விஜய் 62 : சென்னையில் இன்று ஷூட்டிங் தொடங்கியது!

ஏ.ஆர்.முருகதாஸ் இயக்கத்தில் விஜய் நடிக்கும் ‘விஜய் 62’ படத்தின் ஷூட்டிங், இன்று சென்னை கிழக்கு கடற்கரை சாலையில் தொடங்கியுள்ளது.

vijay 62

ஏ.ஆர்.முருகதாஸ் இயக்கத்தில் விஜய் நடிக்கும் ‘விஜய் 62’ படத்தின் ஷூட்டிங், இன்று சென்னை கிழக்கு கடற்கரை சாலையில் தொடங்கியுள்ளது.

‘துப்பாக்கி’ மற்றும் ‘கத்தி’ படங்களைத் தொடர்ந்து விஜய் – ஏ.ஆர்.முருகதாஸ் இருவரும் மூன்றாவது முறையாக இணைகின்றனர். இன்னும் பெயர் வைக்கப்படாத இந்தப் படம் ‘விஜய் 62’ என்றே குறிப்பிடப்பட்டு வருகிறது. இந்தப் படத்தை, சன் பிக்சர்ஸ் சார்பில் கலாநிதி மாறன் தயாரிக்கிறார்.

மலையாளப் படங்களில் ஒளிப்பதிவாளராகப் பணியாற்றிய க்ரீஷ் கங்காதரன், இந்தப் படத்தின் மூலம் தமிழில் ஒளிப்பதிவாளராக அறிமுகமாகிறார். தேசிய விருதுபெற்ற ஸ்ரீகர் பிரசாத் எடிட் செய்ய, ஆர்ட் டைரக்டராக சந்தானம் பணியாற்றுகிறார். ‘மெர்சல்’ படத்தைத் தொடர்ந்து, இந்தப் படத்துக்கும் ஏ.ஆர்.ரஹ்மானே இசையமைக்கிறார்.

‘விஜய் 62’ படத்தில், விஜய்க்கு ஜோடியாக கீர்த்தி சுரேஷ் நடிக்கிறார். பரதன் இயக்கிய ‘பைரவா’ படத்தில், முதன்முதலில் விஜய்யுடன் ஜோடி சேர்ந்து நடித்தார் கீர்த்தி சுரேஷ். கடந்த வருடம் பொங்கல் விடுமுறையில் இந்தப் படம் ரிலீஸானது. ‘பைரவா’ ரிலீஸான ஒரு வருடத்திற்குள்ளேயே மறுபடியும் விஜய்யுடன் ஜோடி போட வாய்ப்பு கிடைத்திருப்பதால், ஏகப்பட்ட மகிழ்ச்சியில் இருக்கிறாராம் கீர்த்தி சுரேஷ்.

இந்நிலையில், சென்னை கிழக்கு கடற்கரை சாலையில் உள்ள பனையூரில், இன்று பூஜையுடன் படம் தொடங்கியிருக்கிறது. எனவே, இந்தப் படம் வருகிற தீபாவளிக்கு ரிலீஸ் ஆகும் என எதிர்பார்த்துக் காத்திருக்கின்றனர் விஜய் ரசிகர்கள்.

Get the latest Tamil news and Entertainment news here. You can also read all the Entertainment news by following us on Twitter, Facebook and Telegram.

Web Title: Vijay 62 shooting started today

Next Story
சப்-ரெஜிஸ்டரர் ‘கடவுள்’ ஆனது எப்படி? என்.டி. ராமாராவ் எனும் பிரம்மாண்டம்!
The moderation of comments is automated and not cleared manually by tamil.indianexpress.com
Best of Express