வெங்காயம், தக்காளி இல்லையா? கவலையை விடுங்க; சோறுக்கு இந்த துவையல்: பேச்சுலர்ஸ் நோட் பண்ணுங்க!

சமையலுக்கு அதிக நேரம் ஒதுக்க முடியாதவர்களுக்கும், விடுதிகளில் தங்கிப் படிப்பவர்களுக்கும், பேச்சுலர்களுக்கும் ஒரு வரப்பிரசாதம் இந்த இஞ்சி துவையல். சாதாரணமாக, தொட்டுக்க காய்கறி இல்லாத நாட்களில், சூடான சாதத்துடன் நெய் சேர்த்து இந்தத் துவையலைக் கலந்து சாப்பிட்டால் போதும், அதன் சுவையும் மனமும் வேறு எதையும் தேட விடாது.

இஞ்சியில் உள்ள ஜீரண சக்தியை அதிகரிக்கும் பண்புகள் காரணமாக, இது உணவுக்குச் சுவை சேர்ப்பது மட்டுமின்றி, ஆரோக்கியத்திற்கும் மிகவும் உகந்தது. மிகக் குறைந்த பொருட்களைக் கொண்டு, வெங்காயம், தக்காளி இல்லாமல், பத்து நிமிடங்களில் இதைச் செய்து முடிக்கலாம். இதனை எப்படி செய்யலாம் என்று பாரதிகுக்ஸ் இன்ஸ்டா பக்கத்தில் செய்து காட்டியிருப்பது பற்றி பார்ப்போம். 

தேவையான பொருட்கள்:

இஞ்சி (தோல் சீவியது)    1/2 கப் (சுமார் 50 கிராம்)
காய்ந்த மிளகாய்    4 - 6 (காரத்திற்கேற்ப)
உளுத்தம் பருப்பு    2 தேக்கரண்டி
புளி 
வெல்லம் அல்லது சர்க்கரை    1/2 தேக்கரண்டி (சுவையைச் சமன் செய்ய)
நல்லெண்ணெய்    2 - 3 தேக்கரண்டி
உப்பு 
கடுகு, கறிவேப்பிலை  

செய்முறை:

அடுப்பில் ஒரு வாணலியை வைத்து, அதில் 1 தேக்கரண்டி நல்லெண்ணெய் ஊற்றவும். எண்ணெய் காய்ந்ததும், உளுத்தம் பருப்பு மற்றும் காய்ந்த மிளகாயை சேர்த்து, சிவக்கும் வரை மிதமான தீயில் வறுக்கவும். வறுத்ததும் அவற்றை ஒரு தட்டில் எடுத்து வைக்கவும். அதே வாணலியில், மீதமுள்ள எண்ணெயைச் சேர்த்து, தோல் சீவி நறுக்கிய இஞ்சித் துண்டுகளைச் சேர்க்கவும். இஞ்சியின் பச்சை வாசனை முழுமையாக நீங்கி, சிறிது சுருங்கி, நிறம் மாறும் வரை (சுமார் 3-4 நிமிடங்கள்) நன்கு வதக்க வேண்டும். இதுவே துவையல் கெடாமல் இருக்க முக்கியக் காரணம்.

View this post on Instagram

A post shared by Bharathicooks ™ By Ramya (@bharathicooks)

வதக்கிய இஞ்சி மற்றும் வறுத்த பொருட்களை (மிளகாய், உளுந்து) ஆற வைக்கவும். ஆறிய பொருட்கள் அனைத்தையும் ஒரு மிக்ஸி ஜாரில் சேர்க்கவும். அதனுடன் புளி, வெல்லம் மற்றும் தேவையான அளவு உப்பு சேர்த்து, சிறிது தண்ணீர் (சுமார் 2-3 தேக்கரண்டி) தெளித்து, கெட்டியான துவையல் பதத்திற்குத் தண்ணீர் அதிகம் சேர்க்காமல் அரைக்கவும்.

இறுதியாக, ஒரு தேக்கரண்டி நல்லெண்ணெய், கடுகு மற்றும் கறிவேப்பிலை சேர்த்துத் தாளித்து, துவையலுடன் கலக்கினால் சுவையான இஞ்சி துவையல் தயார். இது சூடான சாதம், தயிர் சாதம், இட்லி, தோசை போன்றவற்றுடன் சேர்த்துச் சாப்பிட ஏற்றது.