தீபாவளிக்கு வீட்டுல பிரியாணியா? அப்ப இந்த டிஷ் கூட பண்ணுங்க; ரொம்ப ரொம்ப சிம்பிள்

தீபாவளி அல்லது விசேஷ நாட்களில், பிரியாணிக்கு ஒரு இணை உணவு (Side Dish) என்றால், அது நிச்சயமாக பாய் வீட்டு கல்யாண கத்திரிக்காய் கிரேவிதான். பிரியாணியின் காரம், புளிப்பு மற்றும் அசைவச் சுவைக்கு இந்த கத்திரிக்காய் கிரேவியின் தனித்துவமான புளிப்பும், இனிப்பும், கொட்டைகளின் மணமும் சரியான சமநிலையைத் தரும். மிகவும் சுவையான, அதிக எண்ணெய் இல்லாத இந்தக் கிரேவியை வீட்டிலேயே எளிய முறையில் எப்படிச் செய்வது என்று முத்துகுமார்கலா இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

எள் 1 டேபிள்ஸ்பூன்
வேர்க்கடலை      2 டேபிள்ஸ்பூன்
முந்திரி    5
தனியா, சீரகம், வெந்தயம் 
கத்திரிக்காய்     ¼ கிலோ
பெரிய வெங்காயம்    2
தக்காளி    2
இஞ்சி பூண்டு விழுது 
புளி     
நல்லெண்ணெய்    ¼ கப் (அவசியம்)
கடுகு, வெந்தயம் 
மிளகாய்த் தூள், தனியா தூள் 
மஞ்சள் தூள், உப்பு 
வெல்லம்/சர்க்கரை     

செய்முறை:

எள், வேர்க்கடலை, சீரகம், மிளகு, வெந்தயம் போன்றவற்றை மிதமான தீயில் எண்ணெய் இல்லாமல் வறுத்து, ஆறவைத்து சிறிது நீர் சேர்த்து நைஸான விழுதாக அரைக்கவும். கடாயில் நல்லெண்ணெய் சேர்த்து, கடுகு, வெந்தயம் மற்றும் கறிவேப்பிலை சேர்த்துத் தாளிக்கவும். இதில் வெங்காயம் சேர்த்து மென்மையாகும் வரை வதக்கி, கத்திரிக்காய்களை (X வடிவில் கீறியது) சேர்த்து சில நிமிடங்கள் வறுக்கவும். பின்னர் மூடி வைத்து மிதமான தீயில் 5 முதல் 7 நிமிடங்கள் வேக வைக்கவும்.

View this post on Instagram

A post shared by Muthukumar Kala (@muthukumarkala)

தக்காளி மற்றும் இஞ்சி பூண்டு விழுது சேர்த்து வதக்கவும். மஞ்சள் தூள், மிளகாய் தூள், தனியா தூள் சேர்த்து சிறிது வதக்கிய பின், அரைத்து வைத்த மசாலா விழுதைச் சேர்த்து எண்ணெய் பிரியும் வரை வறுக்கவும். இறுதியாக உப்பு மற்றும் புளிக் கரைசலைச் சேர்த்து, கத்திரிக்காய் மசாலாவை உறிஞ்சும் வரை மூடி போட்டு சில நிமிடங்கள் சமைக்கவும். இந்தக் கட்டத்தில் புளிப்பு மற்றும் காரத்தைச் சமன் செய்ய ஒரு சிறு துண்டு வெல்லம் அல்லது சர்க்கரை சேர்க்கலாம். எண்ணெய் பிரிந்து கிரேவி கெட்டியாகும் வரை கொதிக்க வைத்து, கறிவேப்பிலை தூவிப் பரிமாறவும்.