5 மினிட்ஸ் லஞ்ச் ரெசிபி... ஈஸியா செய்ய இந்த ட்ரிக்ஸ் யூஸ் பண்ணுங்க!

வேலைக்குச் செல்பவர்கள், கல்லூரியில் படிப்பவர்கள் அல்லது சமையலுக்கு அதிக நேரம் ஒதுக்க முடியாதவர்களுக்கு, இந்த 'ஒன்-பாட்' சோயா சாதம் ரெசிபி ஒரு வரப்பிரசாதம். இது வெறும் 5 நிமிடங்களில் சமைக்க ஏற்ற மிக எளிய சமையல் தந்திரங்களுடன் கூடியது. சோயாவில் உள்ள அதிகப்படியான புரதச்சத்து மற்றும் காய்கறிகளின் சத்துக்கள் சேர்வதால், இது சுவையோடு ஆரோக்கியத்தையும் வழங்குகிறது. மேலும், சாதம், மசாலா என அனைத்தையும் ஒரே பாத்திரத்தில் சமைப்பதால் பாத்திரம் கழுவும் வேலையும் குறைவு. இதனை எப்படி செய்வது என்று ஏ.பி. கிச்சன் யூடியூப் பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

சமைத்த சாதம் - 1 கப்
சோயா சங்க்ஸ்  
பெரிய வெங்காயம்    1 
தக்காளி    1/2  
பச்சை மிளகாய்    2  
இஞ்சி பூண்டு விழுது     
மிளகாய் தூள்    1/2 தேக்கரண்டி
கரம் மசாலா தூள்    1/2 தேக்கரண்டி
மஞ்சள் தூள் 
எண்ணெய்/நெய்    2 தேக்கரண்டி
உப்பு 
கொத்தமல்லி இலை    சிறிதளவு  
 
செய்முறை: 

முதலில் சோயா சங்க்ஸை சுடுநீரில் 5 முதல் 10 நிமிடங்கள் வரை ஊறவைக்கவும். ஊறியதும், சோயாவிலிருந்து தண்ணீரை நன்கு பிழிந்து நீக்கி, தயார் செய்து கொள்ளவும். ஒரு வாணலியை அடுப்பில் வைத்து, எண்ணெய் அல்லது நெய் ஊற்றி சூடாக்கவும். அதில் பச்சை மிளகாய் மற்றும் நறுக்கிய வெங்காயத்தைச் சேர்த்து, பொன்னிறமாகும் வரை நன்கு வதக்கவும்.

வெங்காயம் வதங்கிய பின், இஞ்சி பூண்டு விழுதைச் சேர்த்து, அதன் பச்சை வாசனை போகும் வரை வதக்க வேண்டும். பின்னர் நறுக்கிய தக்காளி சேர்த்து, தக்காளி குழையும் வரை சமைக்கவும். இப்போது மஞ்சள் தூள், மிளகாய் தூள், கரம் மசாலா தூள் மற்றும் தேவையான அளவு உப்பு சேர்த்து, மசாலா வாசனை போகும் வரை சில நிமிடங்கள் கிளறி விடவும்.

பிழிந்து வைத்த சோயா சங்க்ஸ்களை மசாலா கலவையுடன் சேர்த்து 1-2 நிமிடம் கிளறி, மசாலா சோயாவில் பிடிக்கும்படி செய்யவும். இறுதியாக, ஆறிய சமைத்த சாதத்தைச் சேர்த்து, மசாலா எல்லா இடங்களிலும் சமமாக கலக்கும்படி மெதுவாகக் கிளறவும். கிளறிய பிறகு, பொடியாக நறுக்கிய கொத்தமல்லி இலைகளைத் தூவி அடுப்பை அணைக்கவும். சூடான சோயா ரைஸை தயிர் பச்சடி அல்லது சலட் உடன் சேர்த்துப் பரிமாறவும்.