பாடப் புத்தகத்தில் விஜய் படம்... பரவசத்தில் ரசிகர்கள்!

சிபிஎஸ்இ பாடப் புத்தகத்தில் விஜய் புகைப்படம் இடம்பெற்றுள்ளதால், அவருடைய ரசிகர்கள் பரவசத்தில் ஆழ்ந்துள்ளனர்.

சமீபத்தில் வெளியான விஜய்யின் ‘மெர்சல்’ படத்தில், மருத்துவத்துறை சம்பந்தமான விருது பெறுவதற்காக வெளிநாடு செல்லும்போது கூட விஜய் வேட்டி - சட்டையில் செல்வது போன்ற காட்சி இருக்கும். அவர்மீது சந்தேகப்பட்டு, விமான நிலைய அதிகாரிகள் ஜட்டியுடன் நிற்கவைத்து சோதனை செய்வார்கள்.

பின்னர், விஜய் யார் எனத் தெரிந்துகொண்டு அவருக்கு மரியாதை கொடுப்பார்கள். அப்போது, வேட்டி - சட்டையின் பெருமை பற்றி விஜய் பேசுவார். அவர் எந்த நேரத்தில் அப்படி டயலாக் பேசினாரோ தெரியாது. பள்ளிப் பாடப் புத்தக்கத்தில் வேட்டி - சட்டை மாடலாக விஜய் இடம்பெற்றுள்ளார்.

சிபிஎஸ்இ பாடப்பிரிவில் மூன்றாம் வகுப்புக்கான பாடப் புத்தகத்தில் விஜய் புகைப்படம் இடம்பெற்றுள்ளது. பொங்கல் பண்டிகையைப் பற்றிய அந்தப் பாடத்தில், வேட்டி - சட்டைதான் தமிழர்களின் பாரம்பரிய உடை என்று குறிப்பிட்டு, விஜய் வேட்டி - சட்டையில் இருக்கும் புகைப்படத்தையும் வெளியிட்டுள்ளனர்.

இந்த விஷயம் விஜய் ரசிகர்களுக்குத் தெரியவர, தங்கள் தலைவன் புகைப்படம் பாடப் புத்தகத்தில் இருப்பதை நினைத்து பரவசப்படுகின்றனர்.