எலும்பு வியாதியை விரட்டும்... 2 முக்கிய பொருள் இருக்கும் இந்த சூப் குடிங்க: டாக்டர் மைதிலி

ஆட்டுக்கால் சூப்பில் உள்ள கான்ட்ரய்ட்டின் மற்றும் குளுகோசமைன் போன்ற வேதிப்பொருட்கள் எலும்புகளைப் பலப்படுத்தவும், மூட்டு வலி, முழங்கால் வலி மற்றும் உடல் வலிகளை குறைக்கவும் உதவுகின்றன. இது தசைப் பகுதியை வலுவாக்கி, நோய் எதிர்ப்பு சக்தியை அதிகரிக்கும் திறன் கொண்டது. இந்த சூடான சூப்பைக் குடித்து, உடலை ஆரோக்கியமாக வைத்துக்கொள்ளலாம்.

தேவையான பொருட்கள்:

ஆட்டுக்கால் (நன்கு சுத்தம் செய்தது)    4
சின்ன வெங்காயம்    1 கைப்பிடி (சுமார் 15)
இஞ்சி    2 அங்குல துண்டு
பூண்டு பற்கள்    8 முதல் 10
தக்காளி    1/2
மஞ்சள் தூள்    1/2 தேக்கரண்டி
மிளகு (அ) தூள்    2 தேக்கரண்டி
சீரகம் (அ) தூள்    1 தேக்கரண்டி
தனியா (அ) மல்லித்தூள் 1/2 தேக்கரண்டி
உப்பு மற்றும் தண்ணீர் 
கொத்தமல்லி தழை 

செய்முறை:

ஒரு மிக்ஸி ஜாரில் மிளகு, சீரகம், இஞ்சி, பூண்டு, சின்ன வெங்காயம் மற்றும் தக்காளி ஆகியவற்றை சேர்த்து, தண்ணீர் விடாமல் கொரகொரப்பாக அரைத்து எடுத்துக்கொள்ளவும். சுத்தம் செய்த ஆட்டுக்கால்களை ஒரு பிரஷர் குக்கரில் சேர்க்கவும். அதனுடன் அரைத்த விழுது, மஞ்சள் தூள், உப்பு மற்றும் சூப்புக்குத் தேவையான அளவு தண்ணீர் (ஆட்டுக்கால் மூழ்கும் வரை) சேர்த்து நன்கு கலக்கவும்.

View this post on Instagram

A post shared by Veeran veedu (@veeran_veedu)

குக்கரை மூடி, அதிக தீயில் ஒரு விசில் வந்த பிறகு, தீயை முற்றிலும் குறைத்து, 15 முதல் 20 நிமிடங்கள் அல்லது ஆட்டுக்கால் எலும்பில் இருந்து சதைகள் பிரியும் வரை வேகவிடவும் (சுமார் 10 முதல் 12 விசில் தேவைப்படலாம்). ஆவி அடங்கிய பின், சூப்பை ஒரு கிண்ணத்தில் மாற்றி, பொடியாக நறுக்கிய கொத்தமல்லி தழையைத் தூவி சூடாகப் பரிமாறவும்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.