'சண்டக்கோழி 2' பூஜையுடன் இன்று ஆரம்பமானது!

லிங்குசாமி இயக்கத்தில் விஷால், மீரா ஜாஸ்மின், ராஜ் கிரண் ஆகியோர் நடித்து கடந்த 2005-ஆம் ஆண்டு வெளியாகி சூப்பர் ஹிட்டான ஆக்ஷன் படம் சண்டக்கோழி. லிங்குசாமி மற்றும் விஷாலின் கேரியரிலேயே மிகப்பெரிய வெற்றியைக் கொடுத்தப் படம் என்றால் அது சண்டக்கோழி தான்.

இதன் இரண்டாம் பாடம் கடந்த 2015-ஆம் ஆண்டே துவக்கப்படுவதாக இருந்தது. ஆனால், சில காரணங்களால் தள்ளிக் கொண்டே போனது. இதையடுத்து, சமீபத்தில் தான் இரண்டாம் பாகத்திற்கான அதிகாரப்பூர்வ அறிவிப்பு வெளியானது. இதைத் தொடர்ந்து, இன்று காலை பூஜை போடப்பட்டு இப்படத்தின் ஷூட்டிங் தொடங்கியது. லிங்குசாமி, விஷால், ராஜ்கிரண் ஆகியோர் இந்த பூஜையில் கலந்து கொண்டனர்.

சண்டக்கோழி இரண்டாம் பாகத்தில் ஹீரோயினாக கீர்த்தி சுரேஷ் நடிக்கிறார். முதல் பாகத்தில் நடித்த ராஜ்கிரணே இதிலும் விஷாலின் தந்தையாக நடிக்கிறார். வரலக்ஷ்மி சரத்குமாரும் இப்படத்தில் நடிக்கிறார். யுவன் ஷங்கர் ராஜா இசையமைக்கிறார்.