வாழை வறுவல் இப்படி செஞ்சா யார் தான் வேணாம் சொல்லுவா? ஈஸி டிப்ஸ் பாருங்க!

அனைத்து வீடுகளிலும் அம்மாக்களுக்கு சுலபமான சைட் டிஷ் என்றால் அது வாழைக்காய் வறுவல் தான். வழக்கமான முறையில் செய்யாமல், இந்த செய்முறையைப் பயன்படுத்தி மொறுமொறுப்பான வாழைக்காய் வறுவலை ஒருமுறை முயற்சித்துப் பாருங்கள். இது உங்கள் வேலையை மிச்சப்படுத்தும். இந்த மொறுமொறுப்பான வாழைக்காய் வறுவலை எப்படி செய்வது என்று சவுத் இந்தியன் இன்ஸ்டா பக்கத்தில் செய்து காட்டியிருப்பது பற்றி பார்ப்போம்.

தேவையான பொருட்கள்:

ரவை
கடலை மாவு
அரிசி மாவு
மிளகாய் தூள்
மல்லி தூள்
மஞ்சள் தூள்
மிளகு தூள்
சீரக தூள்
சில்லி ஃபிளேக்ஸ்
உப்பு
காஷ்மீரி மிளகாய் தூள்
வாழைக்காய்

செய்முறை:

ஒரு கிண்ணத்தில், ரவை, கடலை மாவு, அரிசி மாவு, மிளகாய் தூள், மல்லி தூள், மஞ்சள் தூள், மிளகு தூள், சீரகம், சில்லி ஃப்ளேக்ஸ், உப்பு மற்றும் காஷ்மீரி மிளகாய் தூள் ஆகியவற்றை ஒன்றாக கலக்கவும். இந்த கலவைதான் வாழைக்காய்க்கு மொறுமொறுப்பைக் கொடுக்கும் பூச்சு.

வாழைக்காயை தோலை நீக்கி, அழகாக நீளவாக்கில் மெல்லிய துண்டுகளாக நறுக்கி வைத்துக் கொள்ளவும். இந்த வாழைக்காய் துண்டுகளை ஒரு தட்டில் பரப்பி, அதன் மீது நாம் கலந்து வைத்த பொடியை சமமாக தூவவும். துண்டுகளைத் திருப்பிப் போட்டு, மறுபுறமும் பொடியை தூவவும். வாழைக்காய் துண்டுகளுடன் பொடி நன்கு ஒட்டிக்கொள்ளும் வரை கலக்கவும். தண்ணீர் எதுவும் சேர்க்க வேண்டிய அவசியமில்லை. அப்படி சேர்த்தால் வறுவல் நன்றாக வராது. 

View this post on Instagram

A post shared by Praveen (@southindianasmr2.0)

ஒரு தோசைக்கல்லை அடுப்பில் வைத்து, சூடானதும் வாழைக்காய் துண்டுகளை அதன் மீது வைத்து வறுக்கவும். வாழைக்காய் துண்டுகள் பொன்னிறமாக மாறி, மொறுமொறுப்பாகும் வரை இருபுறமும் வறுக்கவும். இந்த சுவையான மற்றும் மொறுமொறுப்பான வாழைக்காய் வறுவல் உடனடியாகப் பரிமாறத் தயாராகிவிடும். இதை நீங்கள் சாம்பார் சாதம், ரசம் சாதம் அல்லது தயிர் சாதத்துடன் சேர்த்து சாப்பிடலாம். இந்த எளிமையான செய்முறையை ஒருமுறை முயற்சி செய்து பார்த்து, அதன் சுவை எப்படி இருக்கிறது என்பதை உங்கள் கருத்துக்களைப் பகிர்ந்து கொள்ளுங்கள்.