அஜித்தின் அடுத்த படத்துக்கு இசையமைக்கிறார் யுவன் சங்கர் ராஜா

அஜித் நடிப்பில் சிவா இயக்கும் அடுத்த படத்துக்கு யுவன் சங்கர் ராஜா இசையமைக்கிறார்.

By: Published: November 4, 2017, 6:24:07 PM

அஜித் நடிப்பில் சிவா இயக்கும் அடுத்த படத்துக்கு யுவன் சங்கர் ராஜா இசையமைக்கிறார்.

கார்த்தி நடித்த ‘சிறுத்தை’ படத்தை இயக்கிய சிவா, அடுத்ததாக அஜித்தை வைத்து ‘வீரம்’ படத்தை இயக்கினார். அந்தப் படம் ஹிட்டாக, அடுத்ததாக ‘வேதாளம்’ படத்தை இயக்கும் வாய்ப்பையும் வழங்கினார். அந்தப் படமும் ஹிட்டாக. ஹாட்ரிக்காக ‘விவேகம்’ படத்தை இயக்கும் வாய்ப்பையும் வழங்கினார்.

ஆனால், ‘விவேகம்’ படம் எதிர்பார்த்தபடி சரியாகப் போகவில்லை. கதையில் கோட்டைவிட்ட சிவா, கலெக்‌ஷனிலும் கோட்டை விட்டார். ஆனாலும், அடுத்த படத்தை இயக்கும் வாய்ப்பையும் நான்காவது முறையாக வழங்கியிருக்கிறார் அஜித். ‘விவேகம்’ படத்தில் விட்டதை, இந்தப் படத்தில் பிடிக்கும் வெறியோடு உழைத்துக் கொண்டிருக்கிறார் சிவா.

‘வேதாளம்’, ‘விவேகம்’ இரண்டு படங்களுக்கும் இசையமைத்தவர் அனிருத். சிவாவைப் போலவே அவருக்கும் தொடர்ச்சியாக வாய்ப்புகள் தருவார் அஜித் என்று எதிர்பார்த்தால், ஏமாற்றமே கிடைத்திருக்கிறது. ‘ஆலுமா டோலுமா’ ஹிட் கொடுத்த அனிருத்துக்குப் பதிலாக, யுவன் சங்கர் ராஜா அஜித்தின் அடுத்த படத்துக்கு இசையமைக்கப் போகிறார்.

அஜித் நடித்த ‘தீனா’, ‘பில்லா’, ‘மங்காத்தா’ உள்ளிட்ட அஜித்தின் பல ஹிட் படங்களுக்கு இசையமைத்தவர் யுவன் சங்கர் ராஜா. சில வருட இடைவெளிக்குப் பிறகு மறுபடியும் அஜித்தின் படத்துக்கு இசையமைக்கும் வாய்ப்பு யுவனுக்கு கிடைத்திருக்கிறது. இன்னும் சில நாட்களில் அதிகாரப்பூர்வ அறிவிப்பு வெளியாகும் என்கிறார்கள்.

Get all the Latest Tamil News and Tamil Nadu News at Indian Express Tamil. You can also catch all the Entertainment News in Tamil by following us on Twitter and Facebook

Web Title:Yuvan sankar raja will play music for ajith next movie

The moderation of comments is automated and not cleared manually by tamil.indianexpress.com.
பிரபலமானவை
Advertisement

JUST NOW
X