முட்டை ஓடு உடையாமல் வேக... இந்த எண்ணெய் ஒரு ஸ்பூன்; உருளை சீக்கிரம் கெடாமல் இருக்க இப்படி செஞ்சு வையுங்க!

சமையலறை என்பது கலை மற்றும் அறிவியலின் கலவை. இங்கு நாம் அன்றாடம் சந்திக்கும் சிறுசிறு சவால்களை எளிமையாகச் சமாளிப்பதற்கான இரண்டு டிப்ஸ்களை பற்றி விட்டல்ப்யூர்கேர் இன்ஸ்டா பக்கத்தில் கூறியிருப்பது பற்றி பார்ப்போம். இந்த எளிய குறிப்புகளைக் கடைப்பிடிப்பதன் மூலம், உணவுப் பொருள் வீணாவதை தடுக்கலாம், சமையல் நேரத்தையும் மிச்சப்படுத்தலாம்.

1. முட்டைகளை விரிசல் இல்லாமல் அவிப்பதற்கான ரகசியம்

நாம் முட்டையை வேக வைக்கும்போது, அதிக வெப்பம் காரணமாக அதன் ஓடு உடைந்து, வெள்ளைக் கருவானது நீருக்குள் வந்து மிதப்பதைப் பார்த்திருப்போம். இதனால் முட்டையின் வடிவம் கெடுவதுடன், சில நேரங்களில் அது வீணாகவும் நேரிடும். இந்தக் குறையை நிவர்த்தி செய்ய இங்கே ஒரு எளிய தீர்வு கொடுக்கப்பட்டுள்ளது.

முட்டைகளை அவிப்பதற்குத் தேவையான நீரில், இரண்டு முதல் மூன்று துளிகள் தேங்காய் எண்ணெயை சேர்க்க வேண்டும். அத்துடன், தேவையான அளவு உப்பையும் நீரில் சேர்த்து முட்டையை அவிக்க வேண்டும்.  தேங்காய் எண்ணெயும் உப்பும் சேர்ப்பதன் மூலம், முட்டையின் ஓடு விரிசல் ஏற்படுவது தடுக்கப்பட்டு, வெள்ளைக் கரு வெளியேறாமல், முட்டைகள் முழுமையாகவும், சரியான வடிவத்திலும் வேகும்.

2. உருளைக்கிழங்கு கெடாமல் பாதுகாக்கும் முறை

உருளைக்கிழங்கை அதிகம் வாங்கி நீண்ட நாட்களுக்குச் சேமித்து வைக்கும்போது, காலப்போக்கில் அது பச்சை நிறமாக மாறுவது அல்லது முளைகள் வெட்ட ஆரம்பிப்பது போன்ற பிரச்சனைகள் உருவாகின்றன. இந்த இரண்டு சிக்கல்களையும் தவிர்க்க ஒரு புத்திசாலித்தனமான கிச்சன் ஹேக் இங்கே கொடுக்கப்பட்டுள்ளது. உருளைக்கிழங்குகளைச் சேமித்து வைக்கும் இடத்தில், நாம் சாதாரணமாகத் தூக்கி எறியும் பூண்டின் நடுப்பகுதியை (பூண்டுப் பற்களைப் பயன்படுத்திய பின் உள்ள மையப்பகுதி) எடுத்து உருளைக்கிழங்குகளுடன் சேர்த்து வைக்க வேண்டும்.

View this post on Instagram

A post shared by VittalPure | Entrepreneur Personal care & Food (@vittalpurecare)

பூண்டின் மையப்பகுதியில் உள்ள இயற்கையான இரசாயனங்கள், உருளைக்கிழங்கின் நிறம் மாறுவதைத் தடுக்கிறது. மேலும், முளைகள் வருவதும் பெருமளவு கட்டுப்படுத்தப்பட்டு, உருளைக்கிழங்கு நீண்ட நாட்களுக்குப் புத்துணர்ச்சியுடன் இருக்க உதவுகிறது. இந்த இரண்டு குறிப்புகளும் சமைக்கும் அனைவரும் தெரிந்து வைத்திருக்க வேண்டிய அத்தியாவசியமான மற்றும் எளிமையான சமையலறை இரகசியங்களாகும்.