தீபாவளி காலையில் புசு புசு இட்லி... கணக்கில்லாமல் சாப்பிட கறிக் குழம்பு இப்படி வையுங்க!

தீபாவளி பண்டிகை என்றாலே பலகாரங்கள், பட்டாசுகள், புத்தாடைகள் என கொண்டாட்டம்தான். ஆனால், காலையில் இட்லியும் கறிக் குழம்பும் இல்லாவிட்டால் அந்தத் தீபாவளி பந்தயமே முழுமையடையாது. அதிலும், பஞ்சு போல புசு புசுவென இருக்கும் இட்லிக்கு, கெட்டிச்சார்ந்த காரசாரமான மட்டன் கறிக்குழம்பு இருந்தால், எத்தனை இட்லி சாப்பிட்டோம் என்ற கணக்கே தெரியாது. இன்று, அந்த அட்டகாசமான சுவையில், இட்லியை அள்ளி சாப்பிடத் தூண்டும் ஒரு பாரம்பரிய மட்டன் கறிக் குழம்பு எப்படி செய்வது என்று கார்த்திஸ் குக்புக்ஸ் இன்ஸ்டா பக்கத்தில் செய்து காட்டியிருப்பது பற்றி பார்க்கலாம்.

தேவையான பொருட்கள்:

மட்டன்  
சின்ன வெங்காயம் 
தக்காளி 
இஞ்சி பூண்டு விழுது 
மஞ்சள் தூள் 
குழம்பு மிளகாய்த் தூள் 
தனியா தூள் 
உப்பு 
நல்லெண்ணெய் 
கறிவேப்பிலை     
பட்டை
கிராம்பு
ஏலக்காய்
சோம்பு 
தேங்காய் 
முந்திரிப் பருப்பு 

செய்முறை:

மட்டனை நன்றாகக் கழுவி, மஞ்சள் தூள், 1/2 டீஸ்பூன் இஞ்சி பூண்டு விழுது மற்றும் சிறிதளவு உப்பு சேர்த்து குக்கரில் 2 அல்லது 3 விசில் விட்டு அரைவேக்காடு வேகவைத்து எடுத்துக் கொள்ளவும். (இது குழம்பை சீக்கிரம் முடிக்க உதவும்). அரைக்க கொடுத்துள்ள தேங்காய், சோம்பு மற்றும் முந்திரியை சிறிதளவு தண்ணீர் சேர்த்து மையாக அரைத்து தனியே வைத்துக் கொள்ளவும்.

அகலமான ஒரு பாத்திரத்தில் (அல்லது குக்கரில்) நல்லெண்ணெய் ஊற்றி சூடாக்கவும். எண்ணெய் காய்ந்ததும், தாளிக்க கொடுத்துள்ள பட்டை, கிராம்பு, ஏலக்காய், சோம்பு சேர்த்து பொரிய விடவும். நறுக்கிய சின்ன வெங்காயத்தைச் சேர்த்து, பொன்னிறமாகும் வரை நன்றாக வதக்கவும். மீதமுள்ள இஞ்சி பூண்டு விழுதைச் சேர்த்து, பச்சை வாசனை போகும் வரை வதக்கவும்.

பிறகு நறுக்கிய தக்காளியைச் சேர்த்து, தக்காளி குழைந்து வரும் வரை வதக்கவும். மஞ்சள் தூள், குழம்பு மிளகாய்த் தூள், தனியா தூள் மற்றும் தேவையான அளவு உப்பு சேர்த்து, மிதமான தீயில் 2 நிமிடம் கிளறவும். மசாலாவின் பச்சை வாசனை போக வேண்டும். இப்போது, அரைவேக்காடு வேகவைத்த மட்டனை, அதனுடன் சேர்த்து வைத்திருந்த தண்ணீர் உடனே இதில் ஊற்றவும்.

View this post on Instagram

A post shared by karthis_cookbooks (@karthis_cookbooks)

தேவையான அளவு தண்ணீர் சேர்த்து (குழம்பு எவ்வளவு கெட்டியாக வேண்டும் என்பதைப் பொறுத்து) நன்றாகக் கலந்துவிடவும். குழம்பு கொதிக்க ஆரம்பிக்க வேண்டும். குழம்பு நன்றாக கொதித்து, கறி முழுவதுமாக வெந்துள்ளதா எனப் பார்க்கவும். கறி வெந்தவுடன், அரைத்து வைத்த தேங்காய் விழுதைச் சேர்த்து, நன்றாகக் கலந்து விடவும். தேங்காய் சேர்த்த பிறகு, குழம்பு மீண்டும் ஒரு கொதி வந்தவுடன் (2-3 நிமிடங்கள்), தீயை முற்றிலும் குறைக்கவும். அதிக நேரம் கொதிக்க வைக்க வேண்டாம். இறுதியாக, கறிவேப்பிலை மற்றும் கொத்தமல்லி இலை தூவி, பாத்திரத்தை மூடிவிட்டு, அடுப்பை அணைக்கவும்.