகா, இன்று நடிப்பில் அவ்வளவு தீவிரமாக இல்லை. வருடத்தில் ஒன்று அல்லது இரண்டு படங்களில் மட்டும் நடித்து வரும் இவர், மீதமுள்ள நேரத்தை குடும்ப வாழ்க்கையின் பொறுப்புகளுக்காக ஒதுக்குகிறார். 47 வயதான பூமிகாவின் சமீபத்தியப் படங்கள் இப்போது கவனத்தை ஈர்க்கின்றன. 2003-ல் சல்மான் கான் கதாநாயகனாக நடித்த 'தேரே நாம்' படத்தின் மூலம் பூமிகா பாலிவுட்டில் அறிமுகமானார்.

பூமிகா நடித்த 'தேரே நாம்', தமிழில் விஜய் ஜோதிகா நடிப்பில் வெளியான குஷி படத்தின் தெலுங்கு ரீமேக்கில் ஜோதிகா கேரக்டரில் நடித்தவர் பூமிகா தான். யோகா ஆசிரியரான பரத் தாகூர் தான் பூமிகாவின் கணவர். இந்தத் தம்பதிக்கு ஒரு மகன் உள்ளார். நடிப்பில் தீவிரமாக இல்லாவிட்டாலும், சமூக ஊடகங்களில் பூமிகா ஆக்டிவாக இருக்கிறார். அவ்வப்போது தன்னுடையப் புதிய தகவல்களையும் படங்களையும் அவர் பகிர்ந்து வருகிறார்.