கண்ணா லட்டு தின்ன ஆசையா? உருட்டிப் பிடிக்க ஈஸி டிப்ஸ்; ரொம்ப ரொம்ப டேஸ்டி!

தீபாவளிப் பண்டிகைக் காலத்தில் பலரும் ஆவலுடன் தேடும் ஒரு இனிப்பு வகைகளில் மோதிச்சூர் லட்டுக்கு எப்போதும் தனி இடம் உண்டு. கடைகளில் வாங்குவதைப் போலவே, வீட்டிலேயே சுலபமாகவும், மிகச் சுவையாகவும், ஜூஸியாகவும் இந்த லட்டுகளை எப்படித் தயாரிக்கலாம் என்று சன்லேண்ட் கிச்சன் இன்ஸ்டா பக்கத்தில் செய்து காட்டியிருப்பது பற்றி பார்ப்போ. சரியான பக்குவம் மற்றும் சில எளிய டிப்ஸ்களைப் பின்பற்றினால், மொறுமொறுவென ஆகாமல், சரியான பதத்தில் லட்டு பிடித்து மகிழலாம்.

தேவையான பொருட்கள்: 

கடலை மாவு: 1 கப்
பேக்கிங் பவுடர்
உப்பு
தண்ணீர்: 1 கப்
சர்க்கரை: 1 கப்
தண்ணீர்: ¼ கப்
குங்குமப்பூ
ஏலக்காய்
ஃபுட் கலர்
எலுமிச்சை சாறு: 1 டீஸ்பூன்
எண்ணெய்
நெய்

செய்முறை:

முதலில், ஒரு கப் கடலை மாவுடன் பேக்கிங் பவுடர், உப்பு மற்றும் ஒரு கப் தண்ணீர் சேர்த்து, கட்டியில்லாமல் கரைத்து, பூந்தி மாவைத் தயார் செய்து வைக்கவும். ஒரு பாத்திரத்தில் சர்க்கரை, கால் கப் தண்ணீர், குங்குமப்பூ, ஏலக்காய், ஃபுட் கலர் மற்றும் ஒரு டீஸ்பூன் எலுமிச்சை சாறு சேர்த்து கொதிக்க வைக்கவும். சர்க்கரைப் பாகு ஒரு கம்பி பதம் வரும் வரை கொதிக்க வைத்து அடுப்பிலிருந்து இறக்கவும்.

சர்க்கரை பாகு நல்ல தண்ணியாக இல்லாமல், இந்த ஒரு கம்பி பதம் வருவது மிக அவசியம். சமையல் எண்ணெயைச் சூடாக்கி, அதில் பூந்தியைப் பொரித்தெடுக்கவும். பொரிக்கும்போது பூந்தி ரொம்ப மொறுமொறுவென ஆகிவிடாமல், லேசாகப் பொரித்தவுடனே எடுத்துவிடுவது லட்டு ஜூஸியாக இருக்க உதவும்.

View this post on Instagram

A post shared by Sunland Kitchen (@sunland_kitchen)

பொரித்த பூந்தியை, சூடாக இருக்கும் சர்க்கரைப் பாகில் போட்டு நன்கு கலக்கவும். பாகு சூடாக இருக்கும்போது சேர்ப்பதுதான் பூந்தி சாறு முழுவதையும் உறிஞ்ச உதவும். பூந்தி பாகில் சுமார் ஐந்து நிமிடங்கள் நன்கு ஊறிய பிறகு, கையில் நெய் தடவிக்கொண்டு லட்டு உருண்டைகளாகப் பிடித்துப் பரிமாறலாம். இந்த தீபாவளிக்கு இனி நிறைய காசு செலவு செய்து கடையில் மோதிசூர் லட்டு வாங்க வேண்டிய அவசியம் இல்லை.