எப்ப பார்த்தாலும், தேங்காய், தக்காளி சட்னி... ஒருமுறை இத ட்ரை பண்ணுங்க; திரும்ப திரும்ப செய்ய சொல்லுவீங்க!

இட்லி, தோசைக்கு எப்போதும் தேங்காய் சட்னி, தக்காளி சட்னி என்று சலித்துப் போய்விட்டதா? ஒரு புதிய, அதே சமயம் அட்டகாசமான சுவை கொண்ட சட்னியை முயற்சிக்க வேண்டுமா? துவரம் பருப்பை பயன்படுத்தி செய்யப்படும் இந்த 'துவரம் பருப்பு தண்ணி சட்னி' (Toor Dal Chutney) ஒருமுறை செய்து பாருங்கள், அதன் சுவையில் அசந்துபோய் திரும்பத் திரும்ப செய்வீர்கள். இந்த சட்னி வழக்கமான சட்னிகளை விட தனித்துவமான சுவையையும், ஊட்டச்சத்தையும் வழங்குகிறது. இதனை எப்படி செய்வது என்று காயுஸ் கிச்சன் இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

நல்லெண்ணெய் 
பச்சை வேர்க்கடலை 
துவரம் பருப்பு
கறிவேப்பிலை
புளி 
பச்சை மிளகாய்
பெரிய வெங்காயம்
உப்பு 
கடலை எண்ணெய்
கடுகு
காய்ந்த மிளகாய் 
பெருங்காயத்தூள் 

செய்முறை:

ஒரு கடாயை அடுப்பில் வைத்து, நல்லெண்ணெய் சேர்த்து சூடானதும், அதில் பச்சை வேர்க்கடலை மற்றும் துவரம் பருப்பு சேர்த்து, மிதமான தீயில் நிறம் மாறும் வரை (பொன்னிறமாகும் வரை) நன்கு வறுக்கவும். பருப்பு பொன்னிறமானதும், அதில் கறிவேப்பிலை, புளி, பச்சை மிளகாய், மற்றும் நறுக்கிய பெரிய வெங்காயம் ஆகியவற்றைச் சேர்க்கவும். இவற்றை சுமார் 3 நிமிடங்கள் பச்சை வாடை போகும் வரை நன்கு வதக்கவும். பின்னர் அடுப்பை அணைத்து, வறுத்த கலவையை ஆற வைக்கவும்.

ஆறிய கலவையை ஒரு மிக்ஸி ஜாருக்கு மாற்றவும். அத்துடன் தேவையான அளவு உப்பு மற்றும் சிறிது தண்ணீர் சேர்த்து, சட்னியை நைஸாக அரைத்தெடுக்கவும். அரைத்த சட்னியை ஒரு பாத்திரத்திற்கு மாற்றவும். ஒரு சிறிய தாளிப்பு கரண்டியில், கடலை எண்ணெய் ஊற்றி சூடாக்கவும். எண்ணெய் காய்ந்ததும், அதில் கடுகு சேர்க்கவும். கடுகு வெடித்த பிறகு, காய்ந்த மிளகாய், பெருங்காயத்தூள், மற்றும் கறிவேப்பிலை சேர்த்து தாளிக்கவும்.

View this post on Instagram

A post shared by Kayus Kitchen (@kayus_kitchen)

தாளித்த இந்தக் கலவையை அரைத்து வைத்துள்ள துவரம் பருப்பு சட்னியில் கொட்டி, நன்கு கலந்துவிடவும். அவ்வளவுதான், உங்கள் சுவையான மற்றும் சத்தான துவரம் பருப்பு தண்ணி சட்னி தயார். இந்தச் சட்னியை சூடான இட்லி மற்றும் தோசையுடன் பரிமாறவும். உங்களுக்கு காரம் குறைவாக வேண்டும் என்றால், பச்சை மிளகாயின் அளவைக் குறைத்துக் கொள்ளலாம். கூடுதல் சுவைக்காக, வதக்கும் போது ஒரு பல் பூண்டு சேர்த்துக் கொள்ளலாம்.